(កំពង់ធំ)÷ លោកជំទាវ លំ គន្ធារី អភិបាលរងខេត្តកំពង់ធំលោក តាន់ ប៊ុនហុង ប្រធានមន្ទីរអប់រំយុវជន និងកីឡាលោកគ្រូអ្នកគ្រូ និងសិស្សានុសិស្សជាច្រើន បានអញ្ជើញចូលរួមក្នុងពិធីបើកការផ្សព្វផ្សាយលទ្ធផលប្រឡងសញ្ញាបត្រមធ្យមសិក្សាទុតិយភូមិ នាព្រឹកថ្ងៃទី២៤ ខែវិច្ឆិកា ឆ្នាំ២០២៣ នៅវិទ្យាល័យកំពង់ធំ។ លោក តាន់ ប៊ុនហុង ប្រធានមន្ទីរអប់រំយុវជន និងកីឡា បានលើកឡើងថា ពិធីបើកការផ្សព្វផ្សាយលទ្ធផលប្រឡងសញ្ញាបត្រមធ្យមសិក្សាទុតិយភូមិមាន២ទីតាំងគឺ ១- វិទ្យាល័យកំពង់ធំ (មានមណ្ឌលអនុវិទ្យាល័យថ្នល់បែក មណ្ឌល វិទ្យាល័យកំពង់ធំកើត មណ្ឌលវិទ្យាល័យកំពង់ធំលិច មណ្ឌលបឋមអនុវត្តហ៊ុនសែនអាចារ្យលាក់ មណ្ឌលសាលា គរុកោសល្យខេត្ត និងមណ្ឌលអនុវិទ្យាល័យកំពង់រទេះ)។ ២- វិទ្យាល័យ ហ៊ុនសែនបល្ល័ង្ក(មានមណ្ឌលហ៊ុនសែនបល្ល័ង្កជើង មណ្ឌល វិទ្យាល័យហ៊ុនសែនបល្ល័ង្កត្បូង មណ្ឌលបឋមបល្ល័ង្ក មណ្ឌលបឋម ហ៊ុនសែនត្រពាំងវែង មណ្ឌលវិទ្យាល័យស្ទឹងសែន មណ្ឌលអនុវិទ្យាល័យបញ្ញាជី និង មណ្ឌលវិទ្យាល័យហ៊ុនសែនភ្នំសន្ទុក)។ សម្រាប់មណ្ឌលប្រឡងក្នុងខេត្តកំពង់ធំមាន១៣មណ្ឌល ចំនួនបន្ទប់២៣៤បន្ទប់ បេក្ខជនសរុប៥.៨២៣នាក់ ស្រី៣.២០០នាក់។ បេក្ខជនប្រឡងជាប់៤.៦១៥នាក់ ស្មើនឹង៨០.៤៣% ស្រី២.៦៨៨នាក់ ស្មើនឹង៨៥.២០%។ ចំនួនបេក្ខជនប្រឡងជាប់និទ្ទេសAមាន២១នាក់ ស្រី០៨នាក់។ ថ្លែងនៅក្នុងកម្មវិធីនេះផងដែរលោកជំទាវ លំ គន្ធារី បានមានប្រសាសន៍ថា សូមឱ្យក្មួយៗដែលមកមើលលទ្ធផលនៃការប្រឡងមធ្យមសិក្សាទុតិយភូមិនាពេលនេះ គឺតាំងចិត្តឱ្យបានរឹងមាំ ដែលក្មួយៗបានខិតខំរៀនសូត្រកន្លងមក ពេលប្រឡងជាប់ ត្រូវស្វែងរកសាលារៀនបន្តទៀត ដើម្បីបន្តការងាររបស់ក្មួយៗនាពេលអនាគត។ លទ្ធផលដែលចេញបិទផ្សាយសម្រាប់ថ្ងៃនេះ បង្ហាញពីការតស៊ូរបស់ក្មួយៗរយៈពេលជាច្រើនឆ្នាំមក អ្វីដែលសំខាន់គឺក្មួយៗបានបញ្ចេញអស់នៅសមត្ថភាព ក្នុងការទទួលភាពជោគជ័យ ជូនដល់សាលារៀន និងសង្គមជាតិទាំងមូល។ ជាចុងក្រោយលោកជំទាវ លំ គន្ធារី អភិបាលរងខេត្តកំពង់ធំ បានលើកទឹកចិត្តដល់ក្មួយៗជាសិស្សានុសិស្សទាំងអស់ ត្រូវតែព្យាយាមរៀនសូត្របន្ថែមទៀត អំណត់តស៊ូក្នុងការរៀនសូត្រ ដើម្បីឱ្យក្លាយទៅជាទំពាំងស្នងឬស្សី ក្នុងការកសាងប្រទេសជាតិ ឱ្យមានការរីកចម្រើនជាលំដាប់។ សូមក្មួយៗចូលរួមគោរពច្បាស់ចរាចរណ៍ផ្លូវគោកទាំងអស់គ្នា ចៀសឱ្យឆ្ងាយពីគ្រឿងញៀន ព្រោះគ្រឿងញៀនបានបំផ្លាញខ្លួនឯង គ្រួសារ និងសង្គមជាតិ៕
ព័ត៌មានគួរចាប់អារម្មណ៍
លោកសុខ សុវិទ្យា អគ្គនាយករងតំណាងដ៏ខ្ពង់ខ្ពស់ឯកឧត្តមបណ្ឌិត គុណ ញឹម រដ្ឋមន្ត្រីប្រតិភូអមនាយករដ្ឋមន្ត្រី អគ្គនាយកនៃអគ្គនាយកដ្ឋានគយនិងរដ្ឋាករកម្ពុជា បានបើកវគ្គបណ្តុះបណ្តាលអនុលោមតាមផែនការសកម្មភាព ឆ្នាំ២០២៥ ! (vojhotnews)
លោក ម៉ឹង ដាវីន មេការិយាល័យគយច្រកទ្វារព្រំដែនអន្តរជាតិត្រពាំងផ្លុង ពង្រាយមន្ត្រីគយ និងប្រើជនសុីវិល អង្គុយចាំរាប់ក្បាលឡាន ឈ្មួញតូច ធំ ដឹកជញ្ជួនតំឡូងមី ទៅប្រទេសវៀតណាម និងទំនិញខុសច្បាប់ចេញពីប្រទេសវៀតណាមចូលមកប្រទេសខ្មែរអោយបង់លុយតាមការកំណត់! (vojhotnews)
ភាពមិនប្រក្រតីប្រព្រឹត្តរបៀបអំពីពុករលួយរបស់លោក សុង មាល័យ ប្រធានការិយាល័យ គយនិងរដ្ឋាករ ច្រកទ្វារព្រំដែនអន្តរជាតិក្អមសំណនិងក្រុមមន្ត្រីប្រចាំច្រកទ្វារព្រំដែនអន្តរជាតិក្អមសំណរតម្រូវអោយអាជីវករបង់លុយចាប់ពី២០មុឺនរៀលទៅ៣៥ម៉ឺនរៀលក្នុង១ឡាន? (voj)
ដុះស្លែប្រព្រឹត្តរបៀបពុករលួយអង្គភាពប្រឆាំងអំពើពុករលួយ មិនគួរមើលរំលងភាពមិនប្រក្រតីប្រព្រឹត្តរបៀបអំពើពុករលួយរបស់លោក ព្រាប គារ៉ាត់”ហៅសិទ្ធ” មេគយចល័តលើផ្ទៃប្រទេសតំបន់ ៦ កាន់តំណែងដុះស្លែ..! (vojhotnews)
វីដែអូ
ចំនួនអ្នកទស្សនា