ភ្នំពេញ÷ប្រជាពលរដ្ឋនៅក្បែរទីតាំងនោះខ្សិបប្រាប់សារព័ត៏មានឲ្យដឹងថា គេសង្កេតឃើញជនបរទេស ជាពិសេសជនជាតិចិន បណ្ដើរគ្នាត្រសងចូលលេង និងមានរថយន្តដឹកមនុស្សមកចូលលេង ល្បែងស៊ីសងទីតាំងខាងលើនេះ។ ប្រភពបន្ថែមថា ក្រៅ ពីជនជាតិចិន ក៏មានជនជាតិខ្មែរចូលលេងកម្សាន្តយ៉ាងសប្បាយរីករាយផងដែរ។ អ្នកភូមិជិតនោះប្រាប់ថា ទី តាំងល្បែងខាងលើនេះ មិនមានការបិទបាំង ឬលាក់ បាំងចំពោះភ្នែកប្រជាពលរដ្ឋ និងអាជ្ញាធរនោះឡើយពោលគឺគេបើកលេងជាចំហ,ដែលនរណាក៏ដឹងដែរ។ទីតាំងល្បែងស៊ីសងអនឡាញ១កន្លែង ដែលមានថៅកែជាជនជាតិចិន កំពុងដំណើរការយ៉ាងគគ្រឹកគគ្រេងនៅចំណុចភូមិតាងួន សង្កាត់កាកាបទី១ ខណ្ឌពោធិ៍សែនជ័យ រាជធានីភ្នំពេញ។ បើទោះជាគគ្រឹកគគ្រេង យ៉ាង ណា ក៏មិនរំខានអាជ្ញាធរមានសមត្ថកិច្ចខណ្ឌពោធិ៍សែនជ័យដឹកនាំដោយលោកម៉ន វុទ្ធី នោះដែរ។ ដូច្នេះសូមលោកស្នងការនគរបាលរាជធានីភ្នំពេញ ក្រើនរំលឹកនគរបាលខណ្ឌពោធិ៍សែនជ័យ ឬចាត់កម្លាំងចុះមកមើលផង។បើតាមប្រជាពលរដ្ឋនៅជិតតំបន់នោះនិយាយថា ជាការលំបាកជឿណាស់ដែរថានគរបាលឬសមត្ថកិច្ចក្នុងខណ្ឌឬប៉ុស្តិ៍ មិនបានដឹងអំពីទីតាំងល្បែងស៊ីសងនេះ។ ដូច្នេះ សូមលោក ទូច នី នាយប៉ុស្តិ៍នគរបាលសង្កាត់កាកាប១ និងលោក ម៉ន វុទ្ធី អធិការនៃអធិការដ្ឋាននគរបាលខណ្ឌពោធិសែនជ័យ ចាត់កម្លាំងកូនចៅចុះពិនិត្យទីតាំងខាង លើនេះផងដើម្បីរក្សាសន្តិសុខ, សុវត្ថិភាពជូនដល់ប្រជាពលរដ្ឋ។ សម្រាប់ប្រជាពលរដ្ឋនៅក្នុងសហគមន៍ខាងលើនេះហាក់មិនមានក្តីរំពឹងចំពោះអាជ្ញាធរមាន សមត្ថកិច្ចនៅក្នុងមូលដ្ឋានខណ្ឌពោធិ៍សែនជ័យថានឹងបង្ក្រាបទីតាំងនេះឡើយ។សូមរំលឹកថាកាលពីថ្ងៃទី១៨ ខែកុម្ភៈ ឆ្នាំ២០២៤ សម្តេចបវរធិបតី ហ៊ុន ម៉ាណែត បានដាក់បទបញ្ជាឲ្យអភិបាលទាំង២៥ ខេត្ត/ក្រុង/រាជធានី, តម្រូវឲ្យបង្រ្កាបទីតាំងបនល្បែងស៊ីសងតាមអនឡាញគ្រប់ប្រភេទ និងកន្លែងចែកចាយ នូវប្រភេទថ្នាំ ដែលមានសារធាតុញៀន ខុស ច្បាប់គ្រប់ប្រភេទ នូវទូទាំងប្រទេស ដោយគ្មានការលើក លែង។ សម្រាប់អាជ្ញាធរមានសមត្ថកិច្ចខណ្ឌពោធិ៍សែនជ័យហាក់ដូចជាមិនយកចិត្តទុកដាក់ចំពោះបទបញ្ជានេះឡើយ៕
ព័ត៌មានគួរចាប់អារម្មណ៍
សំណុំរឿងព្រហ្មទណ្ឌពាក់ព័ន្ធទំនាស់ដីធ្លីនៅដែលមានដើមចមពីទំនាស់ដីធ្លីមួយកន្លែង ស្ថិតនៅ ភូមិពោធិ៍លើ ឃុំត្រើយស្លា ស្រុកស្អាង ខេត្តកណ្តាល ! (vojhotnews)
កម្ពុជាគ្រោងនឹងរៀបចំព្រឹត្តិការណ៍ “នគរសង្ក្រាន្ត” នៅ រាជធានីភ្នំពេញ រយៈពេល ៦ថ្ងៃ ចាប់ពីថ្ងៃទី១៤ ដល់ ថ្ងៃទី១៩ ខែមេសា ឆ្នាំ២០២៦ ខាងមុខនេះ។ (vojhotnews)
កិច្ចប្រជុំបូកសរុបលទ្ធផលរបស់ក្រុមការងារគណបក្សចុះមូលដ្ឋានសង្កាត់ស្រយ៉ូវ និងពិធីទទួលសមាជិកថ្មីចំនួន 400 នាក់ ()
លោក សំ សុវណ្ណារិទ្ធ អង្គុយចាំរាប់ក្បាលឡានតាមការ កំណត់យកលុយមិនញញើតអង្គភាពប្រឆាំងអំពើពលរលួយ កំពុងក្ដោបសេដ្ឋកិច្ចក្រៅប្រព័ន្ធច្បាប់ពង្រាយជនស៊ីវិលគ្រប់ច្រកល្ហក តាមច្រកទ្វារព្រំដែននានា ក្នុងភូមិសាស្ត្រខេត្តស្វាយរៀង (vojhotnews)
ការគ្រប់គ្រង និងកាត់បន្ថយគ្រោះមហន្តរាយក្នុងពិស័យព័ត៌មាន ជាកត្តាសំខាន់សម្រាប់អ្នកសារព័ត៌មាន ()
វីដែអូ
ចំនួនអ្នកទស្សនា