(កំពង់ធំ)÷ រសៀលថ្ងៃទី០២ ខែធ្នូ ឆ្នាំ២០២៣ លោក សាយ គឹមឡម អភិបាលស្រុកស្ទោង អញ្ជើញជួបសំណេះសំណាលសួរសុខទុក្ខ លោកនាយក នាយិកាសាលាបឋមសិក្សា លោកគ្រូអ្នកគ្រូ និងគ្រូកិច្ចសន្យាដែលទើបជាប់ថ្មីៗសរុបចំនួន៥៥៧នាក់ នៅស្រុកស្ទោង ខេត្តកំពង់ធំ។ ក្នុងឱកាសនោះដែរលោក សាយ គឹមឡម ក៏បានផ្តាំផ្ញើដល់លោកនាយក នាយិកា លោកគ្រូអ្នកគ្រូ ទាំងអស់ត្រូវមានក្រមសីលធម៌វិជ្ជាជីវៈខ្ពស់ ហើយត្រូវបង្ហាត់បង្រៀន និងស្រឡាញ់សិស្សានុសិស្សឱ្យដូចជាកូនបង្កើតរបស់ខ្លួន ដើម្បីឱ្យពួកគាត់ទទួលបាននូវចំណេះដឹងតាមកម្រិតស្តង់ដាដែលជាអ្នកបន្តវេនលើជោគវាសនាអនាគតរបស់ប្រទេសជាតិ។ ជាមួយនេះផងដែរលោកអភិបាលស្រុកស្ទោង ក៏បានណែនាំបន្ថែមថា ក្នុងនាមខ្លួនយើងជាអ្នកបង្ហាត់បង្រៀនត្រូវ អនុវត្តតួនាទីភារកិច្ចរបស់ខ្លួនប្រកបដោយក្រុមសីលធម៌វិជ្ជាជីវៈ មានសាមគ្គីភាពផ្ទៃក្នុងរវាងគ្នានឹងគ្នារវាងថ្នាក់ដឹកនាំសាលារៀន និងបុគ្គលិកក៏ដូចជាមួយសិស្សានុសិស្សឱ្យកាន់តែស្និទ្ធស្នាលគ្នាថែមទៀត ក្នុងការលើកស្ទួយវិស័យអប់រំឱ្យមានគុណភាពនៅតាមសាលារៀន។ លើសពីនេះលោក សាយ គឹមឡម បានលើកទឹកចិត្តដល់លោកនាយក នាយិកា សាលារៀន និងសហការី ត្រូវមានទំនាក់ទំនងល្អជាមួយសហគមន៍ មាតាបិតា អាណាព្យាបាលសិស្ស អង្គការដៃគូអភិវឌ្ឍនានា និងគ្រប់ភាគីពាក់ព័ន្ធជាពិសេសគឺទំនាក់ទំនងជាមួយនឹងផ្នែកពុទ្ធចក្រ ព្រះសង្ឃ និងព្រះគ្រូចៅអធិការវត្តនានានៅក្នុងមូលដ្ឋាន ហើយត្រូវប្រើប្រាស់ថវិការបស់សាលារៀនប្រកបដោយតម្លាភាព គណនេយ្យភាព ត្រូវមានប្លង់គោលក្នុងការអភិវឌ្ឍសាលារៀន ក្នុងការកែលម្អបរិស្ថានសាលារៀនប្រកបដោយសោភ័ណភាពស្រស់បំព្រង។ ទន្ទឹមនឹងនេះលោកអភិបាលស្រុកស្ទោង បានជំរុញដល់គ្រប់សាលារៀន ត្រូវយកចិត្តទុកដាក់ខ្ពស់លើផ្នែកបរិស្ថាន អនាម័យសិស្ស អាហារូបត្ថម្ភ សួនច្បារ ដងទង់ជាតិ និងការដាំដើមឈើយកម្លប់ព្រមទាំងមានការថែទាំ និងបោសសម្អាតឱ្យបានស្អាតជាប្រចាំ ដើម្បីសុខុមាលភាពសិស្សានុសិស្ស ព្រមទាំងឆ្លើយតបទៅនឹងសាលាកុមារមេត្រី មានចក្ខុវិស័យនិងបេសកកម្មឱ្យបានច្បាស់លាស់។ ជាចុងក្រោយលោក សាយ គឹមឡម អភិបាលស្រុកស្ទោង បានផ្តាំផ្ញើដល់លោកនាយក នាយិកានលោកគ្រូអ្នកគ្រូ គ្រូកិច្ចសន្យាដែលទើបនឹងជាប់ថ្មីៗត្រូវធ្វើខ្លួនឱ្យសក្តិសមជាគ្រូបង្រៀន ជាអ្នកបង្រៀន ជាមនុស្សគម្រូល្អរបស់សិស្សានុសិស្ស និងសហគមន៍ បំពេញតួនាទីក្នុងនាមជាគ្រូបង្រៀងប្រកបដោយក្រមសីលធម៌វិជ្ជាជីវៈ និងចូលរួមចំណែកបណ្ដុះបណ្ដាលធនធានមនុស្សនៅក្នុងមូលដ្ឋានឱ្យមានគុណភាពខ្ពស់៕
ព័ត៌មានគួរចាប់អារម្មណ៍
មន្រ្តី ខេត្ត កណ្តាល សរសើរដល់មន្ត្រីគយច្រកទ្វារព្រំដែនអន្តរជាតិជ្រៃធំ និង មេគយចល័ត ចាប់ដៃគ្នាបានល្អក្នុងការស្ពិនភ្នែក ឯកឧត្តមបណ្ឌិត គុណ ញឹម តាមរបៀបជិះសេះលែងដៃហើយទាន? (vojhotnews)
លោកកែវ ផាន មេគយប្រចាំច្រកទ្វារព្រំដែនភ្នំដិន កំពុងល្បីរឿងដាក់មន្រ្តីគយនិងជនសុីវិលប្រមូលលុយតាមផ្លូវ ផ្ទុយនីតិវិធីប្រមូលពន្ធគយ ច្របាច់កអ្នករកសុីម៉ាគែរ! (vojhotnews)
លោក កែវ ផាន មេគយច្រកទ្វារព្រំដែនអន្តរជាតិភ្នំដិន ស្រុកគីរីវង់ ខេត្តតាកែវ ពង្រាយមន្រ្តីគយនិងជនសុីវិលគ្រប់ច្រកល្ហកដើរប្រមូលលុយពីក្រុមឈ្មួញតូច ធំ ដឹកជញ្ជូនទំនិញគេចពន្ធ. ទំនិញបង់ពន្ធមិនគ្រប់និងទំនិញខុសច្បាប់ចេញពីប្រទេសវៀតណាម ចូលមកប្រទេសខ្មែរ យ៉ាងគំហ៊ុក.! (vojhotnews)
ឯកឧត្តមបណ្ឌិត គុណ ញឹម រដ្ឋមន្រ្តីប្រតិភូអមនាយករដ្ឋមន្រ្តី ផ្ញើសារលិខិតជូនពរ សម្តេចមហាបវរធិបតី ហ៊ុន ម៉ាណែត ក្នុងឱកាសខួបកំណើតគម្រប់ ៤៨ ឈានចូល ៤៩ឆ្នាំ (ktk168)
វីដែអូ
ចំនួនអ្នកទស្សនា