(កំពង់ធំ)÷ លោក សាយ គឹមឡម អភិបាលស្រុកស្ទោងបានថ្លែង ដូច្នេះនៅក្នុងឱកាសដែលលោកអញ្ជើញជាអធិបតីនៅក្នុងពិធីកាត់ស្រោមវិញ្ញាសារប្រឡងក្របខ័ណ្ឌគ្រូកិច្ចសន្យាបង្រៀននៅសាលាបឋមសិក្សារបស់រដ្ឋបាលស្រុកស្ទោង នាព្រឹកថ្ងៃទី១៧ ខែវិច្ឆិកា ឆ្នាំ២០២៣ នៅមណ្ឌលវិទ្យាល័យរស្មីសោភ័ណ ស្ថិតនៅក្នុងឃុំទ្រា ស្រុកស្ទោង ខេត្តកំពង់ធំ។ លោក សាយ គឹមឡម បានបញ្ជាក់បន្ថែមថា ការរួមចំណែករបស់យើងទាំងអស់គ្នាក្នុងការលើកកម្ពស់វិស័យអប់រំ គឺដើម្បីឆ្លើយតបទៅនឹងគោលនយោបាយរបស់ក្រសួងអប់រំយុវជន និងកីឡា ក៏ដូចជាគោលនយោបាយរបស់រាជរដ្ឋាភិបាលអាណត្តិទី៧ ក្រោមការដឹកនាំដ៏ប៉ិនប្រសប់របស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ឲ្យប្រទេសជាតិយើងកាន់តែមានការអភិវឌ្ឍឈានឡើងជាលំដាប់។ ជាមួយនេះផងដែរលោកអភិបាលស្រុកស្ទោង បានបញ្ជាក់ថា ការប្រឡងជ្រើសរើសគ្រូកិច្ចសន្យានៅពេលនេះគឺត្រូវឈរលើគោលការណ៍អ្នកចេះគឺជាប់ តម្លាភាព ស្មើភាព យុត្តិធម៌ លទ្ធផលគុណភាពប្រសិទ្ធភាព និងឈរលើគោលការណ៍ច្បាប់ជាចម្បង ក្នុងការចូលរួមវិស័យអប់រំឲ្យមានប្រសិទ្ធភាពខ្ពស់នៅក្នុងមូលដ្ឋាន ដើម្បីកុំឲ្យកុមារទូទៅគ្មានចំណេះដឹងនោះឡើយ។ លើសពីនេះលោកក៏ បានផ្ញើដល់បេក្ខជនទាំងអស់នៅពេលដែលបានទទួលលទ្ធផលជាប់ជាស្ថាពរ ត្រូវទៅបំពេញកិច្ចការបង្រៀននៅតាមសាលានីមួយៗដោយឈរលើគោលការណ៍ក្រមសីលធម្មវិជ្ជាជីវៈជាចម្បង មានទំនាក់ទំនងល្អជាមួយសិស្សានុសិស្សមាន សាមគ្គីភាពផ្ទៃក្នុងរវាងលោកគ្រូអ្នកគ្រូ គណៈគ្រប់គ្រងនិងលោកនាយក លោកស្រីនាយិកា ក៏ដូចជាមានការទំនាក់ទំនងទូទៅជាមួយសហគមន៍និងដៃគូអភិវឌ្ឍត្រូវអភិវឌ្ឍនានា ជាពិសេសគោលនយោបាយរបស់ក្រសួងអប់រំយុវជន និងកីឡា។លើសពីនេះទៀតលោក សាយ គឹមឡម ក៏បានណែនាំដល់លោកគ្រូ អ្នកគ្រូទាំងអស់ ត្រូវបំពេញតួនាទី ភារកិច្ច របស់ខ្លួនជាអ្នកបង្ហាត់បង្រៀន ប្រកបដោយស្មារតីទទួលខុសត្រូវ គោរពនូវពេលវេលា និងធ្វើខ្លួនជាគំរូល្អរបស់សិស្សានុសិស្សនិងសហគមន៍ទាំងមូល។ គួរបញ្ជាក់ផងដែរថា នៅក្នុងឆ្នាំសិក្សាថ្មី២០២៣ ២០២៤ រដ្ឋបាលស្រុកស្ទោងបានជ្រើសរើសគ្រូកិច្ចសន្យាសម្រាប់បង្រៀននៅសាលាបឋមសិក្សាចំនួន២៣៧នាក់ ហើយបេក្ខជនដែលបានមកដាក់ពាក្យសុំសិទ្ធិប្រឡងមានចំនួន៥៦៧នាក់ ស្រី៤១០នាក់ និងបានចែកចេញជា ២៣បន្ទប់ ក្នុងនោះក៏មានបេក្ខជនចូលនិវត្តន៍ចំនួន០៦នាក់ ស្រ្តី៤នាក់ និងបេក្ខជនអវត្តមានចំនួន១៣នាក់ស្រី៧នាក់ផងដែរ៕
ព័ត៌មានគួរចាប់អារម្មណ៍
លោកសុខ សុវិទ្យា អគ្គនាយករងតំណាងដ៏ខ្ពង់ខ្ពស់ឯកឧត្តមបណ្ឌិត គុណ ញឹម រដ្ឋមន្ត្រីប្រតិភូអមនាយករដ្ឋមន្ត្រី អគ្គនាយកនៃអគ្គនាយកដ្ឋានគយនិងរដ្ឋាករកម្ពុជា បានបើកវគ្គបណ្តុះបណ្តាលអនុលោមតាមផែនការសកម្មភាព ឆ្នាំ២០២៥ ! (vojhotnews)
លោក ម៉ឹង ដាវីន មេការិយាល័យគយច្រកទ្វារព្រំដែនអន្តរជាតិត្រពាំងផ្លុង ពង្រាយមន្ត្រីគយ និងប្រើជនសុីវិល អង្គុយចាំរាប់ក្បាលឡាន ឈ្មួញតូច ធំ ដឹកជញ្ជួនតំឡូងមី ទៅប្រទេសវៀតណាម និងទំនិញខុសច្បាប់ចេញពីប្រទេសវៀតណាមចូលមកប្រទេសខ្មែរអោយបង់លុយតាមការកំណត់! (vojhotnews)
ភាពមិនប្រក្រតីប្រព្រឹត្តរបៀបអំពីពុករលួយរបស់លោក សុង មាល័យ ប្រធានការិយាល័យ គយនិងរដ្ឋាករ ច្រកទ្វារព្រំដែនអន្តរជាតិក្អមសំណនិងក្រុមមន្ត្រីប្រចាំច្រកទ្វារព្រំដែនអន្តរជាតិក្អមសំណរតម្រូវអោយអាជីវករបង់លុយចាប់ពី២០មុឺនរៀលទៅ៣៥ម៉ឺនរៀលក្នុង១ឡាន? (voj)
ដុះស្លែប្រព្រឹត្តរបៀបពុករលួយអង្គភាពប្រឆាំងអំពើពុករលួយ មិនគួរមើលរំលងភាពមិនប្រក្រតីប្រព្រឹត្តរបៀបអំពើពុករលួយរបស់លោក ព្រាប គារ៉ាត់”ហៅសិទ្ធ” មេគយចល័តលើផ្ទៃប្រទេសតំបន់ ៦ កាន់តំណែងដុះស្លែ..! (vojhotnews)
វីដែអូ
ចំនួនអ្នកទស្សនា