ថ្ងៃសុក្រ ទី១៧ ខែកញ្ញា ឆ្នាំ២០២១
គេហទំព័រ សម្រែកយុត្តិធម៌
បីលោកផាន អូន អគ្គនាយកដ្ឋានការពារអ្នកប្រើប្រាស់កិច្ចការប្រកួតប្រជែងនិងបង្ក្រាបការក្លែងបន្លំអតីតៈ«កាំកុងត្រូល » ពុករលួយមានអ្នកកាង សង្ឃឹមថាមានការបង្ក្រាបទប់ស្តាត់ ថ្ងៃចេញផ្សាយៈ 25,08 2021
Wed,25 August 2021 (Time 09:44 PM)
ដោយ ៖ vojhotnews (ចំនួនអ្នកអាន: 30នាក់)

លោកផាន អូន អគ្គនាយកនៃអគ្គនាយកដ្ឋាន«កាំកុងត្រូល»ដែលបច្ចុប្បន្នហៅថាក,ប,បឬហៅថា«អគ្គនាយកដ្ឋានការពារអ្នកប្រើប្រាស់កិច្ចការប្រកួតប្រជែងនិងបង្ក្រាបការក្លែងបន្លំ» ត្រូវមន្ត្រីក្រួងពាណិជ្ជកម្មជាច្រើននាក់ ចោទថាកំពុងប្រព្រឹត្តអំពើពុករលួយកឹបកេងលុយជាតិអស់រាប់សែនដុល្លារ ដោយមិនកោតញញើតច្បាប់របស់រដ្ឋឬមិនខ្លាចច្បាប់ប្រឆាំងអំពើពុករលួយឡើយ ដោយសារមានលោករដ្ឋមន្ត្រី ប៉ាន សូរសក្ត័ជាអ្នកកាងការពារនិងជាខ្នងបង្អែក។បើទោះជាលោកប្រព្រឹត្តពុករលួយដោយបើកចំហរយ៉ាងណាក៏ដោយក៏គ្នាននរណាហ៊ានចាប់ទោសអូសដំណើរដែរ ប្រភពអោយដឹងថា រឿងពុករលួយទាំងឡាយនោះមានដូចជា៖
១-ល្បីថាលោកផាន អូន ក្តោបក្តាប់អគ្គនាយក
ដ្ឋានកាពារអ្នកប្រើប្រាស់កិច្ចការប្រកួតប្រជែងនិងបង្ក្រាបការក្លែងបន្លំ តាមរបៀផ្តាច់ការ និង ផ្តាច់មុខ ដោយគ្មានតម្លាភាព ចងជាបណ្តាញបក្ខពួកនិយមដើម្បីងាយស្រួលនាំគ្នាប្រព្រឹត្តអំពើពុករលួយនិងបានកឹបកេងលុយជាតិនិងលុយបានពីសេវាផ្សេងៗប្រចាំខែយ៉ាងគគ្លើន។ប្រភពបញ្ជាក់ថា៖ជាក់ស្តែងលោកផាន អូន បានដកប្រធានការិយាល័យគណនេយ្យនិងហិរញ្ញវត្ថុចាស់ចោលដូចដកស្ពៃ ដើម្បីកុំអោយទើសដៃជើងក្នុងការរៀបចំកមរូមេឯកសារពុករលួយ ដោយដាក់លោក សុផាន ឌឿ ដែលត្រូវជាប្អូនបង្កើតខ្លួនមកជំនួសវិញ។
២-លោកផាន អូនបានលើកគម្រោង ស្នើសុំលុយទិញសម្ភារៈសម្រាប់ផ្គត់ផ្គង់មន្ទីរពិសោធរបស់អគ្គនាយកដ្ឋាន ដោយបំប៉ោងចំណាយតម្លៃដល់ទៅរាប់លានដុល្លារអាមេរិកក្នុងមួយឆ្នាំៗ។
៣-លោកផាន អូនបានលើកគម្រោងសាងសង់មន្ទីរពិសោធខ្នាតតូច សម្រាប់បណ្តារាជធានី,ខេត្ត ដោយបំប៉ោងចំណាយអស់តម្លៃរហូតដល់ជិត២០មុឺនដុល្លារក្នុងមួយកន្លែងៗ តែតាមការពិត ការចំណាយសាងសង់ជាក់ស្តែងមួយកន្លែងៗអស់មិនដល់ប្រាំមុឺនដុល្លារផង។
៤-លោកផានអូននិងបក្ខពួកមួយចំនួនក៏បានគប់គឹតគ្នា លើកគម្រោងទិញរថយន្តសម្រាប់ចេញប្រតិបត្តិការនិងទិញរថយន្តមន្ទីរពិសោធចល័តដោយបំបោងចំណាយលើសពីតម្លៃពិត ថ្លៃកប់ពពក ហើយស្នើដកលុយរាប់លានដុល្លារដើម្បីទិញរថយន្តទាំងនោះ។ការបំប៉ោងដែលមានតម្លៃយ៉ាងខ្ពស់ដល់ទៅជាងពាក់កណ្តាលនៃតម្លៃរថយន្តមួយគ្រឿងៗនោះជាការលួចលុយជាតិយ៉ាងសម្បើមដែលមេដឹកនាំកាំកុងត្រូលមុនមិនហ៊ានឡើយ។
៥-លោកផាន អូនកឹបកេងលុយកម្រៃដែលនាយកដ្ឋានបានពីសេវាផ្សេងៗប្រចាំខែ។កម្រៃទាំងនោះមានគោលការណ៍ពីរាជរដ្ឋាភិបាលដើម្បីចែកជូនលើកទឹកបុគ្គលឹកម្នាក់ៗ ដែលក្នុងមួយខែៗបុគ្គលឹកម្នាក់ៗ តែងតែទទួលបានប្រមាណជា៥០មុឺនរៀលក្នុងអាណត្តិលោកម៉ក់ ពេជ្ជរិទ្ធិ តែត្រូវលោកផានអូនកាត់យកមិនអាណិតមន្ត្រីសោះ ។គាត់បើកអោយតែម្នាក់២៥មុឺនរៀលប៉ុណ្ណោះ ក្រោមលេសថា កាត់ទុកខ្លះសម្រាប់ប្រើប្រាស់ក្នុងនាយកដ្ឋាន។
៦-អ្វីដែលគគ្លើនបំផុតមន្ត្រីជាច្រើននាក់នោះចោទថា ដោយសារមានអ្នកកាងអោយពុករលួយ លោកផាន អូន បានគប់គឹតជាមួយប្រធាននាយកដ្ឋានរដ្ឋបាលក្រសួងពាណិជ្ជកម្ម ព្រមទាំងជាមួយប្រធាននាយកដ្ឋានគណនេយ្យនិងហិរញ្ញវត្ថុក្រសួងពាណិជ្ជកម្ម ដកលុយរាប់លានដុល្លារយកទៅទិញដីនិងធ្វើផ្ទះអស់តម្លៃជាង១លានដុល្លារសម្រាប់ធ្វើជាកាដូជូនលោករដ្ឋមន្ត្រី ដែលគាត់តែងតែ អួតអាងថាលោករដ្ឋមន្ត្រីរូបនោះជាខ្នងបង្អែកការពារគាត់ទើបគាត់ប្រព្រឹត្តពុករលួយបានដោយរលូនមិនបាច់កោតក្រែងមន្ត្រីក្រោមឳវាទឬមន្ត្រីជាន់ខ្ពស់ឯទៀតណាទាំងអស់នោះ។
ការលើកឡើងដោយក្រុមមន្ត្រីនៅក្រសួងពាណិជ្ជកម្មនេះ ស្រដៀងគ្នានឹងការផ្សាយសារព័ត៌មានthe cambodia daily កន្លងមកដែរ ។គឺដោយសារតែពួកមន្ត្រីមើលឃើញថាលោកផាន អូន នឹងលោកសុផាន ឌឿដែលជាប្អូនបង្កើតរបស់លោក បានគប់គឹតគ្នា ប្រព្រឹត្តអំពើពុករលួយកាន់តែខ្លាំងឡើងៗពីមួយថ្ងៃទៅមួយថ្ងៃ ពុំមានមន្ត្រីជាន់ខ្ពស់ ក្នុងស្ថាប័នក្រសួងពាណិជ្ជកម្មណាម្នាក់ធ្វើការរារាំងបាន ហើយអង្គភាពសវនក្មផ្ទៃក្នុងក្តី អធិការកិច្ចក្រសួងក្តី ឬអធិការកិច្ចរបស់ក្រសួងហិរញ្ញវត្ថុក្តី រួមទាំងអង្គភាពប្រឆាំងអំពើពុករលួយផង ពុំមានអង្គភាពណាមួយ មករារាំងរំខានដល់អំពើពុករលួយលោកផាន អូនម្តងឡើយ។ ទើបពួកមន្ត្រីដែលឈឺចាប់ ទម្លាយអោយអង្គភាពសារព័ត៌ជាច្រើនជួយផ្សព្វផ្សាយអោយដឹងដល់ប្រមុខរាជរដ្ឋាភិបាល អោយចាត់ការតែម្តង។
លោករដ្ឋមន្ត្រីប៉ាន សូរសក្ត័ រដ្ឋមន្ត្រីក្រសួងពាណិជ្ជកម្ម ដែលក្រុមមន្ត្រីក្នុងក្រសួងក្រោមឳវាទលោក មានការសង្ស័យថាពាក់ពន្ធ័ថាធ្វើជាបង្អែកដល់ការប្រព្រឹត្តអំពើពុករលួយ របស់លោកផាន អូន និងលោកសុផាន ឌឿ ព្រមទាំងប្រធាននាយកដ្ឋានរបស់ក្រសួងចំនួន២រូបទៀត ដែលសុទ្ធតែ ត្រូវមន្ត្រីជាច្រើននាក់ ចោទប្រកាន់ថាបានប្រព្រឹត្តអំពើពុករលួយកឹបកេងបំផ្លាញលុយជាតិដែរនោះមិនអាចទាក់ទងសុំអត្ថាធិប្បាយបកស្រាយបំភ្លឺបានទេនៅថ្ងៃនេះ។
បើទោះជាមានការទម្លាយធោយដឹងថា មានការប្រព្រឹត្តនូវអំពើពុករលួយធ្ងន់ធ្ងរដល់កម្រឹត នៅក្នុងអគ្គនាយកដ្ឋានការពារអ្នកប្រើប្រាស់កិច្ចការប្រកួតប្រជែងនិងបង្ក្រាបការក្លែងបន្លំយ៉ាងណាក្តី ក៏មិនអាចកំណត់ថាមានការពិតកម្រឹតណានៅឡើយដែរ ហើយក៏មិនអាចកំណត់ថាគ្រាន់តែជាការទម្លាយសាច់រឿងអាស្រូវដើម្បីកាច់កុងគ្នា ដូចធ្លាប់តែកើតមានតាមមន្ទីរក្រសួងខ្លាញ់ៗដទៃនោះដែរ។
ទោះបែបណាក្តី កិត្តិយសជាមន្ត្រីរាជការជាន់ខ្ពស់ មានតម្លៃមិនអាចជាន់ឈ្លីបានឡើយ។ទើបយើងបានព្យាយាមជាច្រើនលើកសុំការបកស្រាយពីមន្ត្រីពាក់ពន្ធ័ ដើម្បីបំភ្លឺជូនមហាជនបានជ្រាបការពិតបន្ទាប់ពីទទួលបានព័ត៌មាននេះ។ប៉ុន្តែមកដល់ម៉ោងនេះនៅមិនទាន់ដឹងប្រាកដគ្រប់ជ្រុងជ្រោយឡើយ ដោយសារតែលោករដ្ឋមន្ត្រីប៉ាន សូរសក្ត័ លោកផាន អូន និងលោកសុផានឌឿ នៅតែមិនអាចទាក់ទងបំភ្លឺតាមទូរសព្ទ័បានទេកាលពីព្រឹកមិញ។
ជាធម្មតា«បើគ្មានសំរាមឆ្កែវាមិនជុះដាក់ទេហើយបើសិនជាគ្មានភ្លើងក៏គ្មានផ្សែង»ដែរ ។តែទោះមានការខកខានក្តី យើងនៅតែព្យាយាមរង់ចាំទទួលយកការបកស្រាយបំភ្លឺពីលោករដ្ឋមន្ត្រីក្រសួងពាណិជ្ជកម្មឬអ្នកនាំពាក្យនិងពីលោកផាន អូន និងលោកសុផានឌឿ ព្រមទាងពីគ្រប់មន្រ្តីពាក់ពន្ធ័ ដើម្បីជម្រះមន្ទឹល និងសងភាពស្អាតស្អំជូនមន្ត្រីល្អវិញ ព្រមទាំងដើម្បីបំភ្លឺមហាជនបានជ្រាបជានិច្ច ។ហើយក៏សង្ឃឹមថាប្រមុខរាជរដ្ឋាភិបាលនឹងបានជ្រាបព័តមាននេះ ហើយធ្វើការទប់ស្កាត់អំពើពុករលួយទាន់ពេល បើសិនជាមានពិតដូចការទម្លាយដោយមន្ត្រីរងគ្រោះខាងលើមែន៕ សូមអានភាគទី៣បន្ត

ព័ត៌មានគួរចាប់អារម្មណ៍

លោកអូន រស្មី ប្រធានស្ថានីយ៍ជញ្ជីងនៅអ្នកលឿងត្រើយខាងលិចប្រលែងឡានយកលុយយ៉ាងគគ្លើនលើរដ្ឋមន្រ្តីដដែល ដាក់​ជញ្ជីង​បង្កប់​ក្រោម​ដី ចាប់​បានរថយន្ត​ដឹក​លើស​បានជាង១០០ឡាន/ថ្ងៃមួយ ដូច្នេះ១ខែបាត់ជាង៣០០០ឡាន បើអញ្ចឹងទុកមន្ត្រីមុខលុយអង្គុយសុំនិងបំផ្លាញផ្លូវជាតិធ្វើអី? 0966635168 (ntt voj)

ព័ត៌មានគួរចាប់អារម្មណ៍

គណៈកម្មាធិការអចិន្ត្រៃយ៍ ១១រូបវត្តមាន ៨រូប អវត្តមាន ៣ រូប សម្រេចចិត្តជាឯកច្ឆ័ន្ទបោះឆ្នោតជ្រើសតាំង ឯកឧត្តម លឹម សំណាង ប្រធានស្ដីទី ជាប្រធានគណបក្ស...... (voj)

ព័ត៌មានគួរចាប់អារម្មណ៍

លោកឱម យុិនទៀង ប្រធានអង្គភាពប្រឆាំងអំពើពុករលួយគួរបើកការស៊ើបអង្កេតលើករណីលោក កែវ ផាន មេគយច្រកភ្នំដិន ពាក់ ព័ន្ធនឹងបទល្មើសពុករលួយ ឃុបឃិតគ្នាជាមួយឈ្មួញបើកអោយមានការនាំចូលនូវសារធាតុម៉េតាណុលឬ អាល់កុលក្លែងក្លែង ២១តោន ! (voj)

ព័ត៌មានគួរចាប់អារម្មណ៍

សត្វស្វាចំនួន 25 ក្បាលត្រូវបានកម្លាំងមន្ត្រីឧទ្យានុរក្ស ដែនជម្រកសត្វព្រៃព្រៃឡង់ខេត្តកំពង់ធំ លែងឲ្យមានសេរីភាព 08/09/21 (voj)

ព័ត៌មានគួរចាប់អារម្មណ៍

ក្រុមហ៊ុនមួយស្ថិតនៅជិតកងពល់ធំលេខ 3 ស្រុកជាំក្សាន្តកំពង់សំងំប្រមូលផលព្រៃឈើដោយអាថ៌កំបាំង.... (voj)

វីដែអូ

ចំនួនអ្នកទស្សនា

ថ្ងៃនេះ :
41 នាក់
ម្សិលមិញ :
432 នាក់
សប្តាហ៍នេះ :
1277 នាក់
ខែនេះ :
4762 នាក់
3 ខែនេះ :
12780 នាក់
សរុប :
358792 នាក់