089572372 15.07.2021ខេត្តតាកែវ: ប្រភពរបស់ប្រជាពលរដ្ឋបានរាយការណ៍ឱ្យដឹងថាសង្វៀនជល់មាន់និងបង្កប់ល្បែងស៊ីសងមួយចំនួនទៀតដូចជា: អាប៉ោងបានកំពុងតែប្រព្រឹត្តទៅយ៉ាងរលូនសង្ស័យថាមានការបើកភ្លើងខៀវ ពីអាជ្ញាធរសមត្ថកិច្ចមូលដ្ឋានស្រុកខេត្តហើយមើលទៅទើបមិនមានមន្ត្រីមានសមត្ថកិច្ចអាជ្ញាធរមានចំណាត់ការឬបង្ក្រាបសង្វៀនជល់មាន់និងអាប៉ោងនេះទាល់តែសោះ។ បើតាមការរាយការណ៍អ្នកដែលរស់នៅជិតកន្លែងសង្វៀនជល់មាន់និងអាប៉ោងបានប្រាប់ថា:ពួកគាត់មិនសប្បាយចិត្តចំពោះទង្វើរបស់ក្រុមពួកអ្នកញៀននិងល្បែងភ្នាល់ស៊ីសង ជល់មាន់ បៀរ,អាប៉ោងនោះទ្បើយ។ ដោយពេលខ្លះពួកគាត់ស្ទើរតែមិនបានដេកពួននឹងការហ៊ោកញ្ច្រៀវរបស់ក្រុមអ្នកញៀនល្បែងភ្នាល់ជល់មាន់និងអាប៉ោងដែលជាការរំខានដល់គាត់មិនបានដេកពួនក្រោយពីសម្រាកពីការងារ។ គាត់បានបន្តឲ្យដឹងទៀតដែរថា: ក្រុមអ្នកញៀនល្បែងភ្នាល់ស៊ីសងបៀ អាប៉ោង ភ្នាល់ជល់មាន់ទាំងនេះបានបើកសង្វៀនល្បែងជល់មាន់និងអាប៉ោងស្ទើរតែជារៀងរាល់ថ្ងៃដោយមិនឃើញមានអាជ្ញាធរឬមន្ត្រីមានសមត្ថកិច្ចក៏ដូចជាថ្នាក់ដឹកនាំស្រុកខេត្តបង្រ្កាប ឬមានចំណាត់ការទៅលើក្រុមអ្នកញៀនល្បែងទាំងនោះទាល់តែសោះ។ ទំនោរបែបនេះ !ប្រហែលជាគិតតែយកលុយដាក់ហោប៉ៅឬបានសើមមាត់សើម ក និងទទួលលាភសក្ការៈពីឈ្មោះប៊ីនិងពន្លកក្រាស់ក្រែលហើយមើលទៅ ទើបបានជាសង្វៀនជល់មាន់អាប៉ោងទាំងនេះមិនខ្លាចរអានឹងច្បាប់បន្តិចសោះឡើយ។ ទោះបីជាយ៉ាងណាក្តី អនុសាសន៍របស់សម្ដេចអគ្គមហាសេនាបតីតេជោ ហ៊ុនសែន នាយករដ្ឋមន្ត្រីនៃព្រះរាជាណាចក្រកម្ពុជាបានថ្លែងម្ដងរួចមកហើយថា: បើសិនជាអាជ្ញាធរសមត្ថកិច្ចថ្នាក់ស្រុក ថ្នាក់ខេត្តមិនហ៊ានបង្រ្កាបសង្វៀនជល់មាន់បៀរអាប៉ោង ឬអសមត្ថភាពទុកឱ្យក្រុមអ្នកញៀនល្បែងស៊ីសងភ្នាល់ជល់មាន់ បៀ អាប៉ោងធ្វើជាអភិបាលខេត្តម្ដងវិញទៅ។ កត្តា និងទង្វើរបែបនេះហើយដែលបង្កអសន្តិសុខដល់សង្គមមួយចំនួនដូចជា: ចោរលួច,ប្លន់,ឆក់ ឬអំពើហិង្សាក្នុងគ្រួសារដែលបង្កពីអ្នកញៀនល្បែងទាំងនេះហើយ ខ្លះ បញ្ចាំ ឬ លក់ម៉ូតូដីស្រែនចម្ការ មួយចំនួនទៀតដើម្បីយកប្រាក់ទៅភ្នាល់ចំពោះល្បែងជល់មាន់ស៊ីសងបៀរអាប៉ោង..ល...ហើយខ្លះទៀតក៏ធ្វើការចំណាកស្រុកផងដែរក៏ព្រោះតែល្បែង ?ដូចសុភាសិតខ្មែរមួយបានពោលថា:(ឈ្នះមុខខ្លាញ់ចាញ់មុខសេះ)។ ប្រភពមួយចំនួនទៀតបានលើកឡើងឲ្យដឹងផងដែរថា: ម្ចាស់ សង្វៀនជល់មាន់និងបៀអាប៉ោងខាងលើនេះ ដែលមានឈ្មោះប៊ីហើយនិងបក្ខពួកគូរកនម្នាក់ទៀតឈ្មោះពន្លក ប្រហែលជាមានខ្សែឬខ្នងក្រាស់ហើយ ទើបហ៊ានបើកសង្វៀនភ្នាល់ជល់មាន់បង្កប់ដោយល្បែងស៊ីសងមួយចំនួនថែមទៀត ដោយគ្មានមន្ត្រីមានសមត្ថកិច្ចណាអាចបង្ក្រាបគាត់បានឡើយ។មិនតែប៉ុណ្ណោះទៀតសោតថែមទាំង ប្រព្រឹត្តទៅដោយរលូននិងផ្ទុយពីអនុសាសន៍របស់សម្ដេចថែមទៀតផង។ ប្រភពប្រជាពលរដ្ឋក៏បានបន្តបន្ថែមឱ្យដឹងដែលថាយ៉ាងហោចណាស់ក្នុងមួយថ្ងៃៗសង្វៀនជល់មាន់ខាងលើនេះរបស់ឈ្មោះប៊ី និង ឈ្មោះពន្លក បើកធ្វើការភ្នាល់ការជល់មាន់មិនក្រោមពី៥ទៅ១០នោះឡើយក្នុងមួយថ្ងៃៗរួមនឹងការបង្កប់ល្បែងស៊ីសងមួយចំនួនថែមទៀត។ សូមបញ្ជាក់ផងដែរថាចំពោះទីតាំងភូមិសាស្រ្តសង្វៀនជល់មាន់របស់បុគ្គលឈ្មោះប៊ី និង បក្ខពួកគូរកនម្នាក់ទៀតឈ្មោះពន្លក បានកំពុងតែប្រព្រឹត្តទៅយ៉ាងរលូនស្ថិតនៅក្នុងចំណុចទំនប់ជ្រៃរោង ភូមិតាតៃ ឃុំញ៉ែងញ៉ង ស្រុកត្រាំកក់ ខេត្តតាកែវ ។ ប្រជាពលរដ្ឋនិងមហាជនមួយចំនួនទៀតរងចាំមើលចំណាត់ការរបស់អាជ្ញាធរមានសមត្ថកិច្ចថ្នាក់ស្រុកខេត្តមានវិធានការដូចម្ដេចខ្លះ?ចំពោះម្ចាស់សង្វៀនជល់មាន់បៀរអាប៉ោងរបស់ឈ្មោះប៊ី និង ពន្លក ដែលមិនខ្លាចរអានឹងច្បាប់នឹងផ្គើនពីអនុសាសន៍របស់សម្ដេចផងដែរនោះ៕ ដោយ: សម្បត្តិ
ព័ត៌មានគួរចាប់អារម្មណ៍
សមាគមឧកញ៉ាកម្ពុជា ចេញសេចក្តីប្រកាសព័ត៌មាន ស្តីពី ការបញ្ចប់គោរមងារ «ឧកញ៉ា» ពីគោរមវន្តណាម្នាក់ ដែលស្ថិតក្នុងករណីចំនួន៥! (vojhotnews)
កិច្ចប្រជុំពិភាក្សា ស្តីពីការគ្រប់គ្រងល្បែងផ្សងសំណាង និងការគ្រប់គ្រងផលប៉ះពាល់ពីល្បែងស៊ីសងខុសច្បាប់គ្រប់ប្រភេទ ជូនដល់អាជ្ញាធរសាធារណៈពាក់ព័ន្ធ និងប្រតិបត្តិករល្បែងផ្សងសំណាង នៅខេត្តតាកែវ (vojhotnews)
ភ្នាក់ងាររកទីផ្សារឱ្យក្រុមហ៊ុន ឡេង ណាវ៉ាត្រា ទាមទារកម្រៃជើងសាឬប្រាក់កុំមីស្យុងទន្ថើនៗ! អានព័ត៌មាន៖ ផ្សាយថ្ងៃទី០៤ ខែ០៣ ឆ្នាំ២០២៤ (vojhotnews)
ល្បែងពាណិជ្ជកម្មរាល់ថ្ងៃមានទំព័រហ្វេសប៊ុក១៥-២០ ផ្សព្វផ្សាយល្បែងខុសច្បាប់, អ្នកផ្សព្វផ្សាយនឹងត្រូវហៅទៅពន្យល់ អប់រំ និងណែនាំខាងមុច! (vojhotnews)
បន្ទាប់ពីបាត់លុយវិនិយោគរាប់សិបលានដុល្លាអ្នកវិនិយោគក្នុងក្រុមហ៊ុន CIC Partner ទាមទារឱ្យថ្នាក់ដឹកនាំទាំង ១៣នាក់សងលុយពួកគេវិញ ! (vojhotnews)
វីដែអូ
ចំនួនអ្នកទស្សនា