ភ្នំពេញ ៖ កងកម្លាំងចម្រុះចុះត្រួតពិនិត្យទីតាំងផ្ទះលេខ១០៤ ផ្លូវ២៩៦ សង្កាត់ទួលស្វាយព្រៃ២ ខណ្ឌបឹងកេងកង រាជធានីភ្នំពេញ ក្នុងករណីសង្ស័យធ្វើការនាំចូល ស្តុក ចែកចាយ បារីម៉ាក GOLD SEAL និងបារីជាច្រើនប្រភេទទៀត ដោយពុំមានសារព្រមានសុខភាព ព្រមទាំងធ្វើការផ្សព្វផ្សាយពាណិជ្ជកម្មផលិតផលថ្នាំជក់ផ្ទុយទៅនឹងច្បាប់ ។សមត្ថកិច្ចចម្រុះ បានធ្វើការឆែកឆេរត្រួតពិនិត្យ ក្នុងឃ្លាំងស្តុកបារី នៃទីតាំងខាងលើ ដោយបានរកឃើញនូវសម្ភារ រួមមាន ៖ បារីម៉ាក GOLD SEAL(មួយកញ្ចប់ដប់ដើម) និងបារីគ្មានសារព្រមានសុខភាពមួយចំនួនទៀតដូចជា ម៉ាក GOLD SEAL(មួយកញ្ចប់ម្ភៃដើម), GUDANG GARAM, HARVEST, ORIS, TRADITION, ASHFORD, និងម៉ាក LIPS ដែលសរុបទាំងអស់ចំនួន ១២៩កេស ព្រមទាំងសម្ភារប្រើប្រាស់សម្រាប់បំរើឲ្យការងារផ្សាយពាណិជ្ជកម្មបារី ចំនួន ០៦មុខផ្សេងទៀត ។ប្រតិបត្តិការនេះ ធ្វើឡើងកាលពីថ្ងៃទី១៥ ខែកក្កដា ឆ្នាំ២០១៩ កម្លាំងជំនាញការិយាល័យប្រឆាំងបទល្មើសកម្មសិទ្ធិបញ្ញា នៃនាយកដ្ឋាននគរបាលប្រឆាំងបទល្មើសសេដ្ឋកិច្ច បានសហការជាមួយមន្ត្រីជំនាញ នៃមជ្ឈមណ្ឌលជាតិលើកកម្ពស់សុខភាព ក្រសួងសុខាភិបាល និងកម្លាំងស្នងការដ្ឋានរាជធានីភ្នំពេញ ព្រមទាំងអាជ្ញាធរមូលដ្ឋាន ក្រោមការសម្របសម្រួលនីតិវិធីផ្ទាល់ដោយ លោក សេង គីមឡាក់ ព្រះរាជអាជ្ញារង នៃអយ្យការ អមសាលាដំបូងរាជធានីភ្នំពេញ ។បន្ទាប់ពីបានត្រួតពិនិត្យចប់សព្វគ្រប់ លោកព្រះរាជអាជ្ញារង បានសម្រេចឲ្យសមត្ថកិច្ច ធ្វើការដកហូតវត្ថុតាងទាំងអស់ខាងលើ ដោយរក្សាទុកជាបណ្តោះអាសន្ននៅក្នុងបន្ទប់ឃ្លាំងដាក់សម្ភារ នៅក្នុងទីតាំងដដែល បិទប្លំបេ ដើម្បីធ្វើការពិនិត្យស្រាវជ្រាវបន្តទៀត ដោយដាក់ឲ្យស្ថិតក្រោមការទទួលខុសត្រូវរបស់តំណាងម្ចាស់ទីតាំង រង់ចាំការសម្រេចពីស្ថាប័នតុលាការការ ព្រមទាំងតម្រូវឲ្យឈ្មោះ ឈុន រត្ថា ភេទប្រុស អាយុ ៣៤ឆ្នាំ ចូលខ្លួនទៅបំភ្លឺ នៅនាយកដ្ឋាននគរបាលប្រឆាំងបទល្មើស សេដ្ឋកិច្ច ដើម្បីបន្តនីតិវិធី៕
ព័ត៌មានគួរចាប់អារម្មណ៍
លោក ឱម យិនទៀង ប្រធានអង្គភាពប្រឆាំង គួរដាក់មន្ត្រីជំនាញអង្គភាពប្រឆាំងអំពើពុករលួយចុះសិក្សាស្រាវជ្រាវអោយសុីជម្រៅភាពមិនប្រក្រតីប្រព្រឹត្តរបៀបអំពើពុករលួយរបស់លោក នូ សុីថា ប្រធាននាយកដ្ឋានបង្ការនិងបង្ក្រាបបទល្មើសនៃអគ្គនាយកដ្ឋានគយនិងរដ្ឋាករកម្ពុជា ()
ប្រធានស្ថានីយ៍ជញ្ជីងថ្លឹងរថយន្តផ្លូវជាតិលេខ7 ផ្លូវអាស៊ានលេខ 11 នៅចំណុចគីឡូលេខ៣៥០ឃុំចង្ក្រង់ ស្រុកចិត្របុរី ខខេត្តក្រចេះគៀបយកលុយពីក្រុមឈ្មួញរថយន្តធំៗទាំងយប់ទាំងថ្ងៃតាមអំពើចិត្តមិនញញើសអ្វីទាំងអស់អាងខ្នងប្រធានមន្ទីរសាធារណការខេត្តក្រចេះ (vojhotnews)
ថៃ មានគម្រោងផែនការប្រើវិធីទំលាក់គ្រាប់ដើម្បីធ្វើឃាដអ្នកដឹកនាំជាន់ខ្ពស់សម្តេច ហ៊ុន សែន និងសម្តេចធិបតីនាយករដ្ឋមន្រ្តី ! (vojhotnews)
ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្រ្តីក្រសួងសេដ្ឋកិច្ចនិងហិរញ្ញវត្ថុ និងជាប្រធានគណៈកម្មការគ្រប់គ្រងល្បែងពាណិជ្ជកម្មកម្ពុជា (គ.ល.ក.) លើកទី១២ អាណត្តិទី១ (vojhotnews)
លោក ដូណាល់ ត្រាំ បានដាក់ពន្ធគយថ្មីលើប្រទេសមួយចំនួនក្នុងអាណត្តិទីពីរ (vojhotnews)
វីដែអូ
ចំនួនអ្នកទស្សនា