(កំពង់ធំ)÷ នៅរសៀលថ្ងៃទី០៤ ខែធ្នូ ឆ្នាំ២០២៣ ឧត្តមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការសឹករង ប្រធាគណៈកម្មាធិការសមាគមអតីតយុទ្ធជនកម្ពុជា ខេត្តកំពង់ធំ បានដឹកនាំកិច្ចប្រជុំក្រុមលេខាធិការដ្ឋានសមាគមអតីតយុទ្ធជនកម្ពុជាខេត្តកំពង់ធំ ដើម្បីត្រួតពិនិត្យរបាយការណ៍ស្ដីពីលទ្ធផល និងចំណុចខ្លាំង ចំណុចខ្សោយ នៃការអនុវត្តការងារសមាគមអតីតយុទ្ធជនកម្ពុជា ខេត្តកំពង់ធំ ក្នុងរយៈពេលមួយឆ្នាំកន្លងមក ដើម្បីត្រៀមរៀបចំសន្និបាតបូកសរុបលទ្ធផលការងារសមាគមឆ្នាំ២០២៣ និងទិសដៅឆ្នាំ២០២៤ នៅពេលខាងមុខ ដែលកម្មវិធីអង្គសន្និបាតនេះ គ្រោងប្រព្រឹត្តទៅក្រោមអធិបតីភាពឯកឧត្តម ទេសរដ្ឋមន្ត្រី នាយឧត្តមសេនីយ៍កិត្តិសង្គហបណ្ឌិត គន់ គីម អនុប្រធាន និងជាអគ្គលេខាធិការសមាគមអតីតយុទ្ធជនកម្ពុជា ។ ថ្លៃងនៅក្នុងកម្មវិធីនេះលោកវរសេនីយ៍ទោ កែ ម៉ៃ នាយសេនាធិការរង នៃបញ្ជាការដ្ឋានតំបន់ប្រតិបត្តិការសឹករង និងជាអនុប្រធានក្រុមលេខាធិការដ្ឋានសមាគមអតីតយុទ្ធជនកម្ពុជា ខេត្តកំពង់ធំ បានឡើងអានសេចក្តីព្រាងរបាយការណ៍បូកសរុបលទ្ធផល ចំណុចខ្លាំង ចំណុចខ្សោយ នៃការងារសមាគមអតីតយុទ្ធជនកម្ពុជាខេត្តកំពង់ធំ ដែលបានអនុវត្តក្នុងរយៈពេលមួយឆ្នាំកន្លងទៅ ដើម្បីដាក់ជូនអង្គប្រជុំពិភាក្សានិងបំពេញបន្ថែម។ បន្ទាប់ពីសមាជិកអង្គប្រជុំបានពិភាក្សាគ្នាយ៉ាងល្អិតល្អន់ លើរបាយការណ៍បូកសរុបសកម្មភាពការងារ និងខ្លឹមសារទិសដៅសំខាន់ៗមួយចំនួន ដែលត្រូវអនុវត្តបន្តនៅឆ្នាំ២០២៤។ ឆ្លៀតក្នុងឱកាសនេះផងដែរឧត្តមសេនីយ៍ទោ សោម ស៊ុន បានសូមគោរពថ្លែងអំណរគុណដ៏ជ្រាលជ្រៅជាទីបំផុត ចំពោះសម្ដេចតេជោ ហ៊ុន សែន ប្រធានសមាគមអតីតយុទ្ធជនកម្ពុជា និងសម្តេចកិត្តិព្រឹទ្ឋបណ្ឌឹត សម្ដេចមហាបវរធិបតី ហ៊ុន ម៉ាណែត និងលោកជំទាវ ព្រមទាំងឯកឧត្តមទេសរដ្ឋមន្ត្រី នាយឧត្តមសេនីយ៍ គន់ គីម ដែលលោកតែងតែគិតគូរយកចិត្តទុកដាក់ ដោះស្រាយគ្រប់បែបយ៉ាងដល់បងប្អូនអតីតយុទ្ធជនក្នុងរយៈពេលកន្លងមក ហើយនិងបានធ្វើការកោតសរសើរចំពោះក្រុមលេខាធិការដ្ឋានសមាគមអតីតយុទ្ធជនកម្ពុជាខេត្តកំពង់ធំ ដែលបានយកចិត្តទុកដាក់បំពេញភារកិច្ចការងាររបស់ខ្លួនក្នុងរយៈពេលមួយឆ្នាំកន្លងទៅទទួលបានលទ្ធផលល្អ ក្នុងការធ្វើជាសេនាធិការឲ្យគណៈកម្មាធិការសមាគមអតីតយុទ្ធជនកម្ពុជាខេត្តកំពង់ធំ ដើម្បីបម្រើនិងដោះស្រាយជូនបងប្អូនអតីតយុទ្ធជន ដែលមានការលំបាកខ្វះខាតបានទាន់ពេលវេលា។ ឧត្តមសេនីយ៍ទោ សោម ស៊ុន បានបំពេញបន្ថែមនូវទិសដៅភារកិច្ចមួយចំនួន ដែលត្រូវអនុវត្តបន្តនៅក្នុងឆ្នាំ២០២៤ខាងមុខនេះមានជាអាទិ៍÷ ១.ត្រូវសហការជាមួយមន្ទីរ ស្ថាប័នពាក់ព័ន្ធដោះស្រាយវិធានការរំដោះទឹកជនលិចនៅក្នុងភូមិអតីតយុទ្ធជននៅឃុំក្រយា ស្រុកសន្ទុក កុំឲ្យមានករណីជនលិចនៅឆ្នាំក្រោយទៀត។ ជាមួយនោះត្រូវជំរុញការដោះស្រាយប្រព័ន្ធបណ្ដាញអគ្គិសនីតភ្ជាប់ឲ្យបងប្អូនឲ្យបានឆាប់រហ័ស ។ ២.សហការជាមួយមន្ទីរកសិកម្មរុក្ខាប្រមាញ់និងនេសាទខេត្ត ដើម្បីរកពូជដំណាំយូរអង្វែងផ្ដល់ជូនដល់ក្រុមគ្រួសារអតីតយុទ្ធជន ដែលកំពុងរស់នៅលើដីសម្បទានសង្គមកិច្ច។ ៣.ចុះធ្វើអធិការកិច្ច ចំពោះបងប្អូនអតីតយុទ្ធជនដែលគ្មានដីគ្មានផ្ទះពិតប្រាកដ ដើម្បីដោះស្រាយដីសម្បទានសង្គមកិច្ច និងផ្ទះសម្បែងជូនគាត់។ ជាមួយនេះផងដែរ ត្រូវត្រួតពិនិត្យបងប្អូនអតីតយុទ្ធជននៅតាមមូលដ្ឋាននាន ដែលគាត់មានដី ហើយតែគ្មានផ្ទះសម្បែងរស់នៅសមរម្យពិតប្រាកដ ដើម្បីស្នើសុំទៅគណៈកម្មការកណ្ដាលសាងសង់លំនៅដ្ឋានជូនគាត់រស់នៅ ឲ្យបានសមរម្យ។ ៤.ពិនិត្យលទ្ធភាពដើម្បីដោះស្រាយស្បៀងអាហារគ្រឿងឧបភោគបរិភោគ ចំពោះបងប្អូនអតីតយុទ្ធជន ដែលមានជីវភាពលំបាកខ្វះខាត នៅតាមមូលដ្ឋាននានាឲ្យទាន់ពេលវេលា៕
ព័ត៌មានគួរចាប់អារម្មណ៍
សំណុំរឿងព្រហ្មទណ្ឌពាក់ព័ន្ធទំនាស់ដីធ្លីនៅដែលមានដើមចមពីទំនាស់ដីធ្លីមួយកន្លែង ស្ថិតនៅ ភូមិពោធិ៍លើ ឃុំត្រើយស្លា ស្រុកស្អាង ខេត្តកណ្តាល ! (vojhotnews)
កម្ពុជាគ្រោងនឹងរៀបចំព្រឹត្តិការណ៍ “នគរសង្ក្រាន្ត” នៅ រាជធានីភ្នំពេញ រយៈពេល ៦ថ្ងៃ ចាប់ពីថ្ងៃទី១៤ ដល់ ថ្ងៃទី១៩ ខែមេសា ឆ្នាំ២០២៦ ខាងមុខនេះ។ (vojhotnews)
កិច្ចប្រជុំបូកសរុបលទ្ធផលរបស់ក្រុមការងារគណបក្សចុះមូលដ្ឋានសង្កាត់ស្រយ៉ូវ និងពិធីទទួលសមាជិកថ្មីចំនួន 400 នាក់ ()
លោក សំ សុវណ្ណារិទ្ធ អង្គុយចាំរាប់ក្បាលឡានតាមការ កំណត់យកលុយមិនញញើតអង្គភាពប្រឆាំងអំពើពលរលួយ កំពុងក្ដោបសេដ្ឋកិច្ចក្រៅប្រព័ន្ធច្បាប់ពង្រាយជនស៊ីវិលគ្រប់ច្រកល្ហក តាមច្រកទ្វារព្រំដែននានា ក្នុងភូមិសាស្ត្រខេត្តស្វាយរៀង (vojhotnews)
ការគ្រប់គ្រង និងកាត់បន្ថយគ្រោះមហន្តរាយក្នុងពិស័យព័ត៌មាន ជាកត្តាសំខាន់សម្រាប់អ្នកសារព័ត៌មាន ()
វីដែអូ
ចំនួនអ្នកទស្សនា