កំពង់ធំ : ដោយមើលឃើញពីជីវភាព និងការខ្វះខាតរបស់បងប្អូនប្រជាពលរដ្ឋ ឧត្តមសេនីយ៍ កែវ ធូ តំណាងរបស់ក្រុមហ៊ុន ជាំងស៊ា ម៉ាញនីង អេនើជី ឌីវេឡុបមុិន ឯ.ក អមដំណើរដោយលោក ប្រាក់ មិន មេឃុំសុចិត្រ លោកពុំ វិជ្ជា នាយប៉ុស្តិ៍រដ្ឋបាល ឃុំសុចិត្រ រួមនិងមន្ត្រីមានសមត្ថកិច្ច កម្លាំងអាជ្ញាធរដែនដី មូលដ្ឋានបាននាំយក នូវគ្រឿងឧបភោគបរិភោគ មួយចំនួនដើម្បីចែកជូនដល់គ្រួសារ ដែលមានជីវភាពខ្វះខាតមួយចំនួនផងដែរ។

ក្នុងឪកាសនោះដែរឧត្តមសេនីយ៍ កែវ ធូ បានសម្តែងនូវ បិតិសោមនស្សក្រៃលែងក្នុងជំនួបបងប្អូនប្រជាពលរដ្ឋ និងបានធ្វើការសំណេះសំណាល សាកសួរសុខទុក្ខដល់បងប្អូនប្រជាពលរដ្ធទាំងអស់ ក្នុងពិធីនោះផងដែរ។

ឧត្តមសេនីយ៍ កែវ ធូ ក៏បន្តដែរថា: សូមអោយបងប្អូនទាំងអស់មេត្តា ថែរក្សាសុខភាពអោយបានល្អ ក្នុងរដូវនេះដោយសារមានភ្លៀងធ្លាក់ច្រើន ដែលជាហេតុបង្កអោយកើតមានម៉ូសខ្លាច្រើន ហើយសូមអោយបងប្អូនទាំងអស់មេត្តាចងមុងសម្រាកអោយបានខ្ជាប់ខ្ជួន កុំអោយមូសខ្លាខាំ ដើម្បីជៀសវាងកុំអោយម៉ូសខ្លាខាំ ជាហេតុបង្កអោយកើតជម្ងឺគ្រុនឈាមផងដែរ។

មិនតែប៉ុណ្ណោះសោត ឧត្តមសេនីយ៍ កែវ ធូ ក៏បន្តអោយដឹងដែរថា: ហើយថ្ងៃនេះពិតជាថ្ងៃដែលល្អ ដែលពួកយើងជួបជុំគ្នា ក្រោមម្លប់សន្តិភាព និងដោយមានការដឹកនាំដ៏ឈ្លៀសវៃរបស់សម្តេចបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជាផងនោះដែរ។

ក្នុងនោះផងដែរ លោកពុំ វិជ្ជា នាយប៉ុស្តិ៍រដ្ឋបាលឃុំចិត្រ ក៏បានថ្លែងអំណរគុណដ៏ជ្រាលជ្រៅផងដែរ ចំពោះលោកឧត្តមសេនីយ៍ កែវ ធូ តំណាងក្រុមហ៊ុនជាំស៊ា ម៉ាញនីង អេនើជី ឌីវេឡុបមុិន ឯ.ក ដែលបាននាំយកនូវគ្រឿងឧបភោគបរិភោគ ដើម្បីចែកជូនដល់បងប្អូនប្រជាពលរដ្ឋដែលមានជីវភាពខ្វះខាតចំនួន៤០គ្រួសារក្នុងភូមិរលួសនេះដែរ។

សូមបញ្ជាក់ផងដែរថា: ក្នុងការនាំយកនូវគ្រឿងឧបភោគបរិភោគ ក្នុងការចែកជូនដល់ដល់បងប្អូនគ្រួសារដែលមានជីវៈភាព ខ្វះខាតចំនួន៤០គ្រួសារដោយក្នុង1គ្រួសារទទួលបានរួមមាន÷
-អង្ករ ០១ប៉េ ស្មើរនិង២០គីឡូក្រាម
-ទឹក០១ដប
-ទឹកសុីអុីវ០១ដប
-ទឹកត្រី០១ដប
-មីជាតិ០១កេះ
-ប្រេងឆា ០១ដប ស្មើរនិង៥លិត្រ
រួមនិងថវិកាមួយចំនួនផងដែរ។vojhotnews