ថ្ងៃអង្គារ៍ ទី២៥ ខែមិថុនា ឆ្នាំ២០៥០
គេហទំព័រ សម្រែកយុត្តិធម៌
យុទ្ធនាការជិះកង់ ដើម្បីលើកកម្ពស់ការអប់រំ និងផ្ដល់សម្ភារៈសិក្សា ដល់សិស្សានុសិស្សនៅតាមសាលារៀន ក្នុងការបង្កើនគុណភាពអប់រំ
Fri,17 November 2023 (Time 12:53 PM)
ដោយ ៖ vojhotnews (ចំនួនអ្នកអាន: 83នាក់)

(កំពង់ធំ)÷នៅរសៀលថ្ងៃទី១៥ ខែវិច្ឆិកា ឆ្នាំ២០២៣ លោក ជិន ប្រសិទ្ធិ តំណាង អង្គការ អេដ អេ អាកស្យុង និងដៃគូនៅក្នុងសម្ព័ន្ធកុមារក្រៅសាលា លោក សួរ ម៉ាឡៃ នាយកប្រតិបត្តិ សមាគមអភិវឌ្ឍន៍បច្ចេកទេសយុវវ័យខ្មែរ តំណាងអោយក្រុមជិះកង់ បានធ្វើយុទ្ធនាការជិះកង់ដើម្បីលើកកម្ពស់ការអប់រំ និងការចុះឈ្មោះចូលរៀន ក្នុងរយៈចម្ងាយ ៤២៥គីឡូម៉ែត្រ។ កម្មវិធីនេះចាប់ផ្តើមពីថ្ងៃទី១៣ ដល់ថ្ងៃទី២០ ខែវិច្ឆិកា ឆ្នាំ២០២៣ ដោយធ្វើដំណើរទៅខេត្តគោលដៅចំនួន៤ ដោយឆ្លងកាត់បឹងទន្លេសាប ចំពោះគោលដៅ គឺចាប់ផ្តើមពីរាជធានីភ្នំពេញ ឆ្ពោះទៅកាន់ ខេត្តកំពង់ឆ្នាំង កំពង់ធំ សៀមរាប និងខេត្តបន្ទាយមានជ័យ ។
      លោក គៀង សេងគី មេឃុំត្បូងក្រពើ បានលើកឡើងថាកម្មវិធីជិះកង់ គឺជាយុទ្ធនាការផ្សព្វផ្សាយជាសាធារណៈ ដើម្បីបង្កើនការយល់ដឹងអំពីការការពារកុមារ និងការអប់រំរបស់អង្គការដៃគូពាក់ព័ន្ធ ក្នុងគោលបំណងអំពាវនាវ ដល់សិស្សានុសិស្សនៅទូទាំងតំបន់គោលដៅ ត្រៀមខ្លួនសម្រាប់ឆ្នាំសិក្សាថ្មី នាខែធ្នូ ឆ្នាំ២០២៣ខាងមុខនេះ។  
     លោក សួរ ម៉ាឡៃ នាយកប្រតិបត្តិ សមាគមអភិវឌ្ឍន៍បច្ចេកទេសយុវវ័យខ្មែរ តំណាងអោយក្រុមជិះកង់ បានលើកឡើងពីក្រុមការងាររបស់កម្មវិធីជិះកង់ បានចាប់ផ្តើមបេសកម្មរបស់ខ្លួន ដោយចាកចេញពីសាលាទន្សាយ ដែលមានទីតាំងនៅសាលាបឋមសិក្សាទួលគោក  មកដល់ចំណតទីមួយ ស្ថិតនៅក្នុងឃុំតាជេស ស្រុកកំពង់ត្រឡាច ខេត្តកំពង់ឆ្នាំង នារសៀលថ្ងៃទី១៣ ខែវិច្ឆិកា ឆ្នាំ២០២៣ ។ នៅទីនោះក្រុមការងារបានជួបជាមួយមន្ត្រីអាជ្ញាធរ លោកគ្រូ អ្នកគ្រូ មាតាបិតាសិស្ស និងសិស្សានុសិស្ស បង្ហាញពីសកម្មភាព និងគោលដៅរបស់ខ្លួន និងបានចែកសៀវភៅដល់សិស្សានុសិស្សផងដែរ ។
     លោក សួរ ម៉ាឡៃ បានបន្តទៀតថា ក្រុមជិៈកង់បានបន្តដំណើរដោយចាកចេញពីស្រុកកំពង់ត្រឡាច នាព្រឹកថ្ងៃទី១៤ ខែវិច្ឆិកា ឆ្នាំ២០២៣ និងបានមកដល់ទីរួម ខេត្តកំពង់ឆ្នាំងនៅពេលរសៀលក្នុងថ្ងៃដដែល។ ក្រុមជិះកង់ នឹងបន្តទៅកាន់ក្រុងស្ទឹងសែន នៃខេត្តកំពង់ធំ នៅព្រឹកថ្ងៃទី១៥ ខែវិច្ឆិកា ឆ្នាំ២០២៣ជាបន្តទៀត ។
      ជាចុងក្រោយ លោក សួរ ម៉ាឡៃ នាយកប្រតិបត្តិ សមាគមអភិវឌ្ឍន៍បច្ចេកទេសយុវវ័យខ្មែរ បានជំរុញលើកទឹកចិត្តដល់ក្រុមជិះកង់នេះ ជាដំណើរយុទ្ធនាការនេះ អង្គការ អេដ អេ អាកស្យុង នឹងបរិច្ចាគសៀវភៅជាងមួយពាន់ក្បាលដល់សាលាគោលដៅទាំងអស់ នៅខេត្តកំពង់ឆ្នាំង កំពង់ធំ សៀមរាប និងផ្ទះសំណាញ់មួយខ្នងដល់សាលាបឋមសិក្សាសំព័រ ដែលស្ថិតនៅស្រុកស្ទោង ខេត្តកំពង់ធំផងដែរ។ 
      គួរបញ្ជាក់ផងដែរថា សិស្សចំនួន២១៤នាក់ បានអញ្ជើញមកពី០៥សាលាមាន÷ អនុវិទ្យាល័យបញ្ញាជី បឋមសិក្សាបញ្ញាជី បឋមសិក្សាអំពុះ បឋមសិក្សាចុងដា និងបឋមសិក្សាកាលមេឃ ក្នុងនោះសិស្ស១នាក់ ទទួលបានសៀវភៅ០២ក្បាលផងដែរ៕

ព័ត៌មានគួរចាប់អារម្មណ៍

អំពើពុករលួយរបស់លោក នូ ស៊ីថា ឡើងកាន់តំណែងជាមេគយចល័តទូទាំងប្រទេសភ្លាមផ្អើលអ្នករកស៊ីតូច ធំ ករណីប្រើជនស៊ីវិលជាច្រើននាក់អោយដើរបង្ក្រាបបទល្មើសគយយកលុយគ្រប់ច្រកល្ហកជាពិសេសផ្លូវជាតិនិងតាមច្រកព្រំដែន.! (vojhotnews)

ព័ត៌មានគួរចាប់អារម្មណ៍

រះភិក្ខុជោតញ្ញាណោ អ៉ឹង ប៊ុនហ៊ូវ ថ្វាយព្រះពរ សម្តេចព្រះមហាក្សត្រី ព្រះវររាជមាតាជាតិខ្មែរ ក្នុងឱកាសព្រះរាជពិធីបុណ្យចម្រើនព្រះជន្ម គម្រប់ ៨៨ព្រះវស្សា យាងចូល ៨៩ព្រះវស្សា (vojhotnews)

ព័ត៌មានគួរចាប់អារម្មណ៍

សមត្ថកិច្ចក្រុងភ្នំពេញមិនបង្ក្រាបបនល្បែងទឹកភ្លៀងល្មើសច្បាប់ កណ្តាលទីក្រុង នាំអោយបទបញ្ជាសម្តេចបវរធិបតីហ៊ុន ម៉ាណែត នាយករដ្ឋមន្ត្រីថ្មី សាបដូចទឹកមាត់ខ្យង? (vojhotnews)

ព័ត៌មានគួរចាប់អារម្មណ៍

លោក ស សុខា បង្កើត​គណៈកម្មការ​ស៊ើបអង្កេត​ករណី​ដោះលែង​ជនជាតិ​ចិន​៨​នាក់​លួច​ឆ្លងដែន​ចូល​ខេត្ត​ស្ទឹងត្រែង! (vojhotnews)

ព័ត៌មានគួរចាប់អារម្មណ៍

រះករុណាជាអម្ចាស់ ជីវិតលើត្បូង ព្រះបាទសម្តេច ព្រះបរមនាថ ព្រះមហាក្សត្រនៃព្រះរាជាណាចក្រកម្ពុជា ជាទីសក្ការៈដ៏ខ្ពង់ខ្ពស់បំផុត ព្រះអង្គសព្វព្រះរាជហឬទ័យសេ្តចយាងសំណេះសំណាលសាកសួរសុខទុក្ខ និងចែកជូនព្រះរាជអំណោយដល់CMAC! (vojhotnews)

វីដែអូ

ចំនួនអ្នកទស្សនា

ថ្ងៃនេះ :
114 នាក់
ម្សិលមិញ :
65 នាក់
សប្តាហ៍នេះ :
2276 នាក់
ខែនេះ :
6485 នាក់
3 ខែនេះ :
21625 នាក់
សរុប :
565395 នាក់