កាលពីថ្ងៃទី១២ ខែឧសភា ឆ្នាំ២០២០ ម្សិលមិញនេះ ឯកឧត្តម ខៀវ កាញារីទ្ធ រដ្ឋមន្ត្រីក្រសួងព័ត៌មាន បាន សម្រេចលុបចោលអាជ្ញាប័ណ្ណស្ថានីយ៍វិទ្យុរិទ្ធិសែន ខេត្តកំពង់ឆ្នាំង និង គេហទំព័រ រិទ្ធិសែន ដែលមានលោក
សុខ ឧត្តម ជាចាងហ្វាង ។

បើយោងតាមខ្លឹមសារ សេចក្តីប្រកាសរបស់ឯកឧត្តមរដ្ឋមន្ត្រីក្រសួងព័ត៌មាន បញ្ជាក់ថា គឺ លោក សុខ ឧត្តម ជាចាងហ្វាង បានផ្សព្វផ្សាយព័ត៌មានបំផ្លើសការពិត ញុះញង់ អោយកើតមានអំពើហិង្សា បង្កអោយមានការ រើសអើងពូជសាសន៍ បង្កអសន្តិសុខ និង ចលាចលនៅក្នុងសង្គម ដែលជាការំលោភបំពានលើវិជ្ជាជីវៈ និង កិច្ចសន្យាដែលសាមីខ្លួនបានតម្កល់ទុកនៅក្រសួងព័ត៌មាន ។

គួររំលឹកថា ក្នុងរយៈពេលថ្មីៗនេះ ក្រសួងព័ត៌មាន បានសម្រេចលុបចោលអាជ្ញាបណ្ណសារព័ត៌មានជាបន្តបន្ទាប់ ព្រោះសារព័ត៌មានខ្លះ បានប្រព្រឹត្តខុសនឹងក្រមសីលធម៌ និង វិជ្ជាជីវៈអ្នកសារព័ត៌មាន ខ្លួន ៕