ខេត្តកំពត: ប្រជាពលរដ្ឋជាង 30 គ្រួសារបានលើកឡើងចំៗដែរថា: អ្នកមានអំណាចទឹកប្រាក់ និង ជាអ្នកមានជាន់ថ្មីសម័យឆ្នាំ 2021 នេះពិតជាខ្លាំងណាស់ឲ្យតែមានលុយចង់ធ្វើអ្វីៗតាមតែចិត្តដោយមិនខ្វល់ពីអ្នកជិតខាងបន្តិចសោះឡើយ។ ពិសេសជាងនេះទៅទៀត អាងមានអំណាចទឹកប្រាក់ តួនាទី យសស័ក្ត មិនខ្វល់ ឬអាច្បាប់បន្តិចនោះទេ។ បើតាមប្រភពព័ត៌មានបានឲ្យដឹងថា: ថៅកែការាស់សាំុងម្នាក់ឈ្មោះ ប៉ែន ភឿន ភេទប្រុស អាយុ 48 ឆ្នាំ បច្ចុប្បន្នរស់នៅ ភូមិត្រពាំង ឃុំចំប៉ី ស្រុកអង្គរជ័យ ខេត្តកំពតនបានធ្វើរបងហ៊ុំនិងបិទផ្លូវចូលដី ទូលអង្គរ ហៅ(ក្តីតាវង) ដែលជាទីកន្លែងសក្ការៈបូជារបស់ពួកគាត់ដែលមានតាំងពីបុរាណមកម្ល៉េះ។ ប្រភពពីប្រជាពលរដ្ឋដែលរស់នៅក្បែរៗ នោះបានប្រាប់ឲ្យដឹងផងដែរថា: ប្លង់ដីលេខ (1167 )ជាតំបន់ទូលអង្គរ ហើយជាទីកន្លែងដីសម្រាប់កប់ខ្មោចរាប់រយឆ្នាំកន្លងមកហើយមិនតែប៉ុណ្ណោះក៏ជាផ្លូវធ្លាប់ដើរចូលទៅមកធ្វើបុណ្យធ្វើទានតាមរដូវកាលធ្វើស្រែ ពីផ្លូវធំជាប់នឹងត្រពាំងទឹកផងដែរ។ ប្រភពប្រជាពលរដ្ឋមួយចំនួនទៀតក៏បានឲ្យដឹងដែរថា: ថ្មីៗកន្លងនេះក៏មានវត្តមាន លោក ជ្រិន ប៉ូឡី ប្រធានការិយាល័យនីតិកម្មនិងសម្រុះសម្រួលវិវាទមូលដ្ឋានស្រុកអង្គរជ័យ ក៏ធ្លាប់បានចុះមកធ្វើការសម្រុះសម្រួលម្ដងរួចមកហើយ តែលទ្ធផលនៅតែថៅកែការ៉ាស់សាំុងថ្មី ឈ្មោះ ប៉ែន ភឿន រួមនិងភរិយា នៅតែមិនព្រមទទួលយកការសម្រុះសម្រួលនេះផងដែរ។ មិនតែប៉ុណ្ណោះទៀតសោតបើតាមការឲ្យដឹងរបស់លោកមេភូមិមួយរូប ឈ្មោះអ៊ូ ម៉ុក បានប្រាប់ថា: តំបន់ទួលអង្គហៅ(ក្តីតាវង)នេះគឺជាផ្លូវបុរាណតាំងពីដូនតាតាំងពីដូនតាយូរណាស់មកហើយមិនមែនទើបតែមានថ្មីៗនោះទេ។ ទោះបីជាយ៉ាងណាក្តីបើតាមការឲ្យដឹងរបស់លោក ប៉ែន ភឿន ដែលជាថៅកែការ៉ាស់សាំុងថ្មីតាមរយៈទូរស័ព្ទថា: អ្វីដែលគាត់ទាមទារនោះគ្រាន់តែខុសត្រូវគ្នាយ៉ាងតិច 5 ម៉ែត្រតែប៉ុណ្ណោះហើយលោកក៏មិនបានទៅប៉ះពាល់តំបន់នោះដែរ។គាត់បន្តថា: មុនលោកចាក់គ្រឹះសាងសង់ធ្វើរបងនេះ ចុះហេតុអ្វីបានជាមិនមកនិយាយគ្នាជាមុន?ចាំគាត់សាងសង់រួចហើយបានជាមកទាមទារបែបនេះទៅវិញ?គាត់បញ្ជាក់ទៀតដែរថា: ពីមុនបើសិនជាផ្លូវនោះផ្លូវធំ ហើយអាចជិះកង់ ឬម៉ូតូ ចូលរួចក៏គាត់មិនថាដែរតែភ្លឺស្រែគាត់ទាំងអស់គ្រាន់តែគាត់ទប់ទឹកកុំឲ្យតែទឹកធ្លាក់ឬបាក់ភ្លឺស្រែតែប៉ុណ្ណោះ។ ប្រជាពលរដ្ឋជាង៣០ទទូចស្នើតសុំដល់លោកអភិបាលនៃគណៈអភិបាលស្រុកអង្គរជ័យ ពិសេសជាងនេះទៅទៀត អភិបាល នៃគណៈអភិបាលខេត្ត ឯកឧត្តម ម៉ៅ ធនិន ដែលមកទទួលតំណែងជាអភិបាលប្រចាំខេត្តកំពត ដែលលោកតែងតែខ្វល់ខ្វាយ រកដំណោះស្រាយ និងយុត្តិធម៌ រាល់វិវាទ ជម្លោះផ្សេងៗ ដែលកើតមានឡើងជារឿយៗក្នុងខេត្តរបស់ឯកឧត្តមផងនោះប្រជាពលរដ្ឋទាំង 30គ្រួសារជាងមានសង្ឃឹមយ៉ាងមុតមាំថា: ពួកគាត់នឹងទទួលបានភាពយុត្តិធម៌មកវិញ ហើយនិងបានទទួលយកដីតំបន់ទួលអង្គហៅ(ក្តីតាវង)ដែលជាផ្លូវបុរាណមកវិញជាក់ជាពុំខាន។ សូមបញ្ជាក់ដែរថា: ក្នុងករណីនេះមហាជនមួយចំនួន រួមទាំងប្រជាពលរដ្ឋជាង 30 គ្រួសារទៀត ទន្ទឹងរងចាំមើលថាតើលោកអភិបាល នៃគណៈ អភិបាលស្រុកអង្គរជ័យ ជាពិសេសឯកឧត្តម ម៉ៅ ធនិន អភិបាលនៃគណៈអភិបាលខេត្តកំពត និងប្រើកណ្ដាប់ដៃដែក រកយុត្តិធម៌ និងដំណោះស្រាយចែកជូនពួកគាត់ជាពុំខាន៕ ដោយ សហការី
ព័ត៌មានគួរចាប់អារម្មណ៍
លោកសុខ សុវិទ្យា អគ្គនាយករងតំណាងដ៏ខ្ពង់ខ្ពស់ឯកឧត្តមបណ្ឌិត គុណ ញឹម រដ្ឋមន្ត្រីប្រតិភូអមនាយករដ្ឋមន្ត្រី អគ្គនាយកនៃអគ្គនាយកដ្ឋានគយនិងរដ្ឋាករកម្ពុជា បានបើកវគ្គបណ្តុះបណ្តាលអនុលោមតាមផែនការសកម្មភាព ឆ្នាំ២០២៥ ! (vojhotnews)
លោក ម៉ឹង ដាវីន មេការិយាល័យគយច្រកទ្វារព្រំដែនអន្តរជាតិត្រពាំងផ្លុង ពង្រាយមន្ត្រីគយ និងប្រើជនសុីវិល អង្គុយចាំរាប់ក្បាលឡាន ឈ្មួញតូច ធំ ដឹកជញ្ជួនតំឡូងមី ទៅប្រទេសវៀតណាម និងទំនិញខុសច្បាប់ចេញពីប្រទេសវៀតណាមចូលមកប្រទេសខ្មែរអោយបង់លុយតាមការកំណត់! (vojhotnews)
ភាពមិនប្រក្រតីប្រព្រឹត្តរបៀបអំពីពុករលួយរបស់លោក សុង មាល័យ ប្រធានការិយាល័យ គយនិងរដ្ឋាករ ច្រកទ្វារព្រំដែនអន្តរជាតិក្អមសំណនិងក្រុមមន្ត្រីប្រចាំច្រកទ្វារព្រំដែនអន្តរជាតិក្អមសំណរតម្រូវអោយអាជីវករបង់លុយចាប់ពី២០មុឺនរៀលទៅ៣៥ម៉ឺនរៀលក្នុង១ឡាន? (voj)
ដុះស្លែប្រព្រឹត្តរបៀបពុករលួយអង្គភាពប្រឆាំងអំពើពុករលួយ មិនគួរមើលរំលងភាពមិនប្រក្រតីប្រព្រឹត្តរបៀបអំពើពុករលួយរបស់លោក ព្រាប គារ៉ាត់”ហៅសិទ្ធ” មេគយចល័តលើផ្ទៃប្រទេសតំបន់ ៦ កាន់តំណែងដុះស្លែ..! (vojhotnews)
វីដែអូ
ចំនួនអ្នកទស្សនា