(ដកស្រង់ពីគេហទំព័រk-esan)ខេត្តកំពង់ធំ ៖ ក្នុងដំណើរបេសកកម្មរយ:ពេលពីរថ្ងៃចុងសប្តាហ៍ ជុំវិញបឹងទន្លេសាបរបស់ឯកឧត្តមរដ្ឋមន្ត្រី វេង សាខុន និងសហការី ឯកឧត្តមរដ្ឋមន្ត្រី រួមជាមួយអភិ បាលរងខេត្ត និងសហការី បានអញ្ជើញមកពិនិត្យស្ថានីយផលិតពូជស្រូវបល័ង្គ នៅសង្កាត់ដំរីជាន់ខ្លា ក្រុងស្ទឹងសែន។ លោកប្រធានមន្ទីរបានឲ្យដឹងថា បច្ចុប្បន្នស្ថានីយមានផ្ទៃដី១១ហិកតា ក្នុងនោះមានជាដីស្រែសម្រាប់ទុកផលិតពូជស្រូវ អគាររដ្ឋបាល ឃ្លាំង រោងជាង។ល។ ស្ថានីយមានតួនាទីជាកន្លែងផលិតពូជស្រូវទុកសម្រាប់ចែកជូនប្រជាកសិករ និងជាថ្នាលបណ្តុះបណ្តាលបច្ចេកទេសកសិកម្មសមស្របមួយផងដែរ។ បន្ទាប់ពីបានចុះពិនិត្យស្ថានភាពជារួច ឯកឧត្តមនៅតែមានអារម្មណ៍គិតគូរពីការចុះអន្តរាគមន៍ជួយកសិករដែលកំពុងទទួលរងនូវផលប៉ះពាល់ដោយគ្រោះរាំងស្ងួតនៅតាមបណ្តាខេត្តដែលឯកឧត្តមបានអញ្ជើញចុះទៅពិនិត្យឃើញផ្ទាល់ក្នុងរយ:ពេល២ថ្ងៃកន្លងទៅនេះ។ លោកបានចេញបញ្ជាឲ្យអគ្គនាយកដ្ឋានកសិកម្ម នាយកដ្ឋានវិស្វកម្មកសិកម្ម និងមន្ទីរប្រមូលគ្រឿងចក្រទាំងអស់ ចុះមកអន្តរាគមន៍ភ្ជួរដីជូនកសិករនៅថ្ងៃចន្ទស្អែកនេះជាបន្ទាន់ ព្រមទាំងនាំយកស្រូវពូជមកចែកជូនកសិករនៅតំបន់ដែលឯកឧត្តមបានសន្យាជាមួយប្រជាជន ។ ទន្ទឹមនឹងនេះ មន្ទីរកសិកម្ម រុក្ខា ប្រមាញ់ និងនេសាទ គួរធ្វើតាមក្រោយ ដើម្បីធ្វើយ៉ាងណាឲ្យទាន់សភាពការណ៍ ។ថ្ងៃចុងក្រោយនៃដំណើរបេសកកម្មនេះ ឯកឧត្តមរដ្ឋមន្ត្រី បានស្នើសុំ ដល់អ្នកពាក់ព័ន្ធទាំងអស់ ត្រូវជួយដល់ប្រជាកសិករឲ្យបានទាន់ពេលវេលា នៅតំបន់កំពុងប្រឈមនឹងគ្រោះរាំងស្ងួត ៕
ព័ត៌មានគួរចាប់អារម្មណ៍
លោក អ៊ុក សុផល រងការរិះគន់ពីមហាជនប្រព្រឹត្តអំពើពុករលួយខ្លាំងជាងអតីតលោក ប៊ុន សេរី ទ្វេដង?ជានាយកទីចាត់ការហិរញ្ញវត្ថុសាលារាជធានីភ្នំពេញ? (vojhotnews)
មេឈ្មួញមហិមា មិនក្រែងនឹងច្បាប់ឈ្មោះ សុខ សំបូរ កំពុងបង្ករព្យុះភ្លៀង បង្កបទល្មើសនេសាទ (vojhotnews)
លោក នូ សុីថា បានធ្វើឲ្យរំជើបរំជួលដូចPresident Donald Trumpបញ្ហាចុះបង្រាប និងប្រមូលពន្ធដល់ក្រុមអ្នករកស៊ីតូចធំទូទាំងប្រទេសចំពោះវិធានការថ្មី (vojhotnews)
មេឈ្មួញធំៗ ក្នុងខេត្តព្រៃវែង និងខេត្តស្វាយរៀង ដឹកជញ្ជូនទំនិញគ្រប់ប្រភេទ បង់ពន្ធមិនគ្រប់ ឃុបឃិតជាមួយ លោក មួង ដារ៉ា ប្រធានការិយាល័យគយខេត្តព្រៃវែង ប្រេីជន សុីវិល និងមន្ត្រីគយចាំអង្គុយរាប់ក្បាលឡាន ឲ្យចូលបង់លុយតាមការកំណត់ (vojhotnews)
អគ្គនាយកដ្ឋានគយនិងរដ្ឋាករកម្ពុជា មានរៀបចំពិធីចុះហត្ថលេខាលើអនុស្សរណៈ នៃការយោគយល់គ្នារវាងអគ្គនាយកដ្ឋានគយនិងរដ្ឋាករកម្ពុជា (អគរ) និងក្រុមហ៊ុន ជីប ម៉ុង អ៊ិនស៊ី ស៊ីមេន ខបភើរេសិន (vojhotnews)
វីដែអូ
ចំនួនអ្នកទស្សនា