ថ្ងៃច័ន្ទ ទី០៥ ខែធ្នូ ឆ្នាំ២០២២
គេហទំព័រ សម្រែកយុត្តិធម៌
មេឈ្មួញមានខ្នងក្រាសដឹកជញ្ជូនឈើឈ្មោះ ព្រុំ ធីត្រូវបាន សមត្ថកិច្ចប្រើកណ្តាប់ដៃដែកបង្ក្រាបបានហើយ !
Thu,02 June 2022 (Time 12:33 PM)
ដោយ ៖ vojhotnews (ចំនួនអ្នកអាន: 251នាក់)

ខេត្តព្រះវិហារ ៖ ព្រះរាជអាជ្ញារងខេត្ត និងជាមន្ត្រីនាំពាក្យអយ្យការអមសាលាដំបូង ខេត្តព្រះវិហារ លោក វុធ សាវី កាលពីថ្ងៃទី៣១ខែឧសភា ឆ្នាំ២០២២ បានសរសេរក្នុងប្រព័ន្ធតេឡេក្រាម ដោយបញ្ជាឲ្យមន្ទីរបរិស្ថានខេត្ត ,នាយខណ្ឌរដ្ឋបាលព្រៃឈើ នៃមន្ទីរកសិកម្មខេត្ត និងសមត្ថកិច្ចជំនាញពាក់ព័ន្ធ រួមសហការគ្នាជាមួយ អ្នកសារព័ត៌មានក្នុងខេត្តព្រះវិហារ តាមឃ្លាំមើល និងបង្ក្រាបទៅលើសកម្មភាពដឹកជញ្ជូនឈើល្មើសច្បាប់ របស់ឈ្មួញមួយក្រុម ចេញពីខេត្តព្រះវិហារ ចូលទៅខេត្តកំពង់ធំ និងខេត្តនានាទៀត មិនចំពោះពេលយប់ ឬពេលថ្ងៃនោះទេ ត្រូវតែបង្ក្រាបឲ្យខាងតែបាន។ លោក វុធ សាវី ! បានបញ្ជាក់ ពីឈ្មោះក្រុមឈ្មួញដែលត្រូវបង្ក្រាប គឺ មានរថយន្តដឹកឈើរបស់ ឈ្មួញ តុលា , ឈ្មួញ បូណា ,រថយន្តដឹកឈើប្រភេទ NISSAN ពណ៌ក្រហម ២គ្រឿង និងរថយន្ត TACOMA ពណ៌ទឹកប្រាក់ ដែលលោកកំពុងស៊ើបរកឈ្មោះឈ្មួញ ហើយលោកក៏បានចាត់ទុកក្រុមឈ្មួញដឹកជញ្ជូនឈើទាំងនោះ គឺជាឧក្រិដ្ឋជនបំផ្លាញព្រៃឈើ នៅក្នុងខេត្តព្រះវិហារ ដែលដាច់ខាតត្រូវតែបង្ក្រាបឲ្យខាងតែបាន ដើម្បីរក្សាធនធានព្រៃឈើ ដែលនៅសេសសល់ចុងក្រោយនេះ ឲ្យស្ថិតនៅគង់វង្សសម្រាប់កូនចៅជំនាន់ក្រោយៗទៀត។

ផ្នែករដ្ឋបាលព្រៃឈើរវៀង នៃខណ្ឌរដ្ឋបាលព្រៃឈើព្រះវិហារ ក្រោយទទួលបានបទបញ្ជារបស់ លោក វុធ សាវី បានបើកការពួនស្ទាក់ ចាំឃ្លាំមើលគ្រប់សកម្មភាពរបស់ក្រុមឈ្មួញ ដែលតែងធ្វើសកម្មភាពដឹកជញ្ជូនឈើ ចេញពីខេត្តព្រះវិហារ ចូលទៅខេត្តកំពង់ធំ ជាប្រចាំ។ មន្ត្រីផ្នែកព្រៃឈើរវៀង បានអះអាងថា នៅម៉ោងប្រមាណ ១២ និង៣០នាទីរំលងអាធ្រាត្រ ថ្ងៃ៣១ឧសភា ឈានចូលថ្ងៃទី១មិថុនាឆ្នាំ២០២២ កម្លាំងផ្នែករដ្ឋបាលព្រៃឈើរវៀង បានចុះទៅដល់ ភូមិកោះកំពង់លួង ឃុំរស្មី ស្រុករវៀង ខេត្តព្រះវិហារ ហើយបានជួបរថយន្តដឹកឈើ ១គ្រឿង ដែលសមត្ថកិច្ចណាក៏ស្គាល់ដែរថា ជារថយន្តរបស់មេឈ្មួញឈ្មោះ ព្រំ ធី ហៅ ធី ! ពុករលួយ កំពុងធ្វើសកម្មភាពដឹកជញ្ជូនឈើ ហើយសមត្ថកិច្ច បានបញ្ជាឲ្យឈប់ តែអ្នកបើកបរថយន្តដឹកឈើនោះ បានបន្ថែមល្បឿនទៅមុខ ហើយសមត្ថកិច្ចបានប្រដេញស្ទាក់ចាប់បាន ដែលសកម្មភាពបង្ក្រាបរថយន្តមេឈ្មួញជើងខ្លាំងរូបនោះ អាចប្រឈមនឹងភាពគ្រោះថ្នាក់ ផងដែរ។ មន្ត្រីតូចតាច និងពលរដ្ឋនៅក្នុងមូលដ្ឋាននោះ បាននិយាយថា មេឈ្មួញឈើ ព្រំ ធី ហៅ ធី ! ពុករលួយនេះ គឺជាមេឈ្មួញជើងខ្លាំងម្នាក់ បានប្រព្រឹត្តសកម្មភាពដឹកជញ្ជូនឈើឆ្លងខេត្ត ពីខេត្តព្រះវិហារ ទៅខេត្តកំង់ធំ មានរយៈពេលយូរឆ្នាំមកហើយដោយគ្មានសមត្ថកិច្ចណាហ៊ានបង្ក្រាបនោះដែរ ព្រោះគាត់បានអួតប្រាប់គេថា៖ គាត់មានកូនធ្វើការនៅអង្គភាពប្រឆាំងនឹងអំពើពុករលួយ ដូច្នេះហើយ ទើបគេនាំគ្នាហៅ លោកព្រំ ធី ថា ធី ពុករលួយ។ ប៉ុន្តែ ការបង្ក្រាបរថយន្តដឹកឈើរបស់ លោក ធី ! ពុករលួយនៅពេលនេះ គេក៏នៅរង់ចាំមើលថាតើ ការចាប់នោះបានប៉ុន្មានថ្ងៃ និងមានកិច្ចអន្តរាគមន៍ដោះលែងវិញ នៅពេលណា? នរណានៅពីក្រោយខ្នង នៃការប្រព្រឹត្តបទល្មើសព្រៃឈើនោះ?។នៅក្នុងការអនុវត្តតាមការបញ្ជារបស់ លោក វុធ សាវី ! ព្រះរាជអាជ្ញារងខេត្តព្រះវិហារ សមត្ថកិច្ចព្រៃឈើរវៀង ចាប់បានរថយន្តដឹកឈើរបស់ មេឈ្មួញ ព្រំ ធី ហៅ ! ធី ពុករលួយហើយ។ ប៉ុន្តែ នៅមានរថយន្តរបស់មេឈ្មួញជាច្រើនទៀត នៅមិនទាន់បានបង្ក្រាបនៅឡើយគេនៅរង់ចាំមើលថាតើ ការចេញបញ្ជារបស់ ស្ថាប័នអយ្យការ អមសាលាដំបូងខេត្តព្រះវិហារនៅចូលជាធរមានដដែលដែរទេ ចំពោះការបន្តសកម្មភាពបង្ក្រាបបទល្មើសព្រៃឈើ របស់កម្លាំងរដ្ឋបាលព្រៃឈើខេត្តព្រះវិហារ?។ រីឯការបង្ក្រាបសកម្មភាពដឹកជញ្ជូនឈើល្មើសច្បាប់នោះ ក៏តម្រូវឲ្យមន្ទីរជំនាញ និងសមត្ថកិច្ចពាក់ព័ន្ធ ចូលរួមសហការជាមួយ កម្លាំងរដ្ឋបាលព្រៃឈើខេត្ត ផងដែរ ជៀសវាងរងការចោទថា អស់លោកជាកន្ទេលធំ បន្លំដេក៕

ព័ត៌មានគួរចាប់អារម្មណ៍

អ្នកឧកញ៉ា លី យ៉ុងផាត់ ប្រធានសមាគមឧកញ៉ាកម្ពុជាថ្វាយបច្ច័យជាង២លានដុល្លារ ត្រូវបានប្រគេនដល់សម្តេចព្រះមហាសង្ឃរាជ បួរ គ្រី ដើម្បីកសាងអគារសិក្សាថ្មី នៃពុទ្ធិកសាកលវិទ្យាល័យព្រះសីហមុនីរាជា 21/10/2022ឋ (vojhotnews)

ព័ត៌មានគួរចាប់អារម្មណ៍

សកម្មភាពកណ្ដៀរនៃការដឹកជញ្ជូនឈើអនាធិបតេយ្យស្រុករវាងខេត្តព្រះវិហារនៅតែបន្តដូចភ្លៀងរលឹម (vojhotnews)

ព័ត៌មានគួរចាប់អារម្មណ៍

លោក វ៉ូ វណ្ណា មេគយរដ្ឋបាលការដោះដូរមេគយត្រពាំងផ្លុងថ្មីលោក ប៉ែន សុីថាចូលថ្មី គ្រាន់តែជាវិធីរកលុយរបស់មេគយធំនិងជាការទិញប៉ុស្តិ៍ពុករលួយ? ថ្ងៃចេញផ្សាយៈ 09/10/2022 (vojhotnews)

ព័ត៌មានគួរចាប់អារម្មណ៍

គោលនយោបាយភូមិសង្កាត់មានសុវត្ថិ ភាពរបស់ក្រសួងមហាផ្ទៃ ត្រូវជាន់ឈ្លី ក្រោមបាតជើងមេល្បែងទឹកភ្លៀងល្មើស ច្បាប់«តាសួរ»នៅកណ្តាលក្រុងភ្នំពេញ ចេញផ្សាយៈ១១/០៩/២០២២ (vojhotnews)

ព័ត៌មានគួរចាប់អារម្មណ៍

លួចកាប់ព្រៃ និងយកដីរដ្ឋ ឈ្មោះ ផែង គី អាងចៅហ្វាយខេត្ត?ហ៊ានយកគ្រឿងចក្រទៅវាយដីព្រៃដែលជាសម្បត្តិរបស់រដ្ឋនោះ! (vojhotnews)

វីដែអូ

ចំនួនអ្នកទស្សនា

ថ្ងៃនេះ :
300 នាក់
ម្សិលមិញ :
201 នាក់
សប្តាហ៍នេះ :
2309 នាក់
ខែនេះ :
7718 នាក់
3 ខែនេះ :
23141 នាក់
សរុប :
452408 នាក់