ថ្ងៃសៅរ៍ ទី២០ ខែកក្កដា ឆ្នាំ២០៥០
គេហទំព័រ សម្រែកយុត្តិធម៌
ដើមឈើចំនួន ១០០០ ដើមត្រូវបានមន្ទីរបរិស្ថានខេត្តកំពង់ធំផ្ដល់ជូនក្នុងទិវា រុក្ខិវា ០៩ កក្កដា!
Wed,10 July 2024 (Time 01:58 PM)
ដោយ ៖ vojhotnews (ចំនួនអ្នកអាន: 39នាក់)

កំពង់ធំ:-ក្នុងឱកាសរុក្ខទិវា ០៩ កក្កដា នាបរិវេណអាស្រមភ្នំជីស្ថិតនៅក្នុង ឃុំសុចិត្រ ស្រុកសណ្ដាន់ ខេត្តកំពង់ធំ បានប្រារព្ធពិធីដាំកូនឈើនិងមានការចូលរួមពី សំណាក់គណៈកម្មការសហគមន៍ លោកគ្រូ អ្នកគ្រូ សិស្សានុសិស្សជាច្រើននាក់ ព្រះសង្ឃ និងសប្បុរសជនផ្សេងៗផងដែរ។
ក្នុងនោះផងដែរ លោកនុប ឆាយ៉ា ប្រធានក្រុមការងារទីបញ្ជាការស្រាលប្រចាំនៅតំបន់អូរឃ្មង អមដំណើរដោយ លោក លី ស្រេង បានដឹកនាំកម្លាំងចូលរួមប្រារព្ធពិធីរុក្ខទិវានិងផ្ដល់ជូនកូនឈើចំនួន១០០០ដើមផងដែរ។
លោកនុប ឆាយ៉ា ប្រធានក្រុមការងារទីបញ្ជាការស្រាលប្រចាំការតំបន់អូរឃ្មងបានឲ្យដឹងថា ក្នុងពិធីរុក្ខទិវា ០៩កក្កដានេះមន្ទីរបរិស្ថានខេត្តកំពង់ធំ បានចូលរួមផ្តល់ជូនកូនឈើចំនួន១០០០ពាន់ដើមដល់អាស្រមភ្នំជីក្នុងនោះមាន ក្រញូង 100 ដើម និងដើមជ្រេស 900 ដើមផងដែរ។
លោកបន្តដែរថា បច្ចុប្បន្នមន្ទីបរិស្ថានខេត្តកំពង់ធំយើងនេះ បានរៀបចំថ្នាលបណ្ដុះកូនឈើជាច្រើនកន្លែង សម្រាប់ទុកចែជូនដល់តម្រូវការបងប្អូនប្រជាពលរដ្ឋមួយចំនួនផងដែរ។
មិនតែប៉ុណ្ណោះទៀតសោត លោកក៏បន្តបន្ថែមឲ្យដឹងដែរថា រុក្ខទិវានេះមិនមែនជាទិវាសម្រាប់តែការដាំកូនឈើតែប៉ុណ្ណោះទេ សំខាន់រុក្ខទិវានេះគឺជាការផ្ដួចផ្ដើមឡើងដ៏សំខាន់ដោយសម្ដេចព្រះបរមរតនកោដ្ឋ ហើយក៏ជាវប្បធម៌មួយដ៏ល្អប្រសើរផងដែរ ដែលបានជួយឲ្យបងប្អូនជនរួមជាតិបានចូលរួមដាំកូនឈើស្របតាមទស្សនៈរួម ហើយការដាំដើមឈើ ការការពារព្រៃឈើ គឺជាការជួយដោះខ្លួនឯងផងដែរ។
ព្រះតេជគុណដែលគង់នៅអាស្រមភ្នំជីមួយអង្គមានសង្ឃដីកាថា តេជគុណសប្បាយរីករាយខ្លាំងណាស់ ក្នុងទិវានេះដែលមានការចូលរួមពីសំណាក់បងប្អូនប្រជាពលរដ្ឋ រួមនិងសប្បុរសជននានា ទាំងគណៈកម្មការសមាគមន៍ លោកគ្រូ អ្នកគ្រូសាន រួមនិងកម្លាំងមានសមត្ថកិច្ច និងអាជ្ញាធរមូលដ្ឋានផងដែរ។
ព្រះតេជគុណបន្តបន្ថែមថា ដើមឈើដែលបានដាំរហូតមកដល់ពេលនេះ ទាំងធំទាំងតូចយ៉ាងហោចសរុបជាង 2ម៉ឺនដើមហើយ ហើយសុទ្ធសឹងតែជាប្រភេទ ដើមធ្នង់ បេង នាងនួន និងជ្រេសតែប៉ុណ្ណោះ។
សុំបញ្ជាក់ផងដែរថាកម្មវិធីរុក្ខទិវា ០៩ កក្កដានេះ កូនឈើដែលបានដាំនោះប្រហែលជា៣០០០ដើម ហើយក្នុងនោះជាប្រភេទកូនឈើដូចជា កូនធ្នង់ ក្រញូង បេង សុក្រម ជ្រេស ត្រយឹង ផ្ដៀក កកោះ ចន្ទគិរី(អំពិលបារាំង) និងដោយមានការចូលរួមប្រហែលជា 300 នាក់ផងដែរ៕
ដោយ សហការីVOJ

ព័ត៌មានគួរចាប់អារម្មណ៍

ករណីរឿងពុករលួយដ៏ធំរបស់ប្រធានមន្ទីរធនធានទឹកខេត្តបាត់ដំបង កឹបកេងថវិកាជាតិខ្ទង់ជាង១០០០លានរៀល យកធ្វើអ្នកមានធំម្នាក់ឯង គួរស្ថាប័នពាក់ព័ន្ធពិនិត្យផង ! (vojhotnews)

ព័ត៌មានគួរចាប់អារម្មណ៍

បនល្បែងទឹកភ្លៀងល្មើសើច្បាប់នៅឯភ្នំពេញ អាចលេងល្បែងទឹកភ្លៀងល្មើសច្បាប់(ច្បាប់តឹង ច្បាប់ធូរ)ដោយសេរី គណបញ្ជាការឯកភាពរដ្ឋបាលក្រុងភ្នំពេញ មានឆន្ទះបែបណា«កន្ទេលធំ បន្លំដេក ឬត្រូវយកច្បាប់ជាធំ»? (vojhotnews)

ព័ត៌មានគួរចាប់អារម្មណ៍

អំពើពុករលួយរបស់លោក នូ ស៊ីថា ឡើងកាន់តំណែងជាមេគយចល័តទូទាំងប្រទេសភ្លាមផ្អើលអ្នករកស៊ីតូច ធំ ករណីប្រើជនស៊ីវិលជាច្រើននាក់អោយដើរបង្ក្រាបបទល្មើសគយយកលុយគ្រប់ច្រកល្ហកជាពិសេសផ្លូវជាតិនិងតាមច្រកព្រំដែន.! (vojhotnews)

ព័ត៌មានគួរចាប់អារម្មណ៍

រះភិក្ខុជោតញ្ញាណោ អ៉ឹង ប៊ុនហ៊ូវ ថ្វាយព្រះពរ សម្តេចព្រះមហាក្សត្រី ព្រះវររាជមាតាជាតិខ្មែរ ក្នុងឱកាសព្រះរាជពិធីបុណ្យចម្រើនព្រះជន្ម គម្រប់ ៨៨ព្រះវស្សា យាងចូល ៨៩ព្រះវស្សា (vojhotnews)

ព័ត៌មានគួរចាប់អារម្មណ៍

សមត្ថកិច្ចក្រុងភ្នំពេញមិនបង្ក្រាបបនល្បែងទឹកភ្លៀងល្មើសច្បាប់ កណ្តាលទីក្រុង នាំអោយបទបញ្ជាសម្តេចបវរធិបតីហ៊ុន ម៉ាណែត នាយករដ្ឋមន្ត្រីថ្មី សាបដូចទឹកមាត់ខ្យង? (vojhotnews)

វីដែអូ

ចំនួនអ្នកទស្សនា

ថ្ងៃនេះ :
37 នាក់
ម្សិលមិញ :
816 នាក់
សប្តាហ៍នេះ :
2236 នាក់
ខែនេះ :
7198 នាក់
3 ខែនេះ :
20172 នាក់
សរុប :
571193 នាក់