04/02/2022កំពង់ធំ : បឹងទន្លេឆ្មាគឺជាតំបន់សត្វស្លាប និងជីវៈចម្រុះគ្រប់ប្រភេទរួមទាំងហ្វូងមច្ឆាតូចធំនៅលើទឹកដីខេត្តកំពង់ធំ ដែលសព្វថ្ងៃបាននិងកំពុងក្លាយជាគោលដៅទេសចរណ៍នឹងមានការចាប់អារម្មណ៍យ៉ាងខ្លាំងពីសំណាក់ភ្ញៀវទេសចរជាតិនិងអន្តរជាតិផងដែរបន្ទាប់ពីប្រាសាទសំបូរព្រៃគុក។ ទោះបីជាយ៉ាងណាក្តីកន្លងមកនេះមានការផ្សព្វផ្សាយជាច្រើនពាក់ព័ន្ធទៅលើបទល្មើសនេសាទដែលកំពុងតែសារាចរយ៉ាងសស្រាក់សស្រាំលើផ្ទៃបឹងទន្លេឆ្មា ហើយដែលបានប្រព្រឹត្តទៅយ៉ាងរលូនផងដែរ។ បើតាមការឲ្យដឹងរបស់ភ្នាក់ងារព័ត៌មានរបស់ (vojhotnews )បានឲ្យដឹងថា: បច្ចុប្បន្នបទល្មើសនេសាទនៃ បឹងទន្លេឆ្មា មិនមានការថយចុះនោះទេ ពោល: មានតែការរីករាលដាលដូចផ្សិត ពីមួយថ្ងៃ ទៅមួយថ្ងៃយ៉ាងអនាធិបតេយ្យថែមទៀត។ ប្រភពព័ត៌មានមួយចំនួនទៀតបានឲ្យដឹងទៀតថា: បទល្មើសនេសាទលើផ្ទៃទន្លេឆ្មា ប្រព្រឹត្តទៅយ៉ាងអនាធិបតេយ្យដោយមិនឃើញមានការបង្ក្រាបសោះឡើយ ប្រហែលជាជំនាញជលផលដែលប្រចាំការទីនោះ មើលមិនឃើញ ឬត្រូវមន្តសណ្តំ ក្រាស់ក្រែល ហើយបានសើមមាត់ សើម.ក មិនតិចទេមើលទៅ ទើបបានជាមើលមិនឃើញសាច់រ៉ាវរាប់រយម៉ែត្រជុំវិញបឹងទន្លេឆ្មាដូច្នេះ។ ប្រភពមួយចំនួនទៀតបានបង្ហើបខ្សឹបឲ្យដឹងផងដែរថា: នាយសង្កាត់ជលផលដែលប្រចាំការនៅ ទន្លេឆ្មា រួមទាំងមន្ត្រីក្រោមឱវាទមិនខ្វល់ នឹង ការអភិរក្សឬវិនាសកម្ម ហិនហោច មច្ឆាជាតិ តូចធំនោះទេ សំខាន់ឲ្យតែបានប្រាក់ដាក់ហោប៉ៅជាការស្រេច។មិនតែប៉ុណ្ណោះបើរាល់បទល្មើសជុំវិញបឹងទន្លេឆ្មាវិញ បើមិនមានការអនុញ្ញាត ពីលោកនាយសង្កាត់ជលផលនោះទេ គឺ ប្រាកដជាមានវិធានការក្តៅគគុកហើយ។ មិនតែប៉ុណ្ណោះសោតមហាជនមួយចំនួនទៀតលើកឡើងចំៗថា: ចាប់តាំងពីលោក ហួន សុផល នាយសង្កាត់ជលផល ពាមបាង ឃុំពាមបាង ស្រុកស្ទោង ខេត្តកំពង់ធំ ឡើងមកទទួលតំណែងកាន់កាប់តំបន់អភិរក្សបឹងទន្លេឆ្មា មកមិនឃើញរូបលោកមានការអើបពើ និង ការបង្ក្រាបបទល្មើសនេសាទទាល់តែសោះ ហើយបែរជាឃើញតែសាច់រ៉ាវក្រឡាញឹករាប់រយម៉ែត្រជុំវិញបឹងទន្លេឆ្មា កាន់តែសរាចរ យ៉ាងរលួយពេញផ្ទៃទឹកទឹកទៅវិញ។ដោយហេតុបែបនេះហើយមហាជនមួយចំនួនទៀតដាក់ការសង្ស័យថា: មានការបើកភ្លើងខៀវដល់បទល្មើសនេសាទនៃបឹងទន្លេឆ្មា។ ប្រភពព័ត៌មានមួយចំនួនទៀតបានប្រាប់ភ្នាក់ងារព័ត៌មានរបស់អង្គភាពគេហទំព័រ( www.vojhotnews.com) ឲ្យដឹងបន្ថែមទៀតថា: ក្នុងមួយរដូវប្រាំងដល់វស្សា លោក ហួន សុផល នាយសង្កាត់ជលផលពាមបាង ឃុំពាមបាង ស្រុកស្ទោង ខេត្តកំពង់ធំ សំងំប្រមូលលុយពីបទល្មើសនេសាទមិនតិចលាននោះទេរហូតដល់រដូវប្រាំងនេះ។ គួរំលឹកបន្តិចផងដែរថា បឹងទន្លេឆ្មារគ្របដណ្ដប់ទៅដោយផ្ទៃដីប្រមាណ 400ហិកតា មានបណ្ដាញជាប់គ្នាជាមួយចរន្តទឹក បឹងខ្លា មានព្រៃលិចទឹក ប្រព័ន្ធជីវៈចម្រុះ យ៉ាងសំបូរបែប រួមទាំងហ្វូងសត្វស្លាបរស់នៅរកចំណីទីនោះបង្កើតបានជាផ្ទាំងទស្សនីយភាពដ៏ប្រណិតទៀតផង។ អង្គភាពសារព័ត៌មាននិងគេហទំព័រ (www.vojhotnews.com)រងចាំការបកស្រាយគ្រប់សាមីអង្គពាក់ព័ន្ធនឹងករណីខាងលើរៀងរាល់ម៉ោងធ្វើការ។ (មាន ត) ដោយ: សហការី
ព័ត៌មានគួរចាប់អារម្មណ៍
សមាគមឧកញ៉ាកម្ពុជា ចេញសេចក្តីប្រកាសព័ត៌មាន ស្តីពី ការបញ្ចប់គោរមងារ «ឧកញ៉ា» ពីគោរមវន្តណាម្នាក់ ដែលស្ថិតក្នុងករណីចំនួន៥! (vojhotnews)
កិច្ចប្រជុំពិភាក្សា ស្តីពីការគ្រប់គ្រងល្បែងផ្សងសំណាង និងការគ្រប់គ្រងផលប៉ះពាល់ពីល្បែងស៊ីសងខុសច្បាប់គ្រប់ប្រភេទ ជូនដល់អាជ្ញាធរសាធារណៈពាក់ព័ន្ធ និងប្រតិបត្តិករល្បែងផ្សងសំណាង នៅខេត្តតាកែវ (vojhotnews)
ភ្នាក់ងាររកទីផ្សារឱ្យក្រុមហ៊ុន ឡេង ណាវ៉ាត្រា ទាមទារកម្រៃជើងសាឬប្រាក់កុំមីស្យុងទន្ថើនៗ! អានព័ត៌មាន៖ ផ្សាយថ្ងៃទី០៤ ខែ០៣ ឆ្នាំ២០២៤ (vojhotnews)
ល្បែងពាណិជ្ជកម្មរាល់ថ្ងៃមានទំព័រហ្វេសប៊ុក១៥-២០ ផ្សព្វផ្សាយល្បែងខុសច្បាប់, អ្នកផ្សព្វផ្សាយនឹងត្រូវហៅទៅពន្យល់ អប់រំ និងណែនាំខាងមុច! (vojhotnews)
បន្ទាប់ពីបាត់លុយវិនិយោគរាប់សិបលានដុល្លាអ្នកវិនិយោគក្នុងក្រុមហ៊ុន CIC Partner ទាមទារឱ្យថ្នាក់ដឹកនាំទាំង ១៣នាក់សងលុយពួកគេវិញ ! (vojhotnews)
វីដែអូ
ចំនួនអ្នកទស្សនា