(ភ្នំពេញ)៖ អគ្គលេខាធិការដ្ឋាននៃគណៈកម្មការគ្រប់គ្រងល្បែងពាណិជ្ជកម្មកម្ពុជា (អ.គ.ល.ក.) បានចេញសេចក្តីប្រកាសព័ត៌មាន ពីប្រតិបត្តិការចុះបង្ក្រាបអាជីវកម្មល្បែងស៊ីសងខុសច្បាប់ ជាលក្ខណៈកាស៊ីណូជ្រកក្រោមស្លាកឈ្មោះការកម្សាន្តក្រោន (CROWN ENTERTAINMENT) មានទីតាំងស្ថិតនៅផ្ទះលេខB6 ផ្លូវ៧៨ (Gold) សង្កាត់ទន្លេបាសាក់ ខណ្ឌចំការមន រាជធានីភ្នំពេញ ដោយឃាត់ខ្លួនមនុស្សបាន ៨៣នាក់។សេចក្តីប្រកាសព័ត៌មាន របស់ អ.គ.ល.ក បានបញ្ជាក់ដូចនេះថា កាលពីថ្ងៃទី៣១ ខែតុលា ដល់ថ្ងៃទី១ ខែវិច្ឆិកា ឆ្នាំ២០២៣ អគ្គលេខាធិការដ្ឋាននៃគណៈកម្មការគ្រប់គ្រងល្បែងពាណិជ្ជកម្មកម្ពុជា (អ.គ.ល.ក.) សហការជាមួយអគ្គស្នងការដ្ឋាននគរបាលជាតិ ក្រោមការបញ្ជាផ្ទាល់របស់នាយឧត្តមសេនីយ៍អគ្គស្នងការនគរបាលជាតិ និងជាសមាជិក គ.ល.ក. និងដោយមានការចូលរួមរបស់អាជ្ញាធរមូលដ្ឋានខណ្ឌចំការមន ក្រោមការសម្របសម្រួលនីតិវិធីពីព្រះរាជអាជ្ញារងនៃអយ្យការអមសាលាដំបូងរាជធានីភ្នំពេញ បានចុះបង្ក្រាបអាជីវកម្មល្បែងស៊ីសងខុសច្បាប់ ជាលក្ខណៈកាស៊ីណូជ្រកក្រោមស្លាកឈ្មោះ ការកម្សាន្តក្រោន (CROWN ENTERTAINMENT) មានទីតាំងស្ថិតនៅផ្ទះលេខB6 ផ្លូវ៧៨ (Gold) សង្កាត់ទន្លេបាសាក់ ខណ្ឌចំការមន រាជធានីភ្នំពេញ។កម្លាំងសមត្ថកិច្ចចម្រុះបានចុះឆែកឆេរ បង្រ្កាប និងបិទទីតាំងការកម្សាន្តក្រោន (CROWN ENTERTAINMENT) ដកហូតវត្ថុតាងរួមមាន តុល្បែងនិងម៉ាស៊ីនម៉ាស៊ីនល្បែងគ្រប់ប្រភេទ និងវត្ថុតាងជាប្រាក់កាសមួយចំនួន ព្រមទាំងបានដឹកជញ្ជូនវត្ថុតាងទាំងអស់ចេញពីទីតាំងនេះយកទៅរក្សាទុក។ ក្នុងប្រតិបត្តិការនេះកម្លាំងសមត្ថកិច្ចចម្រុះបានឃាត់ខ្លួនជនជាតិចិនចំនួន ១១នាក់ (ស្រី៥នាក់) ជនជាតិវៀតណាមចំនួន៤ នាក់ (ស្រី៣នាក់) និងជនជាតិខ្មែរចំនួន ៦៨នាក់ (ស្រី៥៣នាក់) ដើម្បីបន្តនីតិវិធី។ដោយឡែក ទីតាំងខាងលើនេះ ត្រូវបានចាក់សោរបិទសៀល និងសម្រេចប្រគល់ជូនអាជ្ញាធរមូលដ្ឋានដើម្បីគ្រប់គ្រងថែរក្សាជាបណ្ដោះអាសន្ន រង់ចាំសេចក្ដីសម្រេចថ្មីរបស់តំណាងអយ្យការ៕
ព័ត៌មានគួរចាប់អារម្មណ៍
លោកកែវ ផាន មេគយប្រចាំច្រកទ្វារព្រំដែនភ្នំដិន កំពុងល្បីរឿងដាក់មន្រ្តីគយនិងជនសុីវិលប្រមូលលុយតាមផ្លូវ ផ្ទុយនីតិវិធីប្រមូលពន្ធគយ ច្របាច់កអ្នករកសុីម៉ាគែរ! (vojhotnews)
លោក កែវ ផាន មេគយច្រកទ្វារព្រំដែនអន្តរជាតិភ្នំដិន ស្រុកគីរីវង់ ខេត្តតាកែវ ពង្រាយមន្រ្តីគយនិងជនសុីវិលគ្រប់ច្រកល្ហកដើរប្រមូលលុយពីក្រុមឈ្មួញតូច ធំ ដឹកជញ្ជូនទំនិញគេចពន្ធ. ទំនិញបង់ពន្ធមិនគ្រប់និងទំនិញខុសច្បាប់ចេញពីប្រទេសវៀតណាម ចូលមកប្រទេសខ្មែរ យ៉ាងគំហ៊ុក.! (vojhotnews)
ឯកឧត្តមបណ្ឌិត គុណ ញឹម រដ្ឋមន្រ្តីប្រតិភូអមនាយករដ្ឋមន្រ្តី ផ្ញើសារលិខិតជូនពរ សម្តេចមហាបវរធិបតី ហ៊ុន ម៉ាណែត ក្នុងឱកាសខួបកំណើតគម្រប់ ៤៨ ឈានចូល ៤៩ឆ្នាំ (ktk168)
ឯកឧត្តម ហេង វណ្ណនីអភិបាលរងខេត្តបាត់ដំបង បើកពិធីសម្ភោធយុទ្ធនាការ ក្រោមក្របខណ្ឌគម្រោងផ្គត់ផ្គង់ទឹកស្អាត និងអនាម័យសុខភាពខេត្ត(PWSSP)! (vojhotnews)
សិក្ខាកាមអ្នកសារព័ត៌មាន ២០រូបក្នុងខេត្តកំពង់ធំ ចូលរួមវគ្គបណ្ដុះបណ្ដាលផ្នែកផលិតព័ត៌មានពិស្ដារ (vojhotnews)
វីដែអូ
ចំនួនអ្នកទស្សនា