(កំពង់ធំ)÷ នៅព្រឹកថ្ងៃទី២០ ខែវិច្ឆិកា ឆ្នាំ២០២៣ ឯកឧត្តម ចាន់ តារា អភិបាលរងខេត្ត តំណាងឯកឧត្តម ងួន រតនៈ អភិបាលខេត្តកំពង់ធំ និងលោកលោកស្រីជាប្រធានមន្ទីរអង្គភាពជុំវិញខេត្ត បានអញ្ជើញជាអធិបតីក្នុងពិធីសិក្ខាសាលាសមាហរណកម្ម កម្មវិធីវិនិយោគបីឆ្នាំរំកិល ២០២៤- ២០២៦ របស់រដ្ឋបាលស្រុកស្ទោង នៅសាលាស្រុកស្ទោង ខេត្តកំពង់ធំ។ ថ្លែងនៅក្នុងឱកាសនេះឯកឧត្តម ចាន់ តារា បានអំពាវនាវដល់អង្គការដៃគូអភិវឌ្ឍនានា សូមបន្តជួយគាំទ្រនិងសហការជាមួយរដ្ឋបាលស្រុក រដ្ឋបាលឃុំនានាក្នុងស្រុកស្ទោង ក្នុងការអភិវឌ្ឍមូលដ្ឋាន ជាមួយនឹងរាជរដ្ឋបាលកម្ពុជាឱ្យកាន់តែប្រសើរឡើងថែមទៀត។ ជាមួយគ្នានេះឯកឧត្តមន ចាន់ តារា បានបញ្ជាក់ទៀតថា វិស័យឯកជន សប្បុរសជននិងវិស័យពុទ្ធចក្រ ក៏ជាដៃគូអភិវឌ្ឍដ៏សំខាន់និងមិនអាចកាត់ផ្ដាច់បានជាមួយនឹងរដ្ឋបាលឃុំ ក៏ដូចជារដ្ឋបាលស្រុក ក្នុងកិច្ចសហការ និអភិវឌ្ឍនូវហេដ្ឋារចនាសម្ព័ន្ធនានាយ៉ាងច្រើនស្អេកស្កះ ដែលយើងបានឃើញជាក់ស្ដែង សូមបន្តជួយអភិវឌ្ឍ សហការបន្តកិច្ចការនេះឱ្យបានជានិរន្តរ៍។ ឯកឧត្តមអភិបាលរងខេត្ត បានបន្តថាការធ្វើផែនការ យុទ្ធសាស្ត្រនិងផែនការអាទិភាព គឺត្រូវឱ្យសមស្របទៅនឹងថវិកាយុទ្ធសាស្ត្ររបស់ក្រសួងសេដ្ឋកិច្ច និងហិរញ្ញវត្ថុ ជាតម្រូវការជាក់ស្ដែង ជាអាទិភាពរបស់បងប្អូនប្រជាពលរដ្ឋនៅក្នុងមូលដ្ឋាន ជាពិសេសគ្រួសារក្រីក្រ និងងាយរងហានិភ័យ ការធ្វើគម្រោងអាទិភាពផែនការលំអិតត្រូវតែឱ្យបានចប់រួចរាល់នៅសប្តាហ៍ទី១ ខែឧសភា រៀងរាល់ឆ្នាំ។ លើសពីនេះឯកឧត្តម ចាន់ តារា បានសង្កត់ធ្ងន់ថាការធ្វើផែនការវិនិយោគ គឺត្រូវតែឱ្យសមស្រប និង បន្ស៊ីគ្នារវាងគម្រោងកម្មវិធីវិនិយោគស្រុកជាមួយនឹង គម្រោងកម្មវិធីវិនិយោគឃុំ និងពង្រឹងកិច្ចសហការរវាងរដ្ឋបាលស្រុកជាមួយរដ្ឋបាលឃុំ រាល់ភាគីពាក់ព័ន្ធនានា ក៏ដូចជាការកៀរគរ មូលធនធាតុចូល សម្រាប់គាំទ្រគម្រោងវិនិយោគនានាដែលលើកឡើងដោយរដ្ឋបាលស្រុកនិងឃុំ។ ជាពិសេសគឺជាការបញ្ចូលគ្នានូវគម្រោងនានាដែលលើកឡើងដោយរដ្ឋបាលឃុំ អង្គការសង្គមស៊ីវិល ដៃគូអភិវឌ្ឍនានា និងភាគទីពាក់ព័ន្ធ ទៅនឹងកម្មវិធីវិនិយោគរបស់រដ្ឋបាលស្រុក ក៏ដូចជាការឆ្លើយតបជាមួយនឹងយុទ្ធសាស្ត្ររបស់រាជរដ្ឋាភិបាលអាណត្តិទី៧ ក្រោមការដឹកនាំដ៏ប៉ិនប្រសប់របស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា។ ជាមួយគ្នានេះ រដ្ឋបាលស្រុកស្ទោង និងឃុំទាំងអស់ ក៏បានបង្ហាញនូវតម្រូវការ ផែនការកម្មវិធីវិនិយោគស្រុក និងវិនិយោគឃុំជូនដល់គណៈធិបតីនិងដៃគូអភិវឌ្ឍនានាដើម្បីបានជ្រាប និងសហការផងដែរ។ ជាចុងបញ្ចប់ឯកឧត្តម ចាន់ តារា បានអំពាវនាវដល់មន្ទីរអង្គភាពនានាជុំវិញខេត្តសូមបន្តជួយ សហការ និងគាំទ្រដល់គ្រប់សកម្មភាពរបស់រដ្ឋបាលស្រុក/ឃុំ ដើម្បីមានការអភិវឌ្ឍជាមួយគ្នា៕
ព័ត៌មានគួរចាប់អារម្មណ៍
កាសែតប្រឆាំងដែលអះអាងថាមាន មន្ត្រីគយនិយាយថាលោកគុណ ញឹម យកលុយមកសូកប្រពន្ធហ៊ុន ម៉ាណែតដើម្បីបានពន្យាអាយុចូលនិវត្តន៍ ដល់ឆ្នាំ២០២៨! (vojhotnews)
សមាគមឧកញ៉ាកម្ពុជា ចេញសេចក្តីប្រកាសព័ត៌មាន ស្តីពី ការបញ្ចប់គោរមងារ «ឧកញ៉ា» ពីគោរមវន្តណាម្នាក់ ដែលស្ថិតក្នុងករណីចំនួន៥! (vojhotnews)
កិច្ចប្រជុំពិភាក្សា ស្តីពីការគ្រប់គ្រងល្បែងផ្សងសំណាង និងការគ្រប់គ្រងផលប៉ះពាល់ពីល្បែងស៊ីសងខុសច្បាប់គ្រប់ប្រភេទ ជូនដល់អាជ្ញាធរសាធារណៈពាក់ព័ន្ធ និងប្រតិបត្តិករល្បែងផ្សងសំណាង នៅខេត្តតាកែវ (vojhotnews)
ភ្នាក់ងាររកទីផ្សារឱ្យក្រុមហ៊ុន ឡេង ណាវ៉ាត្រា ទាមទារកម្រៃជើងសាឬប្រាក់កុំមីស្យុងទន្ថើនៗ! អានព័ត៌មាន៖ ផ្សាយថ្ងៃទី០៤ ខែ០៣ ឆ្នាំ២០២៤ (vojhotnews)
ល្បែងពាណិជ្ជកម្មរាល់ថ្ងៃមានទំព័រហ្វេសប៊ុក១៥-២០ ផ្សព្វផ្សាយល្បែងខុសច្បាប់, អ្នកផ្សព្វផ្សាយនឹងត្រូវហៅទៅពន្យល់ អប់រំ និងណែនាំខាងមុច! (vojhotnews)
វីដែអូ
ចំនួនអ្នកទស្សនា