(កំពង់ធំ)÷ នៅព្រឹកថ្ងៃទី០២ ខែធ្នូ ឆ្នាំ២០២៣ លោក សាយ គឹមឡម ប្រធានចលនារណសិរ្សសាមគ្គីអភិវឌ្ឍន៍មាតុភូមិកម្ពុជាបានអញ្ជើញជាអធិបតីក្នុងពិធីអបអរ សាទរខួបអនុស្សាវរីយ៍លើកទី៤៥(០២ ធ្នូ ១៩៧៨-០២ធ្នូ ២០២៣)ទិវាកំណើតរណសិរ្សសាមគ្គីអភិវឌ្ឍន៍មាតុភូមិកម្ពុជានៅស្រុកស្ទោង ដែលមានភ្ញៀវកិត្តិយសសមាជិក សមាជិកា អញ្ជើញចូលរួមប្រមាណ៧៧៧នាក់។ ជាការស្វាគមន៍ដល់ភ្ញៀវកិត្តិយស និងសមាជិកសមាជិកាដែលអញ្ជើញចូលរួមនៅក្នុងឱកាសនេះលោក សាយ គឹមឡម បានអាននូវសុន្ទរកថារបស់សម្ដេចកិត្តិសង្គហបណ្ឌិតម៉ែន សំអន ឧត្តមក្រុមប្រឹក្សាផ្ទាល់ព្រះមហាក្សត្រ និងជាប្រធានក្រុមប្រឹក្សាជាតិរណសិរ្សសាមគ្គីអភិវឌ្ឍន៍កម្ពុជា ជូនអង្គពិធីបានបានជ្រាបនូវខ្លឹមសារនិងអត្ថន័យដ៏ជ្រៀលជ្រៅបំផុតដែលសម្ដេចផ្ញើជូនសមាជិក សមាជិកាទាំងអស់នៅក្នុងទិវាដ៏មហោឡារិក និងវិសេសវិសាលនេះ។ ជាមួយនេះផងដែរលោកអភិបាលស្រុកស្ទោង ក៏បានបញ្ជាក់បន្ថែមថា ស្មារតី ០២ ធ្នូ ១៩៧៨ បាននាំឲ្យមាននូវ ទិវាជ័យជំនះ៧មករា ជាប្រវត្តិសាស្រ្ត លើរបបប្រល័យពូជសាសន៍ ប៉ុល ពត និងនាំឲ្យមានអ្វីៗគ្រប់បែបយ៉ាង ជាពិសេស ការសង្គ្រោះអាយុជីវិតប្រជាពលរដ្ឋខ្មែរ និងសុខសន្តិភាព ដែលសម្ដេចអគ្គមហាសេនាបតីតេជោ ហ៊ុន សែនបាន ធ្វើពលិកម្មគ្រប់យ៉ាងជូនជាតិមាតុភូមិក៏ដូចជាការអភិវឌ្ឍប្រទេសជាតិឲ្យមានការរីកចម្រើនលើគ្រប់វិស័យក៏ដូចជាការដឹកនាំដ៏ប៉ិនប្រសប់របស់សម្ដេចមហាបវរធិបតីហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជាអាណត្តិទី៧នេះផងដែរ។ លើសពីនេះលោក សាយ គឹមឡម បានអំពាវនាវដល់សមាជិកសមាជិកា ភ្ញៀវកិត្តិយសទាំងអស់ សូមបន្តផ្សព្វផ្សាយនិងរំលឹកដឹងគុណនូវស្មារតី០២ ធ្នូ ជាអមតៈ ព្រោះស្មារតី០២ធ្នូ និងទិវាជ័យជំនះ៧មករា បានធ្វើឲ្យ របបអាវខ្មៅឃោរឃៅរយង់ឃ្នង ដែលកាប់សម្លាប់រង្គាលប្រជាពលរដ្ឋខ្លួនឯង និងមនុស្សជាតិឲ្យដួលរលំ ផុតរលត់ពីទឹកដីកម្ពុជានិងបាននាំមកនូវសុខសន្តិភាពជូនជាតិមាតុភូមិសារជាថ្មី។ ទន្ទឹមនឹងនេះលោក សាយ គឹមឡម ក៏បានអំពាវនាវដល់យុវជន អ្នកសិក្សាជំនាន់ក្រោយ ក៏ដូចជាសមាជិកសមាជិកា ត្រូវលើកកម្ពស់ស្មារតីជាតិនិយម សាមគ្គីភាព ឯកភាពផ្ទៃក្នុង ក្នុងការចូលរួមថែរក្សាសុខសន្តិភាព អភិវឌ្ឍប្រទេសជាតិក៏ដូចជា អនុវត្តនូវកិច្ចការរបស់គណបក្សនិងរណសិរ្ស ពិសេស ការចូលរួមយ៉ាងសកម្មក្នុងការធ្វើបច្ចុប្បន្នភាពគ្រួសារក្រីក្រនិងងាយរងហានិភ័យ ឲ្យបានសុក្រឹតត្រឹមត្រូវជាក់ស្ដែង ក្នុងការឆ្លើយតបតាមយុទ្ធសាស្ត្ររបស់រាជរដ្ឋាភិបាលកម្ពុជា។ ជាចុងបញ្ចប់ លោកក៏បានអំពាវនាវ ដល់យុវជនសមាជិកសមាជិកាទាំងអស់ សូមមានការប្ដេជ្ញាចិត្តខ្ពស់ក្នុងការលើកកម្ពស់ស្មារតី ០២ធ្នូ ឲ្យបាននូវស្ថិតស្ថេរជាអមតៈ។ គាំទ្រ និងរួមចំណែកក្នុងការអនុវត្តកម្មវិធីនយោបាយ និងយុទ្ធសាស្ត្របញ្ចកោណ ដំណាក់កាលទី១ របស់រាជរដ្ឋាភិបាលនីតិកាលទី៧ នៃរដ្ឋសភា ដែលមានសម្តេចមហាបវរធិបតី ហ៊ុន ម៉ាណែត ជានាយករដ្ឋមន្ត្រី នៃព្រះរាជាណាចក្រកម្ពុជាផងដែរ៕
ព័ត៌មានគួរចាប់អារម្មណ៍
ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មានប្រកាសចូលកាន់មុខតំណែងលោក សុវណ្ណ វិទិត្យា ជាប្រធានមន្ទីរព័ត៌មាន ជំនួសលោក សួស សុភ័ក្រ្ត ទទួលភារកិច្ចថ្មី! (vojhotnews)
រដ្ឋាភិបាលកម្ពុជាប្រមូលចំណូលពីវិស័យល្បែងបានជាង ៦០លានដុល្លារ នៅឆ្នាំ២០២៤ កើន៨៥% ខណៈឆ្នាំ២០២៥ នឹងមានផែនការប្រមូលឱ្យបានជាង ៧០លានដុល្លារ! (vojhotnews)
ចុះស៊ើបអង្កេតឲ្យបានសុីជម្រៅ លោក នូ សុវណ្ណា ប្រធានស្ថានីយ៍ជញ្ជីងថ្លឹងរថយន្តមានជ័យ ស្រុកស្នួល ខេត្តក្រចេះ ប្រែក្លាយទៅជាជញ្ជីងថ្លឹងលុយ តាមរបៀបជិៈសេះលែងដៃ ?រដ្ឋាបាលអាណត្តិទី៧! (vojhotnews)
ព្រះមហាក្សត្រ ចេញព្រះរាជក្រឹត្យ ត្រាស់បង្គាប់តែងតាំង និងផ្ដល់ឋានៈអ្នកឧកញ៉ា អ៉ឹង ប៊ុនហ៊ូវ ជាទីប្រឹក្សាសម្ដេចតេជោ ហ៊ុន សែន ប្រធានព្រឹទ្ធសភា ឋានៈស្មើទេសរដ្ឋមន្ដ្រី (vojhotnews)
សម្តេច មហាមន្ត្រី គុយ សុផល ផ្ញើសារជូនពរ សម្តេចមហាបវរធិបតី ហ៊ុន ម៉ាណែត ក្នុងឱកាសខួបកំណើតគម្រប់ ៤៧ ឈានចូល ៤៨ឆ្នាំ (vojhotnews)
វីដែអូ
ចំនួនអ្នកទស្សនា