ថ្មីៗនេះ មានសេចក្តីរាយការណ៌មួយបានឲ្យដឹងថា ក្នុងករណីដែលឈ្មោះ សូ សារ៉ាក់ ម្ចាស់ការ៉ាសសាំង សូ សារ៉ាក់២ចាក់ដីរំលោភយកដីមាត់ស្ទឹងធ្វើជាកម្មសិទ្ធិកាលពីពេលកន្លងមកនោះ នៅពេលនេះរដ្ឋបាលស្រុកជាំក្សាន្ត ដែល មានរូប លោក ភីវ ដៀន ជាអភិបាលស្តីទី ផងនោះ បានចេញសេចក្តីជូនដំណឹងមួយ លេខ ០១៩ សជណ ចុះថ្ងៃទី ០១ ខែមេសា ឆ្នាំ២០២០ ដោយកំណត់ឲ្យម្ចាសើការាសាំងខាងលើ កាយដីដែលខ្លួនចាក់រំលោភយកនោះចេញវិញ ឲ្យអស់ ប៉ុន្តែជាលទ្ធផល គេនៅមិនទាន់ដឹងថា តើអំណាចអាជ្ញាធរដែនដីថ្នាក់ស្រុកជាំក្សាន្តនេះ អាចមានប្រសិទ្ធិ ឲ្យបុគ្គលម្ចាស់ការ៉ាសសាំងនេះ ធ្វើតាមឬក៏យ៉ាងណានោះទេ ។ ប្រភពពីប្រជាពលរដ្ឋជាច្រើនបាននិយាយឲ្យដឹងថា កន្លងមកនោះ គេតែងល្បីថា បុគ្គលឈ្មោះ សូ សារ៉ាក់ ដែលជា ម្ចាស់ការ៉ាសសាំងមួយនេះ តែងមានអំណាចបក្សពួកនិយមដែលជាសែឡាយរបស់ខ្លួនច្រើនណាស់ ហើយបើមិន មានខ្នងបង្អែកអ្នកមានអំណាចនៅពីក្រោយរបស់គេនោះទេ ម៉្លេះសមបុគ្គលម្ចាស់ការ៉ាសសាំងខាងលើ ក៏មិន ហ៊ានសំដែងឬទ្ធ ចាក់ដីបង្អួតមហាជនយ៉ាងសម្បើមអញ្ចឹងនោះដែរ ។គួររំលឹកថាទីតាំងដីមាត់ស្ទឹងមួយកន្លែង ស្ថិតចំណុចភូមិស្រអែមត្បូង ឃុំកន្ទួត ស្រុកជាំក្សាន្ត ត្រូវបានឈ្មោះ សូ សារ៉ាក់ ម្ចាស់ការ៉ាសសាំង សូរ សារ៉ាក់២ ចាក់ដីរំលោភយក ក្នុងគោលបំណងយកធ្វើជាកម្មសិទ្ធិ ប៉ុន្តែដោយមានការរិៈគន់ជាច្រើនពីប្រជាពលរដ្ឋរស់នៅក្នុងស្រុកជាំក្សាន្ត គេបានឃើញនៅព្រឹកថ្ងៃទី ១៩ ខែមីនា ឆ្នាំ ២០២០ កន្លងទៅនេះ លោក ភីវ ដៀន អភិបាលស្តីទីស្រុកជាំក្សាន្ត និងមន្ត្រីជំនាញសូរិយោដីស្រុក រួមនឹងអាជ្ញាធរភូមិ.ឃុំ បានកំណត់ឲ្យបុគ្គលឈ្មោះ សូ សារ៉ាក់ ម្ចាស់ការ៉ាសាំងកាយដីនោះចេញវិញ ហើយរហូតមកដល់ថ្ងៃទី០១ ម្សិលមិញនេះ រដ្ឋបាលស្រុកជាំក្សាន្ត ក៏បានចេញសេចក្តីជូនដំណឹងជាផ្លូវការ ដែលទាមទាឲ្យបុគ្គលខាងលើកាយដីនោះចេញវិញ ។ទោះជាយ៉ាងណា ព័ត៌មានខាងលើនេះ កំពុងក្លាយជាព័ត៌មានដ៏ចាប់អារម្មណ៌ ដោយមហាជនម្នាក់ៗរង់ចាំមើល ថា តើលោក ភីវ ដៀន អភិបាលស្តីទីស្រុកជាំក្សាន្តរូបនោះ អាចទៅរួចទេ ដែលតម្រូវឲ្យរូបលោក សូរ សារ៉ាក់ អនុ វត្តន៌ តាម សជណ របស់ខ្លួន ៕សម្រាប់ព័ត៌មានដ៏រសើបមួយនេះ យើងរង់ចាំមើលចំណាត់ការរបស់ថ្នាក់ដឹកនាំខេត្តព្រះវិហារ ផ្សាយជូនមហាជន ជ្រាបនៅពេលខាងមុខ ៕
ព័ត៌មានគួរចាប់អារម្មណ៍
សមាគមឧកញ៉ាកម្ពុជា ចេញសេចក្តីប្រកាសព័ត៌មាន ស្តីពី ការបញ្ចប់គោរមងារ «ឧកញ៉ា» ពីគោរមវន្តណាម្នាក់ ដែលស្ថិតក្នុងករណីចំនួន៥! (vojhotnews)
កិច្ចប្រជុំពិភាក្សា ស្តីពីការគ្រប់គ្រងល្បែងផ្សងសំណាង និងការគ្រប់គ្រងផលប៉ះពាល់ពីល្បែងស៊ីសងខុសច្បាប់គ្រប់ប្រភេទ ជូនដល់អាជ្ញាធរសាធារណៈពាក់ព័ន្ធ និងប្រតិបត្តិករល្បែងផ្សងសំណាង នៅខេត្តតាកែវ (vojhotnews)
ភ្នាក់ងាររកទីផ្សារឱ្យក្រុមហ៊ុន ឡេង ណាវ៉ាត្រា ទាមទារកម្រៃជើងសាឬប្រាក់កុំមីស្យុងទន្ថើនៗ! អានព័ត៌មាន៖ ផ្សាយថ្ងៃទី០៤ ខែ០៣ ឆ្នាំ២០២៤ (vojhotnews)
ល្បែងពាណិជ្ជកម្មរាល់ថ្ងៃមានទំព័រហ្វេសប៊ុក១៥-២០ ផ្សព្វផ្សាយល្បែងខុសច្បាប់, អ្នកផ្សព្វផ្សាយនឹងត្រូវហៅទៅពន្យល់ អប់រំ និងណែនាំខាងមុច! (vojhotnews)
បន្ទាប់ពីបាត់លុយវិនិយោគរាប់សិបលានដុល្លាអ្នកវិនិយោគក្នុងក្រុមហ៊ុន CIC Partner ទាមទារឱ្យថ្នាក់ដឹកនាំទាំង ១៣នាក់សងលុយពួកគេវិញ ! (vojhotnews)
វីដែអូ
ចំនួនអ្នកទស្សនា