(កំពង់ធំ)÷នៅព្រឹកថ្ងៃទី១៣ ខែធ្នូ ឆ្នាំ២០២៣លោក អ៊ុត វណ្ណរ៉ា អភិបាល អភិបាលស្រុកកំពង់ស្វាយ លោកវីរៈសេនីយ៍ទោ កែ កព្ចានា អធិការស្រុកកំពង់ស្វាយ មេបញ្ជាការមេបញ្ជាការរងកងរាជអាវុធហត្ថស្រុក លោក ជូ សួន មេឃុំសាន់គរ ក្រុមប្រឹក្សាឃុំ និងមន្ត្រីរាជការ ព្រមទាំងបងប្អូនប្រជាពលរដ្ឋ បានអញ្ជើញជាគណអធិបតីក្នុងពិធី ចែកប័ណ្ណសម្គាល់គ្រួសារងាយរងហានិភ័យ និងប័ណ្ណសម្គាល់ជនមានពិការភាពនៅសាលាឃុំសាន់គរ ស្រុកកំពង់ស្វាយ ខេត្តកំពង់ធំ ដែលក្នុងនោះមាន÷ប័ណ្ណសម្គាល់គ្រួសារងាយរងហានិភ័យចំនួន ៥១៧គ្រួសារ ប័ណ្ណសំគាល់ជនមានពិការភាពចំនួន២៩៥នាក់ ស្រី១៣៥នាក់ ដើម្បីដោះស្រាយជីវភាពបានមួយកម្រិតដល់ពួកគាត់ផងដែរ។ លោក ជូ សួន មេឃុំសាន់គរ បានលើកឡើងថា ដោយប្រជាពលរដ្ឋនៅឃុំសាន់គរ សង្កេតឃើញមានជីភាពខ្វះខាតមួយចំនួន និងមានពិការជាច្រើនគ្រួសារដោយសារសង្គ្រាមដូច្នេះហើយក្រុមការងារបានស្នើទៅរដ្ឋបាលស្រុកកំពង់ស្វាយដើម្បីចេញប័ណ្ណសម្គាល់គ្រួសារងាយរងហានិភ័យ និងប័ណ្ណសម្គាល់ជនមានពិការភាព ដើម្បីឲ្យគាត់យកទៅប្រើប្រាស់ក្នុងជីវភាពប្រចាំថ្ងៃរបស់គាត់ ពិសេសគឺពេលមានជំងឺផ្សេងៗទៅសម្រាកនៅមន្ទីរពេទ្យណាមួយ ក៏ជួយដោះស្រាយដល់ពួកគាត់បានយ៉ាងឆាប់រហ័ស។ ក្នុងឱកាសនេះលោក អ៊ុត វណ្ណរ៉ា បានមានប្រសាសន៍ថា កន្លងមកនេះគ្រោះធម្មជាតិ បានធ្វើបាបបងប្អូនប្រជាពលរដ្ឋនៅក្នុងមូលដ្ឋាន ពិសេសគឺនៅរដូវវស្សាទឹកជំនន់បានលិចស្រូវវស្សាជាច្រើនហិចតា ធ្វើឱ្យមានការរងប៉ះពាល់នឹងខូចខាតស្រូវវស្សា និងដំណាំផ្សេងៗជាច្រើន ជីវភាពប្រជាពលរដ្ឋមានការខ្វះខាត មិនអាចទៅប្រកបមុខរបរអ្វីបាននោះឡើយ។ ដោយមានការយកចិត្តទុកដាក់ពីរាជរដ្ឋាភិបាលកម្ពុជា ក្រោមការដឹកនាំរបស់សម្ដេចមហាបវរធិបតី ហ៊ុន ម៉ាណែតនាយករដ្ឋមន្ត្រី សម្ដេចតែងតែផ្តល់ភាពកក់ក្តៅដល់ប្រជាពលរដ្ឋដែលមានជីវភាពខ្វះខាត និងរងហានិភ័យ ព្រមទាំងជនពិការភាព ដូច្នេះហើយរដ្ឋបាលស្រុកកំពង់ស្វាយនិងរដ្ឋបាលឃុំសាន់គរ សហការគ្នាចុះធ្វើប័ណ្ណសម្គាល់រងហានិភ័យ និងប័ណ្ណសម្គាល់ជនពិការភាព ដើម្បីយកទៅប្រើប្រាស់ក្នុងជីវភាពរស់នៅប្រជាជន។ ជាចុងក្រោយលោក អ៊ុត វណ្ណារ៉ា អភិបាលស្រុកកំពង់ស្វាយ បានលើកទឹកចិត្តដល់ក្រុមការងារនៅរដ្ឋបាលឃុំសាន់គរ ដែលបានយកចិត្តទុកដាក់ និងផ្ដល់កម្លាំងចិត្តដល់បងប្អូនប្រជាពលរដ្ឋក្នុងការចែកប័ណ្ណ ដើម្បីយកទៅប្រើប្រាស់ឱ្យសមស្រប មានតម្លាភាពប្រកបដោយភាពត្រឹមត្រូវ និងយុត្តិធម៌នៅក្នុងមូលដ្ឋាន។ សូមចូលរួមថែរក្សាសុខសន្តិភាពជូនប្រទេសជាតិ មិនផ្ដល់ឱកាសឱ្យជនណាមួយមកផ្ដួលរំលំ និងរាំងស្ទះការអភិវឌ្ឍនៅក្នុងមូលដ្ឋាន ការអនុវត្តគោលនយោបាយភូមិ/ឃុំមានសុវត្ថិភាព ប្រជាពលរដ្ឋទាំងអស់មានការប្រុងប្រយ័ត្នចំពោះអគ្គីភ័យដែលកើតឡើងព្រោះរដូវប្រាំងគឺរដូវធ្លាក់ខ្យល់ អាចធ្វើឱ្យមានអគ្គីភ័យកើតឡើងនៅក្នុងសហគមន៍។ សូមក្រុមការងារទាំងអស់នៅតែបន្តសហការគ្នាចុះសិក្សា និងវាយតម្លៃដល់បងប្អូនប្រជាពលរដ្ឋដែលជួបហានិភ័យ និងជនពិការភាពឱ្យបានគ្រប់ៗគ្នា ដើម្បីឱ្យជីវភាពពួកគាត់មានលក្ខណៈល្អប្រសើរឡើង៕
ព័ត៌មានគួរចាប់អារម្មណ៍
លោក ឱម យិនទៀង ប្រធានអង្គភាពប្រឆាំង គួរដាក់មន្ត្រីជំនាញអង្គភាពប្រឆាំងអំពើពុករលួយចុះសិក្សាស្រាវជ្រាវអោយសុីជម្រៅភាពមិនប្រក្រតីប្រព្រឹត្តរបៀបអំពើពុករលួយរបស់លោក នូ សុីថា ប្រធាននាយកដ្ឋានបង្ការនិងបង្ក្រាបបទល្មើសនៃអគ្គនាយកដ្ឋានគយនិងរដ្ឋាករកម្ពុជា ()
ប្រធានស្ថានីយ៍ជញ្ជីងថ្លឹងរថយន្តផ្លូវជាតិលេខ7 ផ្លូវអាស៊ានលេខ 11 នៅចំណុចគីឡូលេខ៣៥០ឃុំចង្ក្រង់ ស្រុកចិត្របុរី ខខេត្តក្រចេះគៀបយកលុយពីក្រុមឈ្មួញរថយន្តធំៗទាំងយប់ទាំងថ្ងៃតាមអំពើចិត្តមិនញញើសអ្វីទាំងអស់អាងខ្នងប្រធានមន្ទីរសាធារណការខេត្តក្រចេះ (vojhotnews)
ថៃ មានគម្រោងផែនការប្រើវិធីទំលាក់គ្រាប់ដើម្បីធ្វើឃាដអ្នកដឹកនាំជាន់ខ្ពស់សម្តេច ហ៊ុន សែន និងសម្តេចធិបតីនាយករដ្ឋមន្រ្តី ! (vojhotnews)
ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្រ្តីក្រសួងសេដ្ឋកិច្ចនិងហិរញ្ញវត្ថុ និងជាប្រធានគណៈកម្មការគ្រប់គ្រងល្បែងពាណិជ្ជកម្មកម្ពុជា (គ.ល.ក.) លើកទី១២ អាណត្តិទី១ (vojhotnews)
លោក ដូណាល់ ត្រាំ បានដាក់ពន្ធគយថ្មីលើប្រទេសមួយចំនួនក្នុងអាណត្តិទីពីរ (vojhotnews)
វីដែអូ
ចំនួនអ្នកទស្សនា