ខេត្តកំពង់ធំ : សកម្មភាពដឹកជញ្ជូនអុសម៉ែត្រគីប ងាប់ រួមនឹងអុសស្រស់របស់ឈ្មួញដុះស្លែរត្រូវបានមហាជនស្គាល់ឈ្មោះថា: ឈ្មោះយាយរី ហៅ(យាយម៉ាប់)រួមហ្នឹងឈ្មួញមួយរូបទៀតដែលមានឈ្មោះថា (រ៉េត)បានធ្វើសកម្មភាពយ៉ាងរលូនហាក់បីដូចជាមានការបើកភ្លើងខៀវពីក្រោយខ្នងអញ្ចឹងដែរ។បើតាមការឲ្យដឹងពីពលរដ្ឋដែលរស់នៅក្បែរនោះក៏បានឲ្យដឹងផងដែរថា: សកម្មភាពដឹកអុសម៉ែត្រគីបទាំងនេះបានប្រព្រឹត្តទៅលើតែជារៀងរាល់ថ្ងៃ ហើយមានទាំងអស់ស្រស់ជាច្រើនម៉ែត្រគីបលាយឡំជាមួយអុសងាប់ផងដែរ។មិនតែប៉ុណ្ណោះទៀតសោតសព្វថ្ងៃគេសង្កេតឃើញមានគោយន្តកន្ត្រៃជាច្រើនគ្រឿងថែមទាំងមានប៉ុកសឺ(រថយន្តកែច្នៃ)ចំនួនពីរគ្រឿងដែលជារបស់ផ្ទាល់របស់ថៅកែដុះស្លែរឈ្មោះ យាយរី ហៅ(យាយម៉ាប់)ផងដែរ ដែលបានដឹកស្ទើរធ្វើអោយខូចខាតផ្លូវទាំងស្រុងផងដែរចេញពីព្រៃមកដាក់ក្នុងភូមិ សម្រាប់អោយឡានយីឌិនថឹកបន្តចែកចាយតាមបណ្តាខេត្ត រាជធានីផងដែរ។ បើតាមការអោយដឹងពីថៅកុងឡានផ្ទាល់បានបង្ហើបឲ្យដឹងថា: រូបគាត់ត្រូវបានឈ្មួញឈ្មោះយាយ រី ហៅ(យាយម៉ាប់)ហៅគាត់ឲ្យមកដឹកហើយគាត់ស៊ីឈ្នួលដឹកអោយតែប៉ុណ្ណោះទេ។ ទទ្ទឹមនិងនោះផងដែរ ចាប់តាំងពីដើមឆ្នាំ២០២០ បណ្តាញសហគមន៍ព្រៃឡង់ ត្រូវបានរារាំងដោយក្រសួងបរិស្ថាន និងអាជ្ញាធរមូលដ្ឋាន ក្រោមហេតុផលសហគមន៍មិនបានចុះបញ្ជីនៅក្រសួងមហាផ្ទៃ ខណៈសកម្មភាពល្មើសច្បាប់នៅក្នុងតំបន់ព្រៃឡង់មានការកើនឡើងយ៉ាងខ្លាំងក្លា ដែលទាមទារឱ្យមានវិធានការរួមទាំងរាជរដ្ឋាភិបាល ក្រសួងពាក់ព័ន្ធ អង្គការដៃគូ និងសហគមន៍មូលដ្ឋានដើម្បីទប់ស្កាត់សកម្មភាពទាំងនោះ។ នេះបើតាមរយៈសេចក្តីថ្លែងការណ៍របស់ សមាជិកបណ្តាញសហគមន៍ព្រៃឡង់ទាំង ៤ខេត្ត នៅក្នុងឱកាស ទិវាព្រៃឈើអន្តរជាតិ ២១ មីនា ឆ្នាំ២០២១ផងដែរ។ មហាជនមួយចំនួនដាក់ការសង្ស័យថា: ការដឹកជញ្ជូនអុសម៉ែត្រគីបទាំងអស់នេះអាចធ្វើទៅដោយរលូនបានប្រហែលដោយមាន ខ្សែ ឬ ខ្នងក្រាស់ក្រាល់ និង ត្រូវដង ត្រូវផ្លែ អស់ហើយទើបបើកភ្លើងខៀវ និង មានការឃុបឃិតជាប្រព័ន្ធពីសំណាក់អាជ្ញាធរមន្ត្រី មានសមត្ថកិច្ច ឬ ដោយមើលមិនឃើញដោយសារដុល្លារបាំងភ្នែកទើបមិនហ៊ានធ្វើបង្រ្កាបចំពោះឈ្មួញដុះស្លែរទាំងពីររូបខាងលើ។ មហាជនទទូច នឹង រង់ចាំមើលថា: ឯកឧត្តម ងួន រតនៈ អភិបាលនៃគណៈអភិបាលខេត្តកំពង់ធំដែលទើបតែមកកាន់តំណែងដ្មីថ្មោង និងមានវិធានការ ចំណាត់ការ កណ្ដាប់ដៃដែកយ៉ាងដូចម្ដេចចំពោះឈ្មួញដុះស្លែទាំងពីររូបខាងលើនេះ? ពិសេសជាងនេះទៅទៀត: ឯកឧត្តម ម៉ែន លី ស្នងការនគរបាលខេត្តកំពង់ធំ រួមនិងមន្ត្រីមានសម្ថតកិច្ចខាងក្រោមឪវាទ រួមនឹង សង្កាត់/ផ្នែករដ្ឋបាលព្រៃឈើមានប្រសិទ្ធភាព និងយន្តការ ទប់ស្កាត់ និងបង្ក្រាបបទល្មើស របស់ឈ្មួញខាងលើនេះបានដោយរបៀបណាផងដែរ?។ ក្រៅពីនេះ ក៏មានចំណុចមួយចំនួនទៀត ដូចជាស្នើសុំឲ្យបញ្ឈប់ការអនុញ្ញាតឱ្យមានការដឹកជញ្ជូនឈើ ម៉ាស៊ីនរណាយន្ត និងសំភារៈផ្សេងទៀតសម្រាប់បម្រើឱ្យការកាប់បំផ្លាញព្រៃឈើកាត់មុខប៉ុស្តិ៍យាមរបស់មន្រ្តីឧទ្យានុរក្សនីមួយៗ។ បណ្តាញសហគមន៍ព្រៃឡង់ បានស្នើសុំឱ្យក្រសួងបរិស្ថាន រៀបចំផែនការយុទ្ឋសាស្រ្តជាក់លាក់ក្នុងការប្រយុទ្ឋប្រឆាំងការកាប់បំផ្លាញព្រៃឈើ និងការកាប់រានដីព្រៃសម្រាប់កសិកម្មថ្មីៗ កាំភ្លើងកែឆ្នៃ ការបរបាញ់ នឹងសំភារៈសម្រាប់បម្រើឱ្យការប្រព្រឹត្តិបទល្មើសផ្សេងៗទៀត និងចំណុចសំខាន់មួយចំនួនទៀត។ សូមជម្រាបជូនថាតំបន់ព្រៃឡង់ ដែលស្ថិតក្នុងភូមិសាស្រ្តខេត្តចំនួន៤គឺ កំពង់ធំ ស្ទឹងត្រែង ព្រះវិហារ និងក្រចេះ មានផ្ទៃដីសរុប ៤សែនហិកតា ត្រូវបានរដ្ឋាភិបាលកម្ពុជាចេញអនុក្រឹត្យបង្កើតជាដែនជម្រកសត្វ ព្រៃ “ព្រៃឡង់” កាលពីខែឧសភា ឆ្នាំ២០១៦៕ សុំបញ្ជាក់ផងដែរថា: ចំពោះសកម្មភាពដឹកជញ្ជូនអុសម៉ែត្រគីបខាងលើនេះបានប្រព្រឹត្តនឹងធ្វើសកម្មភាពទៅស្ថិតនៅក្នុងចំណុចភូមិសាស្ត្រ ឃុំសុចិត្រ ស្រុកសណ្ដាន់ខេត្តកំពង់ធំ៕ ដោយសហការីVOJ
ព័ត៌មានគួរចាប់អារម្មណ៍
ឯកឧត្តម រស់ ភីរុណ អគ្គលេខាធិការ គ.ល.កប្រគល់វិញ្ញាបនបត្របញ្ជាក់សមត្ថភាពជូនសិក្ខាកាមក្នុងវគ្គបណ្តុះបណ្តាលមូលដ្ឋានគ្រឹះបុគ្គលិកពិសេសកាស៊ីណូ (vojhotnews)
លោក ឱម យិនទៀង ប្រធានអង្គភាពប្រឆាំង គួរដាក់មន្ត្រីជំនាញអង្គភាពប្រឆាំងអំពើពុករលួយចុះសិក្សាស្រាវជ្រាវអោយសុីជម្រៅភាពមិនប្រក្រតីប្រព្រឹត្តរបៀបអំពើពុករលួយរបស់លោក នូ សុីថា ប្រធាននាយកដ្ឋានបង្ការនិងបង្ក្រាបបទល្មើសនៃអគ្គនាយកដ្ឋានគយនិងរដ្ឋាករកម្ពុជា ()
ប្រធានស្ថានីយ៍ជញ្ជីងថ្លឹងរថយន្តផ្លូវជាតិលេខ7 ផ្លូវអាស៊ានលេខ 11 នៅចំណុចគីឡូលេខ៣៥០ឃុំចង្ក្រង់ ស្រុកចិត្របុរី ខខេត្តក្រចេះគៀបយកលុយពីក្រុមឈ្មួញរថយន្តធំៗទាំងយប់ទាំងថ្ងៃតាមអំពើចិត្តមិនញញើសអ្វីទាំងអស់អាងខ្នងប្រធានមន្ទីរសាធារណការខេត្តក្រចេះ (vojhotnews)
ថៃ មានគម្រោងផែនការប្រើវិធីទំលាក់គ្រាប់ដើម្បីធ្វើឃាដអ្នកដឹកនាំជាន់ខ្ពស់សម្តេច ហ៊ុន សែន និងសម្តេចធិបតីនាយករដ្ឋមន្រ្តី ! (vojhotnews)
ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្រ្តីក្រសួងសេដ្ឋកិច្ចនិងហិរញ្ញវត្ថុ និងជាប្រធានគណៈកម្មការគ្រប់គ្រងល្បែងពាណិជ្ជកម្មកម្ពុជា (គ.ល.ក.) លើកទី១២ អាណត្តិទី១ (vojhotnews)
វីដែអូ
ចំនួនអ្នកទស្សនា