ប្រភពពីខេត្តរតនគិរីអោយដឹងក្តៅៗនៅព្រឹកនេះថា៖ ឈ្មួញទុច្ចរឹតឈ្មោះ មករា ដែលមានមេក្លោងម្នាក់ឈ្មោះងួន សុវណ្ណាល្បីថា ទីប្រឹក្សាក្រសួងមហាផ្ទៃ កើតចេញពី(អនុក្រឹត្យលេខ០១៥ លេខរៀងទី៦១)ជាអ្នកធ្លាប់ល្បីខ្លាំងខាង កាងការពារតែបទល្មើសផងចាប់ផ្តើមដឹកជញ្ជូនឈើ ចេញពីខេត្តរតនគិរី ឆ្លងកាត់ច្រកទ្វារអន្តរជាតិអូរយ៉ាដាវ ទៅលក់អោយយួនជាថ្មីទៀតហើយ ។ពួកឈ្មួញទុច្ចរឹតបានដឹកឆ្លងដែនតាមច្រកទ្វារអន្តរជាតិទៀតផងយ៉ាងរំភើយ បន្ទាប់ពីវាបានផ្អាកដឹកមួយរយៈខ្លីដើម្បីចូលឆ្នាំចិន យួនមក។គួររម្លឹកថា៖កាលពីខែមករាឆ្នាំ២០២២កន្លងទៅនេះ ឈ្មួញឈ្មោះមករា ដែលល្បីមានមេក្លោងឈ្មោះងួន សុវណ្ណា បានដឹកឈើឆ្លងដែនតាមច្រកទ្វារអន្តរជាតិអូរយ៉ាដាវទាំងកណ្តាលថ្ងៃ បានសម្រេចមួយវគ្គរួចទៅហើយ ដោយតាមមធ្យោបាយឡានសាំយ៉ុង។ពេលនោះតែ២សប្តាហ៍សោះ លោកមករានិងមេក្លោង ដឹកបានចំនួន៩ឡានសាំយ៉ុង សម្រេចបានយ៉ាងជោគជ័យត្រចះត្រចង់គួរអោយមាទនៈ។ប៉ុន្តែពួកគេបានផ្អាកដឹកវិញដើម្បីចូលឆ្នាំចិន យួន។កាលណោះពលរដ្ឋសង្ស័យថាលោកយ៉ែម សំអឿនអភិបាលខេត្តរតនគិរី និងលោកយិន សំណាងស្នងការនគរបាលខេត្តរតនគិរី បើកដៃអោយឈ្មួញដឹកឈើទៅលក់នៅប្រទេសយួន ទើបឈ្មួញឈ្មោះ មករា និងមេក្លោងឈ្មោះងួន សុវណ្ណា អាចដឹកឆ្លងច្រកទ្វារអន្តរជាតិទាំងកណ្តាលថ្ងៃបានយ៉ាងរំភើយបែបនោះ។ ឯលោកប្រធានខណ្ឌរដ្ឋបាលព្រៃឈើ ប្រធានមន្ទីរបរិស្ថាន ប្រធានមន្ទីរកសិកម្ម សមត្ថកិច្ចច្រកទ្វារអូរយ៉ាដាវ ត្រូវគេមើលឃើញថា សុទ្ធតែនាំគ្នាបាំងដៃមើលឈ្មួញប្រព្រឹត្តិបទឧក្រឹដ្ឋកម្មព្រៃឈើ ដោយទឹកមុខញញឹម ដូចផ្កាក្នុងរដូវផ្ការីក។រីឯអាជ្ញាធរមូលដ្ឋាន ក៏មិនហ៊ានយកជើងទ្រមេឃដូចសត្វត្រដេវុិចដែរ ព្រោះបណ្តាញឈ្មួញដើរប្រាប់ថា៖ពួកគេត្រូវគ្នាជាមួយមេៗខាងលើអស់ហើយ ហេតុនេះហើយទើបពួកគាត់សម្ងំឈឹងទៅ។ ប្រភពដដែលបន្តថា៖ចាប់ផ្តើមពីដើមខែកុម្ភៈមកនេះ ឈ្មួញធ្វើតេស្តដឹកឈើចំនួនតែកន្លះៗសាំយ៉ុងទេប៉ុន្តែទំនងជារត់ផ្លូវអស់ច្រើន គឺដល់ទៅជាង៤លានរៀលឡានមួយផ្ទុកតែកន្លះឡាន ក្នុងការដឹកឈើប្រភេទ (ស្រឡៅ សុក្រំ ធ្នង់) ពីស្រុកអណ្តូងមាស និង ស្រុកអូររាំង ឆ្លងតាមមុខប៉ុស្តិ៍រដ្ឋបាល ព្រៃឈើ ប៉ុស្តិ៍ប្រចាំការបរិស្ថាន ប៉ុស្តិ៍ប៉ូលីស ទាហ៊ាន ចូលទីប្រជុំជន ហើយឆ្លងទីរួមខេត្តខេត្តរតនគិរី បន្ទាប់មកសំដៅទៅច្រកទ្វារអូរយ៉ាដាវ រត់ការអស់លុយចំណេញឥឡូវចាប់ផ្តើមដូរនការដាក់ពេញៗឡានវិញ ហើយដឹកឆ្លងដែនដោយរលូនដូចពីខែមករាទៀតហើយ។ ឯកឧត្តម យ៉ែម សំអឿនអភិបាលខេត្តរតនគិរី និង លោក ឧត្តមសេនីយ៍ទោ យិន សំណាងស្នងការនគរបាលខេត្តរតនគិរី ដែលពលរដ្ឋធ្លាប់ដាក់ការសង្ស័យថា ជាបុគ្គលមានអំណាចខ្លាំងប្រចាំខេត្តរតនគិរី នៅពីក្រោយខ្នងឈ្មួញទុច្ចរឹតបំផ្លាញជាតិឈ្មោះមករា និងមេក្លោងលោកងួន សុវណ្ណា ផ្គើនបទបញ្ជាសម្តេចនាយករដ្ឋមន្ត្រីនោះ ពេលនេះហាក់មានឥរិយាបទបែបព្រងើយដូចកាលពីខែមករាដដែល?។ តើពិតជាគួរអោយពលរដ្ឋសង្ស័យថាលោកចៅហ្វាយខេត្តរតនគិរីនិងលោកស្នងការនគរបាលខេត្តរតនគិរីនៅពីក្រោយការរកសុីបទល្មើសព្រៃឈើរបស់លោកមករា ដែលមានមេក្លោងងួន សុវណ្ណា នោះដែរឬទេ សួរទៅមើល?ខណៈឈ្មួញធ្វើសកម្មភាពដឹកឈើល្បីពេញខេត្ត ពុំឃើញលោកទាំងពីរ កម្រើកខ្លួន បញ្ជាអោយមានការទប់ស្កាត់បែបនេះ?សមដែរឬទេ? សារព័ត៏មាន មិនអាចសុំការបំភ្លឺ បកស្រាយបំបាត់ការសង្ស័យរបសពលរដ្ឋខាងលើជូនសាធារណជននិងមិនអាចលាងសម្អាតសងភាពស្អាតស្អំជូនលោកអភិបាលខេត្តនិងលោកស្នងការខេតមតបានទេកាលពីព្រឹកមិញ ដោយសារតែទូរសព្ទ័លោកទាំងពីរមិនអាចទាក់ទងបាន ផ្ញើតាមតេឡេក្រាមមិនបើកមើលមិនឆ្លើយតប។ជាមួយគ្នានេះក៏មិនអាចសុំការបំភ្លឺពីបុគ្គលឈ្មោះ មករា និងមេក្លោងឈ្មោះងួន សុវណ្ណាកាងឈ្មួញទុច្ចរឹត រកសុីបំផ្លាញជាតិខ្មែរនោះបានទេ ដោយពុំមានលេខទូរសព្ទ័ដើម្បីទាក់ទង៕សូមរងចាំភាគបន្ត 0966289168
ព័ត៌មានគួរចាប់អារម្មណ៍
សមាគមឧកញ៉ាកម្ពុជា ចេញសេចក្តីប្រកាសព័ត៌មាន ស្តីពី ការបញ្ចប់គោរមងារ «ឧកញ៉ា» ពីគោរមវន្តណាម្នាក់ ដែលស្ថិតក្នុងករណីចំនួន៥! (vojhotnews)
កិច្ចប្រជុំពិភាក្សា ស្តីពីការគ្រប់គ្រងល្បែងផ្សងសំណាង និងការគ្រប់គ្រងផលប៉ះពាល់ពីល្បែងស៊ីសងខុសច្បាប់គ្រប់ប្រភេទ ជូនដល់អាជ្ញាធរសាធារណៈពាក់ព័ន្ធ និងប្រតិបត្តិករល្បែងផ្សងសំណាង នៅខេត្តតាកែវ (vojhotnews)
ភ្នាក់ងាររកទីផ្សារឱ្យក្រុមហ៊ុន ឡេង ណាវ៉ាត្រា ទាមទារកម្រៃជើងសាឬប្រាក់កុំមីស្យុងទន្ថើនៗ! អានព័ត៌មាន៖ ផ្សាយថ្ងៃទី០៤ ខែ០៣ ឆ្នាំ២០២៤ (vojhotnews)
ល្បែងពាណិជ្ជកម្មរាល់ថ្ងៃមានទំព័រហ្វេសប៊ុក១៥-២០ ផ្សព្វផ្សាយល្បែងខុសច្បាប់, អ្នកផ្សព្វផ្សាយនឹងត្រូវហៅទៅពន្យល់ អប់រំ និងណែនាំខាងមុច! (vojhotnews)
បន្ទាប់ពីបាត់លុយវិនិយោគរាប់សិបលានដុល្លាអ្នកវិនិយោគក្នុងក្រុមហ៊ុន CIC Partner ទាមទារឱ្យថ្នាក់ដឹកនាំទាំង ១៣នាក់សងលុយពួកគេវិញ ! (vojhotnews)
វីដែអូ
ចំនួនអ្នកទស្សនា