ព្រោះតែមានការព្រួយបារម្ភទៅនឹងកង្វះខាតទឹកសម្រាប់ប្រជាពលរដ្ឋប្រើប្រាស់ លោក លឹម គានហោ រដ្ឋមន្ត្រីក្រសួងធនធាន ទឹក និងឧតុនិយម បានណែនាំឲ្យក្រុមបច្ចេកទេសរបស់ខ្លួន ធ្វើការសិក្សាដើម្បីឈានទៅដល់ការសាងសង់ប្រឡាយបេតុង០១
ខ្សែប្រវែង៨គីឡូម៉ែត្រ ចេញពីស្ថានីយ៌ទៅភ្ជាប់ជាមួយនឹងស្ទឹងមង្គលបុរី ដោយប្រឡាយនេះ មានតួនាទីជាប្រឡាយមេទឹក ស្រោចស្រពផង ហើយក៏ជាប្រឡាយនាំទឹកសម្រាប់ប្រើប្រាស់នៅក្នុងស្រុកមង្គលបុរីផង ។

ការណែនាំដាក់បទបញ្ជាបែបនេះ គឺធ្វើឡើងនៅព្រឹកថ្ងៃព្រហស្បតិ៍ ទី ៩ ខែមករា ឆ្នាំ២០២០នេះ ខណះដែល លោក លឹម គានហោ រដ្ឋមន្ត្រីក្រសួងធនធានទឹក និងឧតុនិយម បានពិនិត្យឃើញថា នៅស្ទឹងមង្គលបុរី ក្រុងសិរីសោភ័ណ តែងតែគោក
រាក់ប្រឈមនិងការខ្វះខាតទឹកជានិច្ចជាកាលនោះ ដែលអាចនឹងរីងខះទឹក ធ្វើឲ្យបងប្អូនប្រជាពលរដ្ឋ ប្រមាណ៨ពាន់គ្រួសារ អាចនឹងកង្វល់ប្រឈម នឹងកង្វះខាតទឹកប្រើប្រាស់ប្រចាំថ្ងៃ នាពេលខាងមុខ ។

លោករដ្ឋមន្ត្រីបានសម្រេចផ្ដល់ជូននូវស្ថានីយបូមទឹក ហ៊ុន សែន (បណ្តែត) ដែលមានទុយោទំហំប្រមាណ ៥តឹក ចំនួន០១ ស្ថានីយ ព្រមទាំងបានណែនាំឲ្យក្រុមអ្នកបច្ចេកទេសធ្វើការសិក្សាដើម្បីឈានទៅសាងសង់ប្រឡាយបេតុង០១ខ្សែ ប្រវែង ប្រមាណ ៨គីឡូម៉ែត្រ ចេញពីស្ថានីយទៅភ្ជាប់នឹងស្ទឹងមង្គលបុរី ដែលប្រឡាយនេះមានតួនាទីជាប្រឡាយស្រោចស្រពផង និងជាប្រឡាយនាំទឹកសម្រាប់ ការប្រើប្រាស់នៅក្នុងស្រុកមង្គលបុរីផងដែរ ៕