លោក ថោ សារ៉ាត់ និងបក្ខពួកចំនួន៤នាក់ ដែលកន្លងមកត្រូវបានព័ត៌មានចែករំលែកល្បីល្បាញឲ្យកក្រើកប្រទេស ពាក់ព័ន្ធទៅ នឹងការបាញ់សម្លាប់លោកឧកញ៉ា អ៊ឹង ម៉េងជឺ ហើយកាលពីថ្ងៃទី២៦ ខែមីនា ឆ្នាំ២០១៩ ត្រូវបានសាលាដំបូងរាជធានីភ្នំពេញ ប្រកាសសាលក្រមផ្ដន្ទាទោស ដោយដាក់ពន្ធនាគារអស់មួយជីវិតនោះ នៅពេលនេះត្រូវបានសាលាឧទ្ធរណ៍បានសម្រេចឲ្យដោះលែងលោក ថោង សារ៉ាត់ និងបក្ខពួកចំនួន៣នាក់ទៀត ឱ្យនៅក្រៅឃុំជាបណ្តោះអាសន្នហើយ ក្នុងនោះលើកលែងតែឈ្មោះ សៀង វាសនា ដែលជាជនដៃប៉ុណ្ណោះ ដែលតុលាការបន្តឲ្យស្ថិតនៅក្នុងឃុំ ដដែល ។គួររំលឹកផងដែរថា កាលវេលាម៉ោង៧ និង១៨ នាទីយប់ ថ្ងៃទី២២ ខែវិច្ឆិកា ឆ្នាំ២០១៤ ហេតុការណ៍បាញ់សម្លាប់លោកឧកញ៉ា អ៊ឹង ម៉េងជឺ ធ្វើឲ្យកក្រើករាជធានីភ្នំពេញ ខណៈពេលដែលលោកឧកញ៉ា អ៊ឹង ម៉េងជឺ ចុះពីរថយន្តឡិចស៊ីស ៥៧០ ដើម្បីទៅទិញ ផ្លែឈើនៅមុខហាងលក់ផ្លែឈើ ឡោ តិចសេង ស្ថិតនៅផ្លូវលេខ២៧៤ សង្កាត់ទួលស្វាយព្រៃទី២ ខណ្ឌចំការមន រាជធានីភ្នំ ពេញ។ក្រោយពេលកើតហេតុ ក្រោមការស្រាវជ្រាវយ៉ាងយកចិត្តទុកដាក់របស់ស្ថាប័នសមត្ថកិច្ច និងស្ថាប័នតុលាការ ពិរុទ្ធជន ចំនួន៥ នាក់ ត្រូវបានសាលាដំបូងសួរនាំ និងឃុំខ្លួន ក្នុងនោះមានទី១ លោក ថោង សារ៉ាត់ ជាមេក្លោង ទី២ ឈ្មោះ ស៊ាង វាសនា ទី៣ ឈ្មោះ មាស សម្បត្តិ ទី៤ឈ្មោះ កុយ ចាន់ថុល និងទី៥ ឈ្មោះ ឈុំ ចិត្ទី ។បើតាមសេចក្តីប្រកាសរបស់អ្នកនាំពាក្យសាលាឧទ្ធរណ៍នៅថ្ងៃទី០៦ ខែវិច្ឆិកា ឆ្នាំ២០១៩នេះ អ្នកដែលត្រូវដោះលែងឲ្យក្រៅឃុំជា បណ្តោះអាសន្នមានចំនួន៤នាក់ រួមមាន ទី១ ថោង សារ៉ាត់ ទី២ ហួយ ចាន់ថុល ទី៣ មាស សម្បត្តិ ហៅ ទូច និង ទី៤ ឈ្មោះ ឃុន ចិត្រា ដោយតុលាការបានដាក់លក្ខខណ្ឌ៤ចំណុចដូចជា ១. ជនជាប់ចោទមិនត្រូវចាកចេញពីព្រះរាជាណាចក្រកម្ពុជាដោយ មិនមានការអនុញ្ញាតពីតុលាការ។ ២ ហាមផ្លាស់ប្តូរលំនៅដ្ឋាន ។ ៣. ត្រូវបង្ហាញខ្លួននៅការិយាល័យស្នងការនគរបាលរាជធានី ភ្នំពេញរៀងរាល់សប្តាហ៍ទី១ រៀងរាល់ខែ ។ ៤. ចូលបង្ហាញខ្លួនតាមការកោះហៅរបស់តុលាការឬ អាជ្ញាធរមានសមត្ថកិច្ចដែល ចាត់តាំងដោយតុលាការ ៕
ព័ត៌មានគួរចាប់អារម្មណ៍
រះករុណាជាអម្ចាស់ ជីវិតលើត្បូង ព្រះបាទសម្តេច ព្រះបរមនាថ ព្រះមហាក្សត្រនៃព្រះរាជាណាចក្រកម្ពុជា ជាទីសក្ការៈដ៏ខ្ពង់ខ្ពស់បំផុត ព្រះអង្គសព្វព្រះរាជហឬទ័យសេ្តចយាងសំណេះសំណាលសាកសួរសុខទុក្ខ និងចែកជូនព្រះរាជអំណោយដល់CMAC! (vojhotnews)
កាសែតប្រឆាំងដែលអះអាងថាមាន មន្ត្រីគយនិយាយថាលោកគុណ ញឹម យកលុយមកសូកប្រពន្ធហ៊ុន ម៉ាណែតដើម្បីបានពន្យាអាយុចូលនិវត្តន៍ ដល់ឆ្នាំ២០២៨! (vojhotnews)
សមាគមឧកញ៉ាកម្ពុជា ចេញសេចក្តីប្រកាសព័ត៌មាន ស្តីពី ការបញ្ចប់គោរមងារ «ឧកញ៉ា» ពីគោរមវន្តណាម្នាក់ ដែលស្ថិតក្នុងករណីចំនួន៥! (vojhotnews)
កិច្ចប្រជុំពិភាក្សា ស្តីពីការគ្រប់គ្រងល្បែងផ្សងសំណាង និងការគ្រប់គ្រងផលប៉ះពាល់ពីល្បែងស៊ីសងខុសច្បាប់គ្រប់ប្រភេទ ជូនដល់អាជ្ញាធរសាធារណៈពាក់ព័ន្ធ និងប្រតិបត្តិករល្បែងផ្សងសំណាង នៅខេត្តតាកែវ (vojhotnews)
ភ្នាក់ងាររកទីផ្សារឱ្យក្រុមហ៊ុន ឡេង ណាវ៉ាត្រា ទាមទារកម្រៃជើងសាឬប្រាក់កុំមីស្យុងទន្ថើនៗ! អានព័ត៌មាន៖ ផ្សាយថ្ងៃទី០៤ ខែ០៣ ឆ្នាំ២០២៤ (vojhotnews)
វីដែអូ
ចំនួនអ្នកទស្សនា