ថ្ងៃសៅរ៍ ទី២០ ខែមេសា ឆ្នាំ២០៥០
គេហទំព័រ សម្រែកយុត្តិធម៌
អគ្គបណ្ឌិតសភាចារ្យ អូន ព័ន្ធមុនីរ័ត្ន អញ្ជើញបើកសិក្ខាសាលាផ្សព្វផ្សាយច្បាប់ស្ដីពីការគ្រប់គ្រងល្បែងពាណិជ្ជកម្ម និងលិខិតបទដ្ឋានគតិយុត្តជូនអាជ្ញាធរសាធារណៈពាក់ព័ន្ធ នៅរាជធានីភ្នំពេញ និងខេត្តកណ្តាល
Wed,31 May 2023 (Time 11:32 PM)
ដោយ ៖ vojhotnews (ចំនួនអ្នកអាន: 220នាក់)

(ភ្នំពេញ)៖ នៅថ្ងៃទី៣១ ខែឧសភា ឆ្នាំ២០២៣ នៅសណ្ឋាគាររ័ហ្វហ្វលស៍ ឡឺ រ៉ូយ៉ាល់, អគ្គលេខាធិការដ្ឋាននៃគណៈកម្មការគ្រប់គ្រងល្បែងពាណិជ្ជកម្មកម្ពុជា (អ.គ.ល.ក.) បានរៀបចំសិក្ខាសាលាផ្សព្វផ្សាយ «ច្បាប់ស្ដីពីការគ្រប់គ្រងល្បែងពាណិជ្ជកម្ម និងលិខិតបទដ្ឋានគតិយុត្ត» ជូនដល់អាជ្ញាធរសាធារណៈពាក់ព័ន្ធ នៅរាជធានីភ្នំពេញ និងខេត្តកណ្តាល ក្រោមអធិបតីភាពអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ និងជាប្រធាន គ.ល.ក។
សិក្ខាសាលានេះ មានការអញ្ជើញចូលរួមពីអនុប្រធាន និងសមាជិក គ.ល.ក. អភិបាល-អភិបាលរង នៃគណៈអភិបាលរាជធានីភ្នំពេញ-ខេត្តកណ្តាល តំណាងសាលាដំបូង និងអយ្យការអមសាលាដំបូង រាជធានីភ្នំពេញ-ខេត្តកណ្តាល មន្ត្រីរាជការនៅរដ្ឋបាលរាជធានី-ខេត្ត-ក្រុង-ស្រុក-ខណ្ឌ និងកងកម្លាំងប្រដាប់អាវុធគ្រប់លំដាប់ថ្នាក់នៃរាជធានីភ្នំពេញ និងខេត្តកណ្តាល ព្រមទាំងថ្នាក់ដឹកនាំនិងមន្ត្រីនៃ គ.ល.ក. ប្រមាណ២០០នាក់។
សិក្ខាសាលានេះរៀបចំឡើងក្នុងគោលបំណង៖ (១) ផ្សព្វផ្សាយ និងលើកកម្ពស់ការយល់ដឹងឱ្យកាន់តែទូលំទូលាយនូវច្បាប់ស្តីពីការគ្រប់គ្រងល្បែងពាណិជ្ជកម្ម និងលិខិតបទដ្ឋានគតិយុត្តពាក់ព័ន្ធក្នុងវិស័យល្បែងពាណិជ្ជកម្ម ជូនដល់អាជ្ញាធរសាធារណៈពាក់ព័ន្ធ (២) បញ្ជ្រាបការយល់ដឹងអំពីសមត្ថកិច្ច តួនាទី និងភារកិច្ចរបស់ គ.ល.ក. និងអគ្គលេខាធិការដ្ឋាននៃ គ.ល.ក. និងលក្ខខណ្ឌនៃការធ្វើអាជីវកម្មកាស៊ីណូ និងល្បែងផ្សងសំណាងស្របច្បាប់នៅក្នុងព្រះរាជាណាចក្រកម្ពុជា (៣) ជំរុញ និងពង្រឹងប្រសិទ្ធភាពនៃការអនុវត្តច្បាប់ស្តីពីការគ្រប់គ្រងល្បែងពាណិជ្ជកម្ម និងលិខិតបទដ្ឋានគតិយុត្ត តាមរយៈការចូលរួមរបស់អាជ្ញាធរមានសមត្ថកិច្ចពាក់ព័ន្ធ (៤) បង្កើនកិច្ចសហការល្អរវាង គ.ល.ក. និងអាជ្ញាធរមានសមត្ថកិច្ចពាក់ព័ន្ធ ដើម្បីធានាការគ្រប់គ្រងប្រតិបត្តិការក្នុងវិស័យល្បែងពាណិជ្ជកម្ម ប្រកបដោយប្រសិទ្ធភាព តម្លាភាព គណនេយ្យ-ភាព សណ្តាប់ធ្នាប់ និងរបៀបរៀបរយសាធារណៈ និងចូលរួមចំណែកជំរុញកំណើនសេដ្ឋកិច្ច លើកកម្ពស់ វិស័យទេសចរណ៍ បង្កើតការងារ បង្កើនចំណូលថវិកាជាតិ រក្សាសុវត្ថិភាព និងសន្តិសុខសង្គម (៥) ស្វែងយល់ ពីគ្នាទៅវិញទៅមក និងបង្កើនភាពប្រទាក់ក្រឡាគ្នាលើការងារដែលជាសមត្ថកិច្ចរបស់ គ.ល.ក. និងអាជ្ញាធរមានសមត្ថកិច្ចពាក់ព័ន្ធ និង (៦) កំណត់អំពីបញ្ហាប្រឈម និងសំណូមពរនានាពីអាជ្ញាធរអនុវត្តពាក់ព័ន្ធ ដើម្បីជាធាតុចូលសម្រាប់ការកំណត់យន្តការដោះស្រាយឱ្យមានប្រសិទ្ធភាព។
សិក្ខាសាលាផ្សព្វផ្សាយនេះ បានផ្តល់នូវឱកាសឱ្យសមាជិក និងសមាជិកានៃអង្គសិក្ខាសាលា លើកជាសំណួរ ការជជែកពិភាក្សាយ៉ាងផុសផុល និងលើកនូវបញ្ហាប្រឈមនិងសំណូមពរនានា ដែលជាធាតុចូលយ៉ាងសំខាន់សម្រាប់ គ.ល.ក. ក្នុងការកំណត់នូវយន្តការដោះស្រាយបានសមស្រប ទាន់ពេលវេលា និងប្រកបដោយប្រសិទ្ធភាព ព្រមទាំងផ្តល់នូវពុទ្ធិ និងព័ត៌មានស៊ីជម្រៅ គ្រប់ជ្រុងជ្រោយ អំពីច្បាប់ស្តីពីការគ្រប់គ្រងល្បែងពាណិជ្ជកម្ម និងលិខិតបទដ្ឋានគតិយុត្តពាក់ព័ន្ធ សម្រាប់អាជ្ញាធរមានសមត្ថកិច្ចគ្រប់លំដាប់ថ្នាក់ ដើម្បីជាមូលដ្ឋានគ្រឹះក្នុងការសហការជិតស្និទ្ធរវាង គ.ល.ក. និងរដ្ឋបាលថ្នាក់ក្រោមជាតិ លើការគ្រប់គ្រងវិស័យល្បែងពាណិជ្ជកម្មប្រកបដោយប្រសិទ្ធភាព។
ឆ្លៀតក្នុងឱកាសនេះដែរ អគ្គបណ្ឌិតសភាចារ្យឧបនាយករដ្ឋមន្ត្រី និងជាប្រធាន គ.ល.ក. បានលើកឡើងថា ការអនុវត្តប្រកបដោយប្រសិទ្ធភាពនូវច្បាប់នេះ នឹងរឹតបន្តឹងការគ្រប់គ្រងវិស័យល្បែង ពាណិជ្ជកម្មឱ្យកាន់តែរឹងមាំ និងច្បាស់លាស់ ដែលនឹងផ្តល់ផលប្រយោជន៍ជាអតិបរមាដល់សេដ្ឋកិច្ចជាតិ និងប្រជាជនកម្ពុជា តាមរយៈការបង្កើតនូវយន្តការស្ថាប័នសមស្រប សំដៅពង្រឹងសុវត្ថិភាព, សន្តិសុខ, របៀបរៀបរយ និងសណ្តាប់ធ្នាប់សង្គម, បង្កើតការងារ, និងលើកកម្ពស់វិស័យទេសចរណ៍ និងការអភិវឌ្ឍ ជាពិសេស នៅតាមតំបន់ព្រំដែន និងតំបន់ជាប់មាត់សមុទ្រ៕

ព័ត៌មានគួរចាប់អារម្មណ៍

សមាគមឧកញ៉ាកម្ពុជា ចេញសេចក្តីប្រកាសព័ត៌មាន ស្តីពី ការបញ្ចប់គោរមងារ «ឧកញ៉ា» ពីគោរមវន្តណាម្នាក់ ដែលស្ថិតក្នុងករណីចំនួន៥! (vojhotnews)

ព័ត៌មានគួរចាប់អារម្មណ៍

កិច្ចប្រជុំពិភាក្សា ស្តីពីការគ្រប់គ្រងល្បែងផ្សងសំណាង និងការគ្រប់គ្រងផលប៉ះពាល់ពីល្បែងស៊ីសងខុសច្បាប់គ្រប់ប្រភេទ ជូនដល់អាជ្ញាធរសាធារណៈពាក់ព័ន្ធ និងប្រតិបត្តិករល្បែងផ្សងសំណាង នៅខេត្តតាកែវ (vojhotnews)

ព័ត៌មានគួរចាប់អារម្មណ៍

ភ្នាក់ងារ​រក​ទីផ្សារ​ឱ្យ​ក្រុមហ៊ុន ឡេង ណាវ៉ាត្រា ទាមទារ​កម្រៃ​ជើងសា​ឬ​ប្រាក់​កុំមីស្យុង​ទន្ថើនៗ! អានព័ត៌មាន៖ ផ្សាយថ្ងៃទី០៤ ខែ០៣ ឆ្នាំ២០២៤ (vojhotnews)

ព័ត៌មានគួរចាប់អារម្មណ៍

ល្បែងពាណិជ្ជកម្មរាល់ថ្ងៃមានទំព័រហ្វេសប៊ុក១៥-២០ ផ្សព្វផ្សាយល្បែងខុសច្បាប់, អ្នកផ្សព្វផ្សាយនឹងត្រូវហៅទៅពន្យល់ អប់រំ និងណែនាំខាងមុច! (vojhotnews)

ព័ត៌មានគួរចាប់អារម្មណ៍

បន្ទាប់ពី​បាត់​លុយ​វិនិយោគ​រាប់​សិប​លាន​ដុល្លាអ្នក​វិនិយោគ​ក្នុង​ក្រុមហ៊ុន CIC Partner ទាមទារ​ឱ្យ​ថ្នាក់ដឹកនាំ​ទាំង ១៣​នាក់​សង​លុយ​ពួកគេ​វិញ ! (vojhotnews)

វីដែអូ

ចំនួនអ្នកទស្សនា

ថ្ងៃនេះ :
973 នាក់
ម្សិលមិញ :
131 នាក់
សប្តាហ៍នេះ :
3252 នាក់
ខែនេះ :
7847 នាក់
3 ខែនេះ :
20065 នាក់
សរុប :
550942 នាក់