0966635168ឧកញ៉ា ប៉ែន នួន ត្រូវបានសមត្ថកិច្ចចាប់ខ្លួនម្តងទៀត ពាក់ព័ន្ធបទល្មើស បោកមានស្ថានទម្ងន់ទោស និងរំលោភលើទំនុកចិត្តកំពត៖ឧកញ៉ា ប៉ែន នួន ដែលសម្បូររឿងអាស្រូវប្រព្រឹត្តបទល្មើសឆបោក ត្រូវបានសមត្ថកិច្ចកងរាជអាវុធហត្ថខេត្តកំពត ចាប់ខ្លួនម្តងទៀតហើយ កាលពីល្ងាចថ្ងៃទី១១ ខែមករា ឆ្នាំ២០២២ ពាក់ព័ន្ធបទល្មើសឆបោកមានស្ថានទម្ងន់ទោសនិងរំលោភលើទំនុកចិត្ត ខណៈកាលពីឆ្នាំ២០២០ ឧកញ៉ា ប៉ែន នួន ក៏ធ្លាប់ត្រូវសមត្ថកិច្ចរាជធានីភ្នំពេញ ចាប់ខ្លួននិងជាប់ពន្ធនាគារ ផងដែរ ។តាមប្រភពព័ត៌មានដែលទើបទទួលបាន នៅថ្ងៃទី១២ ខែមករា ឆ្នាំ២០២២ នេះ បានឲ្យដឹងថា ឧកញ៉ា ប៉ែន នួន ត្រូវបានសមត្ថកិច្ចកងរាជអាវុធហត្ថខេត្តកំពតចាប់ខ្លួន យោងតាមដីកាបញ្ជាឲ្យចូលខ្លួនរបស់ លោក ខា ដែនណា តំណាងអយ្យការអមសាលាដំបូងខេត្តកំពត ដែលចេញកាលពីថ្ងៃទី២៣ ខែធ្នូ ឆ្នាំ២០២១ ។ក្នុងដីកាបញ្ជាឲ្យចូលខ្លួននេះ គឺ តំណាងអយ្យការអមសាលាដំបូងខេត្តកំពតបញ្ជាឲ្យឈ្មោះ ប៉ែន នួន បច្ចុប្បន្នរស់នៅផ្ទះលេខ៥អា ស្ថិតនៅភូមិអង្គរកែវ សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ ឲ្យចូលមកបង្ហាញខ្លួននៅបញ្ជាការដ្ឋានកងរាជអាវុធហត្ថខេត្តកំពតឲ្យ បានមុនថ្ងៃទី១១ ខែមករា ឆ្នាំ២០២២ រៀងរាល់ម៉ោងធ្វើការ ដើម្បីសាកសួរករណីបណ្ដឹង របស់ឈ្មោះ ស៊ិន ប៊ុល ភេទប្រុស អាយុ៣៨ឆ្នាំ ដែលបានប្ដឹង ឧកញ៉ា ប៉ែន នួន ថា បានប្រព្រឹត្តបទល្មើសឆបោកមានស្ថានទម្ងន់ទោសរំលោភលើទំនុកចិត្ត ប្រព្រឹត្តនៅអំឡុងខែមិថុនា ឆ្នាំ២០២១ រហូតមកដល់បច្ចុប្បន្ន ។ ក្នុងដីកាបញ្ជាឲ្យចូលខ្លួននេះ ឧកញ៉ា ប៉ែន នួន ក៏បានផ្ដិតមេដៃទទួលស្គាល់ផងដែរ ។ បច្ចុប្បន្ននេះ សមត្ថកិច្ចកំពុងធ្វើការសាកសួរ ឧកញ៉ា ប៉ែន នួន តាមនីតិវិធីមុនបញ្ជូនទៅតុលាការដើម្បីចាត់ការទៅតាមផ្លូវច្បាប់ ។សូមបញ្ជាក់ថា កាលពីអំឡុងខែកក្កដា ឆ្នាំ២០២០ កន្លងទៅ ឧកញ៉ា ប៉ែន នួន ក៏ធ្លាប់ត្រូវបានជាប់ពន្ធនាគារនៅរាជធានីភ្នំពេញម្ដងរួចមកហើយ ហើយត្រូវបានតុលាការប្រកាសសាលក្រមផ្តន្ទាទោសផងដែរពាក់ព័ន្ធទៅនឹងបទល្មើសឆបោកទៅលើអាជីវករអស់ប្រាក់រាប់ម៉ឺនដុល្លារ ក្រោមភាពគម្រោងសាងសង់ផ្លូវជាតិមួយខ្សែ តែជាគម្រោងសាងសង់ខ្យល់ ប៉ុណ្ណោះ ៕នៅមានតFiled in: ព័ត៌មានជាតិ
ព័ត៌មានគួរចាប់អារម្មណ៍
សមាគមឧកញ៉ាកម្ពុជា ចេញសេចក្តីប្រកាសព័ត៌មាន ស្តីពី ការបញ្ចប់គោរមងារ «ឧកញ៉ា» ពីគោរមវន្តណាម្នាក់ ដែលស្ថិតក្នុងករណីចំនួន៥! (vojhotnews)
កិច្ចប្រជុំពិភាក្សា ស្តីពីការគ្រប់គ្រងល្បែងផ្សងសំណាង និងការគ្រប់គ្រងផលប៉ះពាល់ពីល្បែងស៊ីសងខុសច្បាប់គ្រប់ប្រភេទ ជូនដល់អាជ្ញាធរសាធារណៈពាក់ព័ន្ធ និងប្រតិបត្តិករល្បែងផ្សងសំណាង នៅខេត្តតាកែវ (vojhotnews)
ភ្នាក់ងាររកទីផ្សារឱ្យក្រុមហ៊ុន ឡេង ណាវ៉ាត្រា ទាមទារកម្រៃជើងសាឬប្រាក់កុំមីស្យុងទន្ថើនៗ! អានព័ត៌មាន៖ ផ្សាយថ្ងៃទី០៤ ខែ០៣ ឆ្នាំ២០២៤ (vojhotnews)
ល្បែងពាណិជ្ជកម្មរាល់ថ្ងៃមានទំព័រហ្វេសប៊ុក១៥-២០ ផ្សព្វផ្សាយល្បែងខុសច្បាប់, អ្នកផ្សព្វផ្សាយនឹងត្រូវហៅទៅពន្យល់ អប់រំ និងណែនាំខាងមុច! (vojhotnews)
បន្ទាប់ពីបាត់លុយវិនិយោគរាប់សិបលានដុល្លាអ្នកវិនិយោគក្នុងក្រុមហ៊ុន CIC Partner ទាមទារឱ្យថ្នាក់ដឹកនាំទាំង ១៣នាក់សងលុយពួកគេវិញ ! (vojhotnews)
វីដែអូ
ចំនួនអ្នកទស្សនា