(កំពង់ធំ)÷ នៅរសៀលថ្ងៃទី២១ ខែវិច្ឆិកា ឆ្នាំ២០២៣ ព្រះតេជគុណ សួគ៌ ប៊ុនធង និងសហភាពសហព័ន្ធយុវជនកម្ពុជាស្រុកស្ទោង ព្រមទាំងសប្បុរសជនបានអញ្ជើញជួបសំណេះសំណាលសួរសុខទុក្ខ និងចែកសម្ភារៈសិក្សាមួយចំនួនជូនដល់សិក្សានុសិស្ស មកពីបឋមសិក្សា ផ្ទះវាល និងបឋមសិក្សាប៉ុលអួន ស្ថិតនៅក្នុងឃុំទ្រា ស្រុកស្ទោង ខេត្តកំពង់ធំ ព្រះតេជគុណ សួគ៌ ប៊ុនធង មានសង្ឃដីការទៅកាន់សិស្សានុសិស្ស មាតាបិតាអាណាព្យាបាល ព្រមទាំងលោកគ្រូ អ្នកគ្រូ លោកនាយក គណៈកម្មការសាលា នៅក្នុងឱកាសនេះ ព្រះអង្គបានណែនាំដល់ក្មួយៗ ទាំងអស់ត្រូវខិតខំសិក្សារៀនសូត្រដោយយកចិត្តទុកដាក់ស្ដាប់ការណែនាំរបស់លោកគ្រូអ្នកគ្រូ។ ជាពិសេសគឺការខិតខំសិក្សារៀនសូត្រទាំងនៅសាលារៀន និងនៅតាមគេហដ្ឋាន ដើម្បីទទួលបាននូវចំណេះដឹងពិតប្រាកដ ជាសសរទ្រូងរបស់គ្រួសារប្រទេសជាតិ និងដើម្បីអនាគតខ្លួនឯងបានភ្លឺស្វាងផងដែរ។ ជាមួយនេះផងដែរព្រះតេជគុណ ក៏បានថ្លែងអំណរគុណយ៉ាងជ្រាលជ្រៅដល់លោកគ្រូ អ្នកគ្រូ លោកនាយក ដែលបានខិតខំយកចិត្តទុកដាក់អស់ពីកម្លាំងកាយចិត្តន ក្នុងការបង្ហាត់បង្រៀន សិក្សានុសិស្សរហូតទទួលបានលទ្ធផលគួរឲ្យមានមោទនភាពគ្រប់ៗគ្នា ក៏ដូចជាការឆ្លើយតបទៅនឹងគោលនយោបាយរបស់ក្រសួងអប់រំយុវជន និងកីឡា ក៏ដូចជាយុទ្ធសាស្ត្ររបស់រាជរដ្ឋាភិបាលអាណត្តិទី៧ ក្រោមការដឹកនាំដ៏ឈ្លាសវៃរបស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា។ លើសពីនេះព្រះអង្គក៏បានថ្លែងអំណរគុណយ៉ាងជ្រាលជ្រៅដល់សប្បុរសជាងជិតឆ្ងាយ ដែលបានចូលរួមឧបត្ថម្ភសម្ភារៈ ថវិកា ដើម្បីទិញសម្ភារៈសម្រាប់ចែកជូនដល់ប្អូនៗសិស្សានុសិស្សនៅក្នុងពេលនេះ ការចូលរួមចែកអំណោយសម្ភារៈសិក្សានៅក្នុងឱកាសនេះគឺជាការវិនិយោគលើចំណេះដឹង មានធនធានមនុស្សប្រកបដោយគុណភាពនិងប្រសិទ្ធភាពខ្ពស់។ គួរបញ្ជាក់ផងដែរថា សិស្សានុសិស្សដែលអញ្ជើញមក០២សាលាសរុប៣៣៧នាក់ ស្រី១៦៥នាក់ ក្នុងនោះមកពីសាលាបឋមសិក្សាផ្ទះវាល៦២នាក់ ស្រី៣១នាក់ និងសាលាបឋមសិក្សាប៉ុលអួន២៧៥នាក់ ស្រី២៣៤នាក់ ក្នុងនោះសិស្ស០១នាក់ទទួលបាន÷ សៀវភៅចំនួន ០៤ក្បាល ប៊ិច០២ដើម បន្ទាត់០១ និងខ្មៅដៃ០១ដើមផងដែរ៕
ព័ត៌មានគួរចាប់អារម្មណ៍
សំណុំរឿងព្រហ្មទណ្ឌពាក់ព័ន្ធទំនាស់ដីធ្លីនៅដែលមានដើមចមពីទំនាស់ដីធ្លីមួយកន្លែង ស្ថិតនៅ ភូមិពោធិ៍លើ ឃុំត្រើយស្លា ស្រុកស្អាង ខេត្តកណ្តាល ! (vojhotnews)
កម្ពុជាគ្រោងនឹងរៀបចំព្រឹត្តិការណ៍ “នគរសង្ក្រាន្ត” នៅ រាជធានីភ្នំពេញ រយៈពេល ៦ថ្ងៃ ចាប់ពីថ្ងៃទី១៤ ដល់ ថ្ងៃទី១៩ ខែមេសា ឆ្នាំ២០២៦ ខាងមុខនេះ។ (vojhotnews)
កិច្ចប្រជុំបូកសរុបលទ្ធផលរបស់ក្រុមការងារគណបក្សចុះមូលដ្ឋានសង្កាត់ស្រយ៉ូវ និងពិធីទទួលសមាជិកថ្មីចំនួន 400 នាក់ ()
លោក សំ សុវណ្ណារិទ្ធ អង្គុយចាំរាប់ក្បាលឡានតាមការ កំណត់យកលុយមិនញញើតអង្គភាពប្រឆាំងអំពើពលរលួយ កំពុងក្ដោបសេដ្ឋកិច្ចក្រៅប្រព័ន្ធច្បាប់ពង្រាយជនស៊ីវិលគ្រប់ច្រកល្ហក តាមច្រកទ្វារព្រំដែននានា ក្នុងភូមិសាស្ត្រខេត្តស្វាយរៀង (vojhotnews)
ការគ្រប់គ្រង និងកាត់បន្ថយគ្រោះមហន្តរាយក្នុងពិស័យព័ត៌មាន ជាកត្តាសំខាន់សម្រាប់អ្នកសារព័ត៌មាន ()
វីដែអូ
ចំនួនអ្នកទស្សនា