ថ្មីៗនេះ សមត្ថកិច្ចជំនាញបានឆ្មក់ចុះស្ទាក់ចាប់បានសារធាតុម៉េតាណុល ឬអាល់កុលក្លែងក្លែង២១តោនដែលឈ្មួញដឹកជញ្ជូនតាមរថយន្តធុនធំ នាំចូលពីវៀតណាមតាមច្រកភ្នំដិន នៃខេត្តតាកែវ ។សូមរំលឹកថា: កាលពីថ្ងៃទី៥កញ្ញា ២០២១ សមត្ថកិច្ចជំនាយ អគ្គនាយកដ្ឋានអ្នកប្រើប្រាស់កិច្ចការប្រកួតប្រជែង ការក្លែងបន្លំ ឬហៅកាត់ថា ក.ប.ក នៃក្រសួងពាណិជ្ជកម្ម បានឆ្មក់ស្ទាក់ចាប់បានសារធាតុម៉េតាណុល ឬអាល់កុលក្លែងក្លាយចំនួន៧២១៤ពីដុងស្មើនឹង២១តោន ដែលឈ្មួញដឹកជញ្ជូនតាមរថយន្តធុនធំពីប្រទេសវៀតណាម ចូលមកតាមច្រកទ្វារអន្តរជាតិភ្នំដិន តាមផ្លូវជាតិលេខ២ នៅចំណុចឃុំភ្នំដិន ស្រុកគិរីវង្ស ខេត្តតាកែវ ។ មន្ត្រីជំនាញ បានថ្លែង ប្រាប់អ្នកកាសែតថា: សារធាតុម៉េតាណុល ឬអាល់កុលក្លែងក្លែងនេះ គឺវាធ្វើអោយប៉ះពាល់សុខភាពអ្នកប្រើប្រាស់ ធ្ងន់ធ្ងរណាស់ ។ ប្រភពព័ត៌មាន ពីមន្ត្រីសមត្ថកិច្ចពាក់ព័ន្ធដែលឈរជើងប្រចាំការនៅច្រកទ្វារអន្តរជាតិភ្នំដិន បានលួចទម្លាយព័ត៌ មាន ប្រាប់តាម តេឡេ ក្រាម មកការិយាល័យ អ្នកសារព៏ត៏មានថា : លោក កែវ ផាន ប្រធានស្នាក់ការគយ និងរដ្ឋាករច្រកទ្វារអន្តរជាតិភ្នំដិន បាន និងកំពុងត្រូវប៉ាន់ត្រូវពែង ជាមួយក្រុមឈ្មួញ និងអាជីវករ ដឹក ជញ្ជូនទំនិញគ្រប់ប្រភេទនាំចូលពីប្រទេសវៀតណាម ដោយគេច ពន្ធ ឬបង់ពន្ធមិនគ្រប់ ឬ មិនបាច់បង់ពន្ធ ដោយគ្រាន់ តែបង់លុយក្រោមតុ ទៅតាមចំនួនក្បាលឡាន ដឹកទំនិញ អោយទៅក្រុមគយរបស់លោក កែវ ផាន ជាថ្នូរនឹងការ មិនឆែកឆេរត្រួតពិនិត្យលើទំនិញនៅក្នុងរថយន្តគឺជាការស្រេច អាចដំណើរការបានដោយរលូន ។ ដោយឡែក ប្រភពព័ត៌មាន ពីក្រុមអាជីវកររកស៊ីដឹកជញ្ជូនទំនិញ តាមរថយន្តពីប្រទេសវៀតណាមចូលតាមច្រកភ្នំដិន ក៏បានអោយអ្នកសារព័ត៌មានដឹងថា:ក្នុងកាល:ទេស: ប្រទេសកម្ពុជាកំពុងជួបវិបត្តិនៃការរីករាលដាលជម្ងឺកូវីត១៩ យ៉ាងខ្លាំងហើយប្រមុខរដ្ឋាភិបាលបានដាក់ចេញនូវបទបទបញ្ជានឹងសេចក្តីណែនាំ ព្រមទាំងបំរាម គោចរណ៍ យ៉ាងតឹងរុឹង នៅតាមច្រកព្រំដែនទូទាំងប្រទេស ដើម្បីទប់ស្កាត់ ប្រឆាំងនឹងជម្ងឺកូវីរ១៩ ។ ប៉ុន្តែបែរ ជា នៅច្រកទ្វារអន្តរជាតិភ្នំដិន លោក កែវ ផាន មេគយច្រកទ្វារភ្នំដិន បានឱកាសហុចអោយ ធ្វើមិនដឹងមិនឮ ឬមិនយកចិត្តទុកដាក់ អនុវត្តតាមនូវ បទបញ្ជា និងបំរាមនានា របស់សម្តេច តេជោទេ គឺបើកដៃអោយឈ្មួញនាំចូលនូវ សារធាតុម៉េតាណុល ឬអាល់កុលក្លែងក្លែងរាប់សិបតោពីប្រទេសវៀត ណាម ។ ប្រភពពី អាជីវករដឹកទំនិញបានបញ្ជាក់ថា : ទំនិញក្នុង ១ឡានធំ ត្រូវបង់លុយចំនួន១លាន២សែនរៀល បើដឹកតាមរុឺម៉កម៉ូតូត្រូវបង់លុយចំនួន ៨០មុឺនរៀល អោយទៅក្រុមគយ នៅច្រកទ្វារភ្នំដិន ដោយមិនចាំបាច់ មានបង្កាន់ដៃ ឬវិកយបត្របង់ពន្ធអ្វីទេ ។ ប្រភពព័ត៌មានខាងលើ បានបញ្ជាក់ថា ឈ្មួញដែលល្បីឈ្មោះជាងគេ មានឈ្មោះ វ៉ាន់,យាយផៃ និងឈ្មោះចាន់តារ៉ា ...។ ទាក់ទិននឹង សេចក្តីរាយការណ៍ ព័ត៌ មានចោទប្រកាន់ទៅលើ លោក កែវ ផាន មេគយ ច្រកទ្វារភ្នំដិន ថាបាន បើកដៃ ឬឃុបឃិតគ្នាជាលក្ខណ:ប្រពន្ធ ប្រព្រឹត្តអំពើពុករលួយបើកអោយមានបទល្មើសដឹកទំនិញ រត់គេចពន្ធ។ ពិសេសគឺការនាំចូល សារធាតុម៉េតាណុល ឬ អាល់កុលក្លែងក្លែងនេះ អង្គភាព គេហទំព័រ មាតុភូមិ ពុំអាចស្វែងរក ការសុំបំភ្លឺ ពីលោក កែវ ផាន បានទេ ព្រោះពុំមានលេខទូរស័ព្ទ ។ ករណីនេះ គឺជាតម្រុយ ព័ត៌មាន នៃការប្រព្រឹត្ត អំពើពុករលួយយ៉ាងធំ ពីសំណាក់មន្ត្រីគយ ឈ្មោះ កែវ ផាន ដែល គួរតែខាង ACU ដែល មានលោក ឱម យិុនទៀង ជាប្រធានអង្គភាព គួរតែបើកការស៊ើបអង្កេត រកអ្នក ពាក់ព័ន្ធ នឹងការប្រព្រឹត្តអំពើពុករលួយយកមកផ្តន្ទាទោសតាមច្បាប់ ៕ vojhotnews
ព័ត៌មានគួរចាប់អារម្មណ៍
ឯកឧត្តម រស់ ភីរុណ អគ្គលេខាធិការ គ.ល.កប្រគល់វិញ្ញាបនបត្របញ្ជាក់សមត្ថភាពជូនសិក្ខាកាមក្នុងវគ្គបណ្តុះបណ្តាលមូលដ្ឋានគ្រឹះបុគ្គលិកពិសេសកាស៊ីណូ (vojhotnews)
លោក ឱម យិនទៀង ប្រធានអង្គភាពប្រឆាំង គួរដាក់មន្ត្រីជំនាញអង្គភាពប្រឆាំងអំពើពុករលួយចុះសិក្សាស្រាវជ្រាវអោយសុីជម្រៅភាពមិនប្រក្រតីប្រព្រឹត្តរបៀបអំពើពុករលួយរបស់លោក នូ សុីថា ប្រធាននាយកដ្ឋានបង្ការនិងបង្ក្រាបបទល្មើសនៃអគ្គនាយកដ្ឋានគយនិងរដ្ឋាករកម្ពុជា ()
ប្រធានស្ថានីយ៍ជញ្ជីងថ្លឹងរថយន្តផ្លូវជាតិលេខ7 ផ្លូវអាស៊ានលេខ 11 នៅចំណុចគីឡូលេខ៣៥០ឃុំចង្ក្រង់ ស្រុកចិត្របុរី ខខេត្តក្រចេះគៀបយកលុយពីក្រុមឈ្មួញរថយន្តធំៗទាំងយប់ទាំងថ្ងៃតាមអំពើចិត្តមិនញញើសអ្វីទាំងអស់អាងខ្នងប្រធានមន្ទីរសាធារណការខេត្តក្រចេះ (vojhotnews)
ថៃ មានគម្រោងផែនការប្រើវិធីទំលាក់គ្រាប់ដើម្បីធ្វើឃាដអ្នកដឹកនាំជាន់ខ្ពស់សម្តេច ហ៊ុន សែន និងសម្តេចធិបតីនាយករដ្ឋមន្រ្តី ! (vojhotnews)
ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្រ្តីក្រសួងសេដ្ឋកិច្ចនិងហិរញ្ញវត្ថុ និងជាប្រធានគណៈកម្មការគ្រប់គ្រងល្បែងពាណិជ្ជកម្មកម្ពុជា (គ.ល.ក.) លើកទី១២ អាណត្តិទី១ (vojhotnews)
វីដែអូ
ចំនួនអ្នកទស្សនា