ក្រុងស្ទឹងសែន, ថ្ងៃទី១ ខែសីហា ឆ្នាំ២០២៦ ដើម្បីអបអរសាទរ «ទិវាកីឡាអាស៊ាន (ASEAN Sports Day)» ឆ្នាំ២០២៦ ក្រោមប្រធានបទ «កីឡាបរិយាបន្ន ដើម្បីសុខដុមរមនាក្នុងសង្គម» បានរៀបចំព្រឹត្តិការណ៍កីឡាយ៉ាងអធិកអធម ដោយមានការចូលរួមពីថ្នាក់ដឹកនាំ មន្ត្រីរាជការ កងកម្លាំង ប្រជាពលរដ្ឋ យុវជន សិស្សានុសិស្ស និងកីឡាករ-កីឡាការិនីជាច្រើនរូប ក្នុងបរិយាកាសសប្បាយរីករាយ និងពោរពេញដោយសាមគ្គីភាព។
ព្រឹត្តិការណ៍នេះមានគោលបំណងលើកកម្ពស់ការចូលរួមលេងកីឡារបស់ប្រជាពលរដ្ឋគ្រប់ស្រទាប់វណ្ណៈ ដោយមិនប្រកាន់អាយុ ភេទ ស្ថានភាពរាងកាយ ឬសង្គម ព្រមទាំងជំរុញការយល់ដឹងអំពីសារៈសំខាន់នៃកីឡា ក្នុងការកសាងសុខភាពល្អ ការរស់នៅប្រកបដោយវិន័យ សាមគ្គីភាព និងការរួបរួមក្នុងសហគមន៍។
ក្នុងឱកាសនេះ អ្នកចូលរួមទាំងអស់បានបង្ហាញពីស្មារតីមិត្តភាព ការគោរពគ្នាទៅវិញទៅមក និងការរួបរួមជាធ្លុងមួយ ស្របតាមស្មារតីរបស់អាស៊ាន ដែលផ្តោតលើសន្តិភាព កិច្ចសហប្រតិបត្តិការ និងការអភិវឌ្ឍប្រកបដោយបរិយាបន្ន។
ទិវាកីឡាអាស៊ាន មិនត្រឹមតែជាវេទិកាសម្រាប់ការប្រកួតកីឡាប៉ុណ្ណោះទេ ប៉ុន្តែថែមទាំងជាឱកាសក្នុងការពង្រឹងចំណងមិត្តភាព ការផ្លាស់ប្តូរបទពិសោធន៍ និងការបង្កើតសាមគ្គីភាពរវាងប្រជាជនក្នុងតំបន់អាស៊ាន ឱ្យកាន់តែរឹងមាំ។
ការប្រារព្ធទិវានេះ បានបង្ហាញឱ្យឃើញពីការប្តេជ្ញាចិត្តក្នុងការលើកស្ទួយវិស័យកីឡា និងជំរុញការចូលរួមរបស់មនុស្សគ្រប់រូប ស្របតាមប្រធានបទ «កីឡាបរិយាបន្ន ដើម្បីសុខដុមរមនាក្នុងសង្គម» ដែលជាសារលើកទឹកចិត្តឱ្យកីឡាក្លាយជាស្ពានភ្ជាប់មនុស្សគ្រប់រូប ឆ្ពោះទៅរកសង្គមមួយដែលមានសុខដុមរមនា សមភាព និងការអភិវឌ្ឍ៕