បន្ទាប់ពីមានសេចក្តីរាយការណ៌ ពីប្រជាពលរដ្ឋក៏ដូចបណ្តាញសាព័ត៌មានក្នុងស្រុកមួយចំនួន បានធ្វើការចុះ ផ្សាយជាបន្តរបន្ទាប់កន្លងមក រឿងលោក សាយ សុភា ដែលត្រូវជាកូនបង្កើតរបស់លោក នុត សោភ័ណ្ឌ អភិ បាលស្រុកត្បែងមានជ័យ រឿងករណីជីកនឹងឈួសឆាយដីភ្នំគ្រាំងដូង ដែលជាដីសាធាណៈរបស់រដ្ឋ ដែលស្ថិត ក្រោមកាគ្រប់គ្រងរបស់លោក នុត សោភ័ណ្ឌ នៅថ្ងៃទី៨ ខែមេសារ ឆ្នាំ២០២០ កន្លង ទៅ ថ្មីៗនេះ លោក ប្រាក់ សុវណ្ណ អភិបាល នៃគណអភិបាលខេត្ត ព្រះវិហារ ក្នុងនាមរូបលោកជាប្រធានអនុគណៈកម្មការដោះ ស្រាយវិវាទដីធ្លីថ្នាក់ខេត្ត បានដឹកនាំកម្លាំងចម្រុះ អញ្ជើញចុះទៅពិនិត្យដល់ទីតាំងជាក់ស្តែងខាងលើនោះ ។ជាមួយនឹងកាចុះពិនិត្យទៅលើទីតាំងដីភ្នំ ដែលត្រូវកូនអភិបាលស្រុកជីកកាយយកមកធ្វើជាកម្មសិទ្ធទាំងបំពាន នោះ លោកអភិបាលខេត្តក៏បានមានប្រសាសន៏ថា រូបលោកនឹងបើកកិច្ចប្រជុំអនុកម្មការថ្នាក់ខេត្តមួយជា បន្ទាន់នៅរសៀលថ្ងៃដដែលនោះ ។គួរបញ្ជក់ផងដែរថា ក្រោយកិច្ចប្រជុំពិភាក្សាអនុគណៈកម្មការថ្នាក់ខេត្ត ជាលទ្ធផលជាក់ស្ដែងបើតាមការ បញ្ជាក់ ពីលោក យូ ចិន្តាយុត្តិ ប្រធានមន្ទីររ៉ែថាមពលខេត្តព្រះវិហារ បានបញ្ជាក់ប្រាប់អ្នកសារព័ត៏មានយើង នៅល្ងាចថ្ងៃទី១០ ខែមេសា ឆ្នាំ២០២០នេះថា ខាងជំនាញរបស់លោកបានពិនិត្យរកឃើញរណ្តៅដីដែល លោក សាយ សុភាបានជីកយកដីភ្នំខាងលើហ្នឹងដោយខុសទៅច្បាប់ មានរហូតដល់ទៅ១,០១៦ម៉ែត្រការ៉េ ឯណោះ ។លោកបានបញ្ជាក់ទៀតថា បុគ្គណាដែលធ្វើប្រតិបត្តិការជីកយករ៉ែ ដោយគ្មានអាជ្ញាបណ្ណ័ធនធានរ៉ែ ឬល្មើស ទៅលើមាត្រា៧ ឬមាត្រា៨ នៃច្បាប់នេះ ត្រូវផាកពិន័យជាប្រាក់ដោយក្រសួងរ៉ែ ចំនួនស្មើរនឹងពីរដងនៃតំលៃ ប៉ាន់ស្មាន ដែលបុគ្គល ឬបក្សពួកបានប្រព្រឹត្តនោះ ។លោកប្រធានមន្ទីររ៉ែ នឹងថាមពលខេត្តបានបញ្ជាក់ថា ទឹកប្រាក់ដែលមន្ទីររ៉ែនឹងថាមពលខេត្តត្រូវពិន័យនោះ គឺមានរហូតដល់ទៅជាង១៥លានរៀលឯណោះ ឬក៏អាចមានទោសជាប់ពន្ធនាគារ ពី១ឆ្នាំ ទៅ៥ឆ្នាំ ក្នុងកថា ខណ្ឌ័ទី១ នៃមារត្រានេះ បើសិនបុគ្គលប្រព្រឹត្តនោះមិនរាងចាលនោះទេ ។ តែបើទោះបីយ៉ាងណាក៏ដោយ ក្រុមប្រជាពលរដ្ឋ ដោយពួកគាត់សំដែងការសប្បាយចិត្ត នឹងត្រេកអរយ៉ាងខ្លាំង ដល់រូបលោក ប្រាក់ សុវណ្ណ អភិបាលខេត្តព្រះវិហារ ក៏ដូចថ្នាក់ដឹកនាំបណ្តាប្រធានមន្ទីរ អង្គភាពទាំងអស់ ដែលបានបើកវាំងននមួយនេះ យកច្បាប់ជាគោលដើម្បីមកអនុវត្តន៏ ឲ្យមានតម្លាភាព រវាងបុគ្គលមានអំណាច ក៏ដូចប្រជាពលរដ្ឋសាមញ នាពេលនេះ ៕
ព័ត៌មានគួរចាប់អារម្មណ៍
សមាគមឧកញ៉ាកម្ពុជា ចេញសេចក្តីប្រកាសព័ត៌មាន ស្តីពី ការបញ្ចប់គោរមងារ «ឧកញ៉ា» ពីគោរមវន្តណាម្នាក់ ដែលស្ថិតក្នុងករណីចំនួន៥! (vojhotnews)
កិច្ចប្រជុំពិភាក្សា ស្តីពីការគ្រប់គ្រងល្បែងផ្សងសំណាង និងការគ្រប់គ្រងផលប៉ះពាល់ពីល្បែងស៊ីសងខុសច្បាប់គ្រប់ប្រភេទ ជូនដល់អាជ្ញាធរសាធារណៈពាក់ព័ន្ធ និងប្រតិបត្តិករល្បែងផ្សងសំណាង នៅខេត្តតាកែវ (vojhotnews)
ភ្នាក់ងាររកទីផ្សារឱ្យក្រុមហ៊ុន ឡេង ណាវ៉ាត្រា ទាមទារកម្រៃជើងសាឬប្រាក់កុំមីស្យុងទន្ថើនៗ! អានព័ត៌មាន៖ ផ្សាយថ្ងៃទី០៤ ខែ០៣ ឆ្នាំ២០២៤ (vojhotnews)
ល្បែងពាណិជ្ជកម្មរាល់ថ្ងៃមានទំព័រហ្វេសប៊ុក១៥-២០ ផ្សព្វផ្សាយល្បែងខុសច្បាប់, អ្នកផ្សព្វផ្សាយនឹងត្រូវហៅទៅពន្យល់ អប់រំ និងណែនាំខាងមុច! (vojhotnews)
បន្ទាប់ពីបាត់លុយវិនិយោគរាប់សិបលានដុល្លាអ្នកវិនិយោគក្នុងក្រុមហ៊ុន CIC Partner ទាមទារឱ្យថ្នាក់ដឹកនាំទាំង ១៣នាក់សងលុយពួកគេវិញ ! (vojhotnews)
វីដែអូ
ចំនួនអ្នកទស្សនា