(ដកស្រង់ព័ត៌មានពីគេហទំព័រfreshnewsasia)(ភ្នំពេញ)៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា នៅរសៀលថ្ងៃទី០៥ ខែសីហា ឆ្នាំ២០១៩នេះ បានបង្ហោះរូបថតជាមួយចៅៗរបស់សម្តេច និងបានបង្ហាញពីការលំបាកទម្រំាសម្តេច អាចចាប់ចៅៗទាំង១៩នាក់របស់សម្តេចមកថតរូប។សម្តេចតេជោ ហ៊ុន សែន បានបញ្ជាក់ថា ការដែលចាប់ចៅៗទាំង១៩នាក់មកថតរូប ដូចចាប់ក្តាមដាក់ចង្អេរ ពិបាកជាងប្រមូលទាហាន១ម៉ឺននាក់ ចេញច្បាំងទៅទៀត។ជាមួយគ្នានេះសម្តេចបង្ហាញនូវក្តីសង្ឃឹមថា នឹងទទួលបានចៅៗបន្ថែមទៀត ដល់ទី២២ ដែលបច្ចុប្បន្ននេះ សម្តេចមានចៅៗចំនួន២០នាក់ហើយ។សម្តេចតេជោ ហ៊ុន សែន បានសរសេរយ៉ាងដូច្នេះថា «ជួបជុំកូនចៅក្នុងថ្ងៃខួបកំណើត។ អវត្តមានចៅទីមួយនៅសល់ចៅ១៩នាក់ តែដូចចាប់ក្តាមដាក់ចង្អេរទំរាំថតរូបបាន លំបាកជាងប្រមូលទាហាន១ម៉ឺននាក់ ចេញច្បាំងទៅទៀត។ រូបថតចៅ៣នាក់ គឺទី១៨ ទី១៩ និងទី២០ កំពុងសង្ឃឹមនឹងមាន ចៅទី២១ និងទី២២ទៀត។ អរគុណបងប្អូនជនរួមជាតិ ដែលបានជូនពរដល់ខ្ញុំក្នុងថ្ងៃខួបកំណើត»។សូមជម្រាបថា សម្តេចតេជោ ហ៊ុន សែន បានកើតនៅថ្ងៃអង្គារ ១៥កើត ខែពេញបូណ៌មី ឆ្នាំរោង ចត្វាស័ក ព.ស ២៤៩៦ ត្រូវនឹងថ្ងៃទី០៥ ខែសីហា ឆ្នាំ១៩៥២ ក្នុងគ្រួសារជាកសិករ រស់នៅតាមដងទន្លេមេគង្គ ស្ថិតក្នុងភូមិពាមកោះស្នា ស្រុកស្ទឹងត្រង់ ខេត្តកំពង់ចាម មានឪពុកឈ្មោះ ហ៊ុន នាង និងម្ដាយឈ្មោះ ឌី ប៉ុក៕
ព័ត៌មានគួរចាប់អារម្មណ៍
លោក កែវ ផាន មេគយច្រកទ្វារព្រំដែនអន្តរជាតិភ្នំដិន ស្រុកគីរីវង់ ខេត្តតាកែវ ពង្រាយមន្រ្តីគយនិងជនសុីវិលគ្រប់ច្រកល្ហកដើរប្រមូលលុយពីក្រុមឈ្មួញតូច ធំ ដឹកជញ្ជូនទំនិញគេចពន្ធ. ទំនិញបង់ពន្ធមិនគ្រប់និងទំនិញខុសច្បាប់ចេញពីប្រទេសវៀតណាម ចូលមកប្រទេសខ្មែរ យ៉ាងគំហ៊ុក.! (vojhotnews)
ឯកឧត្តមបណ្ឌិត គុណ ញឹម រដ្ឋមន្រ្តីប្រតិភូអមនាយករដ្ឋមន្រ្តី ផ្ញើសារលិខិតជូនពរ សម្តេចមហាបវរធិបតី ហ៊ុន ម៉ាណែត ក្នុងឱកាសខួបកំណើតគម្រប់ ៤៨ ឈានចូល ៤៩ឆ្នាំ (ktk168)
ឯកឧត្តម ហេង វណ្ណនីអភិបាលរងខេត្តបាត់ដំបង បើកពិធីសម្ភោធយុទ្ធនាការ ក្រោមក្របខណ្ឌគម្រោងផ្គត់ផ្គង់ទឹកស្អាត និងអនាម័យសុខភាពខេត្ត(PWSSP)! (vojhotnews)
សិក្ខាកាមអ្នកសារព័ត៌មាន ២០រូបក្នុងខេត្តកំពង់ធំ ចូលរួមវគ្គបណ្ដុះបណ្ដាលផ្នែកផលិតព័ត៌មានពិស្ដារ (vojhotnews)
សម្តេចប្រធានរដ្ឋសភា៖ សូមកុំប្រើ “ច្បាប់ព្រៃ និងអនុវត្តច្បាប់អាជ្ញាសឹក“ នៅក្រៅដែនដីរបស់ខ្លួន ដែលជាការរំលោភបំពានលើអធិបតេយ្យ និងបូរណភាពទឹកដីរបស់ប្រទេសដទៃ (vojhotnews)
វីដែអូ
ចំនួនអ្នកទស្សនា