ថ្ងៃអង្គារ៍ ទី២១ ខែតុលា ឆ្នាំ២០៥០
គេហទំព័រ សម្រែកយុត្តិធម៌
ចាប់បានហើយ មន្ត្រីកងរាជអាវុធហត្ថខេត្តបន្ទាយមានជ័យ២នាក់ ដែលបានធ្វើទារុណកម្មលើប្រជាពលរដ្ឋរហូតដល់ស្លាប់នោះ ក្រោយពេលលោកនាយករដ្ឋមន្ត្រី ហ៊ុន សែន បានដាក់បទបញ្ជាក្តៅៗ ក្នុងជំនួបរវាងនាយករដ្ឋមន្ត្រី និងអ្នកសារព័ត៌មាន
Sun,19 January 2020 (Time 08:07 PM)
ដោយ ៖ សុវណ្ណ (ចំនួនអ្នកអាន: 993នាក់)

បន្ទាប់ពីរូបលោកនាយករដ្ឋមន្ត្រី ហ៊ុន សែន ប្រមុខរាជរដ្ឋាភិបាលរបស់កម្ពុជា បានដាក់បទបញ្ជាឲ្យលោកនាយឧត្តមសេនីយ៍ សៅ សុខា មេបញ្ជាការកងរាជអាវុធហត្ថលើផ្ទៃប្រទេស និងគណៈកម្មាធិការសិទ្ធិមនុស្សកម្ពុជា ស្រាវជ្រាវចាប់ជនដៃដល់ដែល ធ្វើទារុណកម្ម លើប្រជាពលរដ្ឋតវ៉ារឿងជម្លោះដីធ្លីនៅខេត្តបន្ទាយមានជ័យរហូតដល់ស្លាប់នោះ ឲ្យខានតែបាន កាលពីជំនួបរវាង
អ្នកលោកនាយករដ្ឋមន្ត្រី និងអ្នកសារព័ត៌មាន កាលពីថ្ងៃទី១៤ ខែមករា ឆ្នាំ២០២០ កន្លងមកថ្មីៗនោះ នៅពេលនេះជនបង្កដែល ជាមន្ត្រីកងរាជអាវុធហត្ថ២រូប គឺត្រូវបានស្រាវជ្រាវរកមុខឃើញហើយ នេះបើតាមសេចក្តីប្រកាសរបស់អ្នកនាំពាក្យ កងរាជអាវុធ ហត្ថលើផ្ទៃប្រទេស ។

បុគ្គលទី១ គឺលោកវរៈសេនីយ៍ឯក ស ប៊ុនសឿង មេបញ្ជាការរងកងរាជអាវុធហត្ថខេត្តបន្ទាយមានជ័យ និងទី២ គឺលោកអនុសេនីយ៍ទោ ឆយ រដ្ឋនា ជំនួយការការិយាល័យប្រឆាំងគ្រឿងញៀន នៃកងរាជអាវុធហត្ថខេត្តបន្ទាយមានជ័យ ត្រូវបានចាប់ខ្លួន ពាក់ព័ន្ធករណីធ្វើទារុណកម្មបណ្តាលឲ្យជនសង្ស័យម្នាក់ស្លាប់ ។

សេចក្តីប្រកាសព័ត៌មានរបស់អ្នកនាំពាក្យកងរាជអាវុធហត្ថលើផ្ទៃប្រទេស ចុះថ្ងៃទី១៩ ខែមករា ២០២០នេះ ស្តីពីលទ្ធផលនៃ
ការធ្វើអធិការៈកិច្ច របស់គណៈកម្មការ ចំពោះកិច្ចកងរាជអាវុធហត្ថលើផ្ទៃប្រទេស បង្ហាញថា បន្ទាប់ពីទទួលបាននូវព័ត៌មានភាពមិនប្រក្រតីនៃការអនុវត្តតួនាទី ភារៈកិច្ចបណ្តាលឲ្យស្លាប់ជនសង្ស័យ ដោយកងរាជអាវុធហត្ថខេត្តបន្ទាយមានជ័យ និងបទបញ្ជាដ៏ខ្ពង់ខ្ពស់របស់លោកនាយករដ្ឋមន្ត្រី ហ៊ុន សែន ប្រមុខរាជរដ្ឋាភិបាលកម្ពុជា, កងរាជអាវុធហត្ថលើផ្ទៃប្រទេសបានបង្កើតគណៈ កម្មការចំពោះកិច្ច ដើម្បីធ្វើការស្រាវជ្រាវផ្ទៀងផ្ទាត់ ជាលទ្ធផលបានរកឃើញការពិតដូចខាងក្រោម ៖ ១-នាយទាហាននៃកងរាជអាវុធហត្ថចំនួន២នាក់ បានប្រើអំពើហិង្សាដោយវាយជនសង្ស័យពិតប្រាកដមែន។

២-ការធ្វេសប្រហែសក្នុងការអនុវត្តតួនាទី ភារៈកិច្ចដោយឃាត់ខ្លួនជនសង្ស័យនៅជាមួយក្រុមក្មេងដែលកំពុងអប់រំបន្សាបគ្រឿងញៀន និងបណ្តោយឲ្យក្មេងទាំងនោះវាយធ្វើបាបជនសង្ស័យ ។ ក្រោយពីការបញ្ជូនខ្លួនទៅកាន់ពន្ធនាគារតាមដីកាឃុំខ្លួន
បណ្តោះអាសន្នរបស់ចៅក្រមស៊ើបសួរ នៃ សាលាដំបូងខេត្តបន្ទាយមានជ័យ ជនត្រូវចោទឈ្មោះ ទុយ ស្រស់ បានស្លាប់ ។
៣-ជាវិធានការ នៅថ្ងៃទី១៨ ខែមករា ឆ្នាំ២០២០ មន្ត្រីនគរបាលយុត្តិធម៌នៃគណៈកម្មការចំពោះកិច្ច កងរាជអាវុធហត្ថលើផ្ទៃប្រ ទេស បានកសាងសំណុំរឿងនាយទាហាននៃកងរាជអាវុធហត្ថខេត្តបន្ទាយមានជ័យ ចំនួន២នាក់ បញ្ជូនទៅសាលាដំបូងខេត្តបន្ទាយមានជ័យ ដើម្បីធ្វើការចោទប្រកាន់តាមច្បាប់ ។

ទោះជាយ៉ាងណាក្តី មតិមហាជនជាច្រើនបានលើកឡើងថា ទាំងអស់នេះ កុំតែបានបណ្តាញអ្នកសារព័ត៌មានក្នុងស្រុកជាច្រើន
នាំគ្នាចែករំលែកជូនថ្នាក់ដឹកនាំ ជាពិសេសនោះគឺលោកនាយករដ្ឋមន្ត្រី បានជ្រាប និងទាមទាឲ្យមានយុត្តិធម៌បង្ហាញជូនមហាជន កុំអីអ្នកដែលស្លាប់ទៅ គឺរងនូវភាពអយុត្តិធម៌បំផុត ដោយសារតែប្រើលេសថា ជនរងគ្រោះស្លាប់ដោយញៀនស្រា ។

ទោះជាយ៉ាងណា ក្រោយពេលដែលលោកនាយករដ្ឋមន្ត្រី ហ៊ុន សែន បានអះអាងថាចាំបាច់ត្រូវជ្រើសយកវិស័យព័ត៌មាន ជាដៃ គូរអភិវឌ្ឍន៌របស់រដ្ឋាភិបាល ក្រុមអ្នកសារព័ត៌មានជាច្រើន បាននាំគ្នាប្តេជ្ញាចិត្តថា និងព្យាយាមយកអំពីព័ត៌មានពិត និងការរង
ទុក្ខរបស់រាស្ត្រ ដើម្បីផ្សាយចែករំលែកជូនថ្នាក់ដឹកនាំគ្រប់ជាន់ថ្នាក់ ក្នុងនាមជាដៃគូររួមចំណែកអភិវឌ្ឍន៌កែលំអរសង្គម ឲ្យកាន់
តែមានប្រសិទ្ធិភាព ទៅថ្ងៃមុខ ៕

ព័ត៌មានគួរចាប់អារម្មណ៍

លោក កែវ ផាន មេគយច្រកទ្វារព្រំដែនអន្តរជាតិភ្នំដិន ស្រុកគីរីវង់ ខេត្តតាកែវ ពង្រាយមន្រ្តីគយនិងជនសុីវិលគ្រប់ច្រកល្ហកដើរប្រមូលលុយពីក្រុមឈ្មួញ​តូច ធំ ដឹក​ជញ្ជូនទំនិញ​គេចពន្ធ. ទំនិញបង់ពន្ធមិនគ្រប់និងទំនិញខុសច្បាប់ចេញពី​ប្រទេសវៀតណាម ចូលមកប្រទេសខ្មែរ យ៉ាងគំហ៊ុក.! (vojhotnews)

ព័ត៌មានគួរចាប់អារម្មណ៍

ឯកឧត្តមបណ្ឌិត គុណ ញឹម រដ្ឋមន្រ្តីប្រតិភូអមនាយករដ្ឋមន្រ្តី ផ្ញើសារលិខិតជូនពរ សម្តេចមហាបវរធិបតី ហ៊ុន ម៉ាណែត ក្នុងឱកាសខួបកំណើតគម្រប់ ៤៨ ឈានចូល ៤៩ឆ្នាំ (ktk168)

ព័ត៌មានគួរចាប់អារម្មណ៍

ឯកឧត្តម ហេង វណ្ណនីអភិបាលរងខេត្តបាត់ដំបង បើកពិធីសម្ភោធយុទ្ធនាការ ក្រោមក្របខណ្ឌគម្រោងផ្គត់ផ្គង់ទឹកស្អាត និងអនាម័យសុខភាពខេត្ត(PWSSP)! (vojhotnews)

ព័ត៌មានគួរចាប់អារម្មណ៍

សិក្ខាកាមអ្នកសារព័ត៌មាន ២០រូបក្នុងខេត្តកំពង់ធំ ចូលរួមវគ្គបណ្ដុះបណ្ដាលផ្នែកផលិតព័ត៌មានពិស្ដារ (vojhotnews)

ព័ត៌មានគួរចាប់អារម្មណ៍

សម្តេចប្រធានរដ្ឋសភា៖ សូមកុំប្រើ “ច្បាប់ព្រៃ និងអនុវត្តច្បាប់អាជ្ញាសឹក“ នៅក្រៅដែនដីរបស់ខ្លួន ដែលជាការរំលោភបំពានលើអធិបតេយ្យ និងបូរណភាពទឹកដីរបស់ប្រទេសដទៃ (vojhotnews)

វីដែអូ

ចំនួនអ្នកទស្សនា

ថ្ងៃនេះ :
267 នាក់
ម្សិលមិញ :
683 នាក់
សប្តាហ៍នេះ :
2357 នាក់
ខែនេះ :
10809 នាក់
3 ខែនេះ :
29146 នាក់
សរុប :
704008 នាក់